ഇന്‍സ്റ്റിറ്റ്യൂട്ട് ഓഫ് ഹ്യുമന്‍ റിസോഴ്‌സസ് ഡെവലപ്‌മെന്റിന്റെ കീഴില്‍ പ്രവര്‍ത്തിക്കുന്ന ടെക്‌നിക്കല്‍ ഹയര്‍സെക്കന്‍ഡറി സ്‌കൂളുകളില്‍ 2021-'22 അധ്യയനവര്‍ഷത്തെ എട്ടാംക്ലാസ് പ്രവേശനത്തിന് ഓണ്‍ലൈന്‍ അപേക്ഷ ക്ഷണിച്ചു.
എറണാകുളം ജില്ലയില്‍ കലൂര്‍ (0484-2347132), കപ്രാശ്ശേരി (ചെങ്ങമനാട്, 0484-2604116), മലപ്പുറം വാഴക്കാട് (0483-2725215), വട്ടംകുളം (0494-2681498), പെരിന്തല്‍മണ്ണ (0493-3225086), കോട്ടയം പുതുപ്പള്ളി (0481-2351485), ഇടുക്കി പീരുമേട് (0486-9233982), മുട്ടം, തൊടുപുഴ (0486-2255755), പത്തനംതിട്ട മല്ലപ്പള്ളി (0469-2680574) എന്നിവിടങ്ങളിലാണ് സ്‌കൂളുകളുള്ളത്.
അപേക്ഷകര്‍ 2021 ജൂണ്‍ ഒന്നിന് 16 വയസ്സ് പൂര്‍ത്തിയാകാത്തവരാവണം. ഏഴാം ക്ലാസോ തത്തുല്യ പരീക്ഷയോ പാസായവര്‍ക്കും പരീക്ഷാഫലം കാത്തിരിക്കുന്നവര്‍ക്കും അപേക്ഷിക്കാം.
ihrd.kerala.gov.in/ths വഴിയാണ് അപേക്ഷ ഓണ്‍ലൈനായി നല്‍കേണ്ടത്. രജിസ്‌ട്രേഷന്‍ ഫീസായി 110 രൂപ (എസ്.സി./എസ്.ടി. വിദ്യാര്‍ഥികള്‍ക്ക് 55 രൂപ) അപേക്ഷിക്കാന്‍ ഉദ്ദേശിക്കുന്ന സ്‌കൂളിന്റെ ബാങ്ക് അക്കൗണ്ടില്‍ അടച്ച്, വിശദാംശങ്ങള്‍ ഓണ്‍ലൈന്‍ പോര്‍ട്ടലില്‍ രേഖപ്പെടുത്തണം. അപേക്ഷാഫീസ് ബന്ധപ്പെട്ട സ്‌കൂള്‍ ഓഫീസില്‍ പണമായോ പ്രിന്‍സിപ്പലിന്റെ പേരില്‍ മാറാവുന്ന ഡി.ഡി. ആയോ നല്‍കാം. 2021-'22 വര്‍ഷത്തെ പ്രോസ്‌പെക്ടസ് വെബ്‌സൈറ്റില്‍ ലഭിക്കും. അപേക്ഷകള്‍ ഏപ്രില്‍ ഒന്‍പതിന് വൈകുന്നേരം നാലുവരെ നല്‍കാം.
Content Highlights: IHRD Eighth Class Admission to Technical School
