നാഷണല്‍ ടെസ്റ്റിങ് ഏജന്‍സി (എന്‍.ടി.എ.) നടത്തുന്ന വിവിധ പ്രവേശന പരീക്ഷകളുടെ സമയക്രമം പ്രഖ്യാപിച്ചു. ബനാറസ് ഹിന്ദു യൂണിവേഴ്‌സിറ്റി എന്‍ട്രന്‍സ് ടെസ്റ്റ് [അണ്ടര്‍ ഗ്രാജുവേറ്റ് (യു.ഇ.ടി), പോസ്റ്റ് ഗ്രാജുവേറ്റ് (പി.ഇ.ടി)]; ബാബാ സാഹേബ് ഭീംറാവു അംബേദ്കര്‍ യൂണിവേഴ്‌സിറ്റി എന്‍ട്രന്‍സ് ടെസ്റ്റ് [അണ്ടര്‍ ഗ്രാജുവേറ്റ് (യു.ജി), പോസ്റ്റ് ഗ്രാജുവേറ്റ് (പി.ജി)], എന്നിവ സെപ്റ്റംബര്‍ 28, 29, 30, ഒക്ടോബര്‍ 1, 3, 4 തിയ്യതികളിലായി നടത്തും.

വിവിധ വിഷയങ്ങളുടെ പ്രവേശന പരീക്ഷകളുടെ സമയക്രമം https://bhuet.nta.nic.in / https://bbauet.nta.nic.in/ www.nta.ac.in എന്നീ സൈറ്റുകളിലുള്ള ബന്ധപ്പെട്ട സര്‍വകലാശാലയുടെ പരീക്ഷയുടെ സമയക്രമ വിജ്ഞാപനത്തില്‍ ഉണ്ട്.

രണ്ട് പരീക്ഷകളും കംപ്യൂട്ടര്‍ ബേസ്ഡ് ടെസ്റ്റ് (സി.ബി.ടി)/ഹൈബ്രിഡ് (ടാബ്ലറ്റ്‌സ്)/പെന്‍ ആന്‍ഡ് പേപ്പര്‍ മോഡ് (ഒ.എം.ആര്‍. ബേസ്ഡ്) രീതിയില്‍ നടത്തും.

അഡ്മിറ്റ് കാര്‍ഡ് ഡൗണ്‍ലോഡുചെയ്‌തെടുക്കാവുന്ന സമയം വ്യക്തമാക്കുന്ന അറിയിപ്പ് ഈ വെബ്‌സൈറ്റുകളില്‍ പിന്നീട് പ്രസിദ്ധപ്പെടുത്തും.

അഡ്മിറ്റ് കാര്‍ഡ്

സെപ്റ്റംബര്‍ 26 മുതല്‍ 30 വരെയും ഒക്ടോബര്‍ ഒന്നിനും ആയി നടത്തുന്ന കംപ്യൂട്ടര്‍ ബേസ്ഡ് ഡല്‍ഹി യൂണിവേഴ്‌സിറ്റി എന്‍ട്രന്‍സ് ടെസ്റ്റിന്റെ (ഡി.യു.ഇ.റ്റി) അഡ്മിറ്റ് കാര്‍ഡ് https://ntaexam2021.cbtexam.in/ ല്‍ നിന്ന് ഡൗണ്‍ലോഡ് ചെയ്യാം. യു.ജി, പി.ജി, എം.ഫില്‍/പിഎച്ച്.ഡി പ്രോഗ്രാമുകളാണ് ഡി.യു.ഇ.ടി. പരിധിയില്‍ വരുന്നത്.