41 ലക്ഷം രൂപ, പലരാജ്യങ്ങളില്‍ പഠനം; ഇറാസ്മുണ്ടസ് സ്‌കോളര്‍ഷിപ്പ് കയ്യെത്തിപ്പിടിച്ച് ആരോണ്‍


വിജയകുമാർ കൂത്താട്ടുകുളം

ആരോൺ കുര്യാക്കോസ് പ്രകാശ്‌

കഴിഞ്ഞവർഷം യൂറോപ്യൻ യൂണിയന്റെ ഇറാസ്മസ് മുണ്ടസ് സ്കോളർഷിപ്പ് നേടിയ വിദ്യാർഥികളെക്കുറിച്ച് വന്ന പത്രവാർത്തയാണ് എറണാകുളം കൂത്താട്ടുകുളം വാളിയപ്പാടം കൂരംകുന്നേൽ ആരോൺ കുര്യാക്കോസ് പ്രകാശിന്റെ ജീവിതം മാറ്റിമറിച്ചത്. വാർത്ത വായിച്ചതിനുശേഷം ഈ സ്കോളർഷിപ്പിനെക്കുറിച്ച് കൂടുതലറിയാൻ ആരോൺ വിശദമായ അന്വേഷണം നടത്തി. അവസാനം ഇന്ത്യയിൽനിന്നും ഈ സ്കോളർഷിപ്പ് നേടിയവരിൽ ഒരാളായി ആരോൺ.

പരീക്ഷയിലെ മാർക്ക് മാത്രമല്ല തിരഞ്ഞെടുക്കപ്പെടുന്നതിനുള്ള മാനദണ്ഡം. കരിക്കുലത്തിന് പുറത്തുള്ള വിദ്യാർഥിയുടെ പ്രവർത്തനം, അക്കാദമിക് അനുഭവങ്ങൾ, കരിയർ താത്‌പര്യങ്ങൾ, സാമൂഹികപ്രതിബദ്ധതാ പ്രവർത്തനങ്ങൾ, ഭാഷാപരിജ്ഞാനം എന്നിവയെല്ലാം പരിഗണിക്കുമെന്ന് ഇറ്റലിയിലെ പിസ സർവകലാശാലയിൽ പ്രവേശനം ലഭിച്ച ആരോൺ കുര്യാക്കോസ് പറഞ്ഞു.

സ്കോളർഷിപ്പോടെ ജോയന്റ് മാസ്റ്റർ ഡിഗ്രിയായ ബയോഫാം (ബയോ ആൻഡ് ഫാർമസ്യൂട്ടിക്കൽ മെറ്റീരിയൽ സയൻസ്) പഠനത്തിനാണ് പ്രവേശനം ലഭിച്ചത്. യൂറോപ്പിലെ നാലു രാജ്യങ്ങളിലായാണ് പഠനം. ആദ്യസെമസ്റ്റർ ഇറ്റലിയിലും തുടർന്ന് സ്പെയിൻ, പോളണ്ട്, ഫ്രാൻസ് എന്നീ രാജ്യങ്ങളിലായിട്ടാണ് പഠനം പൂർത്തിയാക്കേണ്ടത്. ഏകദേശം 41 ലക്ഷം രൂപയാണ്‌ സ്‌കോളർഷിപ്പ്‌ തുക. പഠനത്തിനും യാത്രയ്ക്കും ജീവിതച്ചെലവുകൾക്കുമായി ഈ തുക ഉപയോഗിക്കാം. കൂത്താട്ടുകുളം ഹയർസെക്കൻഡറി സ്കൂൾ അധ്യാപകനായ പ്രകാശ് ജോർജ് കുര്യന്റെയും മഞ്ജു മാത്യുവിന്റെയും മകനാണ്. ചെന്നൈയിലെ മദ്രാസ് ക്രിസ്ത്യൻ കോളേജിൽനിന്നാണ് രസതന്ത്രത്തിൽ ബിരുദം നേടിയത്.

Content Highlights: Erasmus Mundus Joint Masters scholarships


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023


marriage

1 min

ചെന്നൈയിലെ ഫ്‌ളാറ്റില്‍ ലളിതമായ ചടങ്ങ്; പ്രിയദര്‍ശന്റേയും ലിസിയുടേയും മകന്‍ സിദ്ധാര്‍ഥ് വിവാഹിതനായി

Feb 3, 2023


.

1 min

ഇഡ്ഡലിയോട് ഈ കടുംകൈ വേണ്ടെന്ന് വിമര്‍ശനം; പാഴായി പരീക്ഷണം

Feb 5, 2023

Most Commented