ഫിസിക്സ്, തിയററ്റിക്കൽ കംപ്യൂട്ടർ സയൻസ്, ന്യൂറോ സയൻസ്, കംപ്യൂട്ടേഷണൽ ബയോളജി തുടങ്ങിയ വിഷയങ്ങളിലെ പിഎച്ച്.ഡി./ ഇന്റഗ്രേറ്റഡ് പിഎച്ച്.ഡി. പ്രോഗ്രാമുകളിലെ പ്രവേശനത്തിനായുള്ള 2021-ലെ ജോയന്റ് എൻട്രൻസ് സ്ക്രീനിങ് ടെസ്റ്റ് (ജസ്റ്റ്) ഏപ്രിൽ 11-ന് നടക്കും.
* ഫിസിക്സ്, മാത്തമാറ്റിക്സ്, അപ്ലൈഡ് ഫിസിക്സ്, അപ്ലൈഡ് മാത്തമാറ്റിക്സ്, ഓപ്റ്റിക്സ് ആൻഡ് ഫോട്ടോണിക്സ്, ഇൻസ്ട്രുമെന്റേഷൻ, ഇലക്ട്രോണിക്സ് അസ്ട്രോണമി, കെമിസ്ട്രി, ബയോഫിസിക്സ്, ബയോകെമിസ്ട്രി തുടങ്ങിയവയുൾപ്പടെയുള്ള നിശ്ചിത വിഷയങ്ങളിൽ എം.എസ്സി., ചില ബ്രാഞ്ചുകളിലെ/വിഷയങ്ങളിലെ എം.ഇ./എം.ടെക്., ബി.ടെക്. ബിരുദം എന്നിവയിലൊന്നുള്ളവർക്ക് ഫിസിക്സ്/തിയററ്റിക്കൽ കംപ്യൂട്ടർ സയൻസ്/ന്യൂറോ സയൻസ്/കംപ്യൂട്ടേഷണൽ ബയോളജി എന്നിവയിലായുള്ള പിഎച്ച്.ഡി.ക്ക് അപേക്ഷിക്കാം.
* ഇന്റഗ്രേറ്റഡ് എം.എസ്സി./എം.ടെക്. പിഎച്ച്.ഡി. പ്രോഗ്രാമിലേക്ക് നിശ്ചിത സയൻസ്/എൻജിനിയറിങ് ബിരുദധാരികൾക്ക് അപേക്ഷിക്കാം. ഹരീഷ്ചന്ദ്ര റിസർച്ച് ഇൻസ്റ്റിറ്റ്യൂട്ടിൽ എം.എസ്സി. ഫിസിക്സ് പ്രവേശനവും ജസ്റ്റ് വഴിയാണ്
* ആര്യഭട്ട റിസർച്ച് ഇൻസ്റ്റിറ്റ്യൂട്ട് ഓഫ് ഒബ്സർവേഷണൽ സയൻസസ്, ബോസ് ഇൻസ്റ്റിറ്റ്യൂട്ട്, ഇന്ദിരാഗാന്ധി സെന്റർ ഫോർ ആറ്റമിക് റിസർച്ച്, ഇന്ത്യൻ ഇൻസ്റ്റിറ്റ്യൂട്ട് ഓഫ് ആസ്ട്രോഫിസിക്സ്, ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് എജ്യുക്കേഷൻ ആൻഡ് റിസർച്ച്, ഇൻസ്റ്റിറ്റ്യൂട്ട് ഓഫ് മാത്തമാറ്റിക്കൽ സയൻസസ്, ഇന്റർ യൂണിവേഴ്സിറ്റി സെന്റർ ഫോർ ആസ്ട്രോണമി ആൻഡ് ആസ്ട്രോഫിസിക്സ്, ജവാഹർലാൽ നെഹ്റു സെന്റർ ഫോർ അഡ്വാൻസ്ഡ് സയന്റിഫിക് റിസർച്ച്, നാഷണൽ ബ്രെയിൻ റിസർച്ച് സെന്റർ, നാഷണൽ ഇൻസ്റ്റിറ്റ്യൂട്ട് ഓഫ് സയൻസ് എജ്യുക്കേഷൻ ആൻഡ് റിസർച്ച്, ഫിസിക്കൽ റിസർച്ച് ലബോറട്ടറി, രാജാ രാമണ്ണ സെന്റർ ഫോർ അഡ്വാൻസ്ഡ് ടെക്നോളജി, രാമൻ റിസർച്ച് ഇൻസ്റ്റിറ്റ്യൂട്ട്, സാഹ ഇൻസ്റ്റിറ്റ്യൂട്ട് ഓഫ് ന്യൂക്ലിയാർ ഫിസിക്സ്, എസ്.എൻ. ബോസ് നാഷണൽ സെന്റർ ഫോർ ബേസിക് സയൻസസ്, ടാറ്റാ ഇൻസ്റ്റിറ്റ്യൂട്ട് ഓഫ് ഫണ്ടമന്റൽ റിസർച്ച്, കൺസോർഷ്യം ഓഫ് സയന്റിഫിക് റിസർച്ച്, നാഷണൽ സെന്റർ ഫോർ റേഡിയോ ആസ്ട്രോഫിസിക്സ്, വേരിയബിൾ എനർജി സൈക്ലോട്രോൺ സെന്റർ, ഹരീഷ്ചന്ദ്ര റിസർച്ച് ഇൻസ്റ്റിറ്റ്യൂട്ട്, ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് തുടങ്ങിയവയിൽ ഉൾപ്പെടെയാണ് പ്രവേശനം.
* പരീക്ഷാഘടന, മാതൃകാ ചോദ്യപ്പേപ്പർ എന്നിവ സൈറ്റിൽ ലഭിക്കും.
അപേക്ഷ ജനുവരി 11 മുതൽ ഫെബ്രുവരി 14 വരെ നൽകാം. വിശദാംശങ്ങൾക്ക് www.jest.org.in കാണുക.
Content Highlights: JEST exam from April 11, apply till february
