നാഷണല്‍ എലിജിബിലിറ്റി കം എന്‍ട്രന്‍സ് ടെസ്റ്റ് (നീറ്റ്) അപേക്ഷ പൂര്‍ത്തിയാക്കാന്‍ കഴിയാതെ പോയവര്‍ക്ക്, അത് പൂര്‍ത്തിയാക്കാന്‍, നാഷണല്‍ ടെസ്റ്റിങ് ഏജന്‍സി അവസരം നല്‍കുന്നു. അപേക്ഷാ സമര്‍പ്പണത്തിന്റെ ആദ്യഘട്ടം നടത്തി പരീക്ഷയ്ക്കുള്ള രജിസ്‌ട്രേഷന്‍, നേരത്തേ പൂര്‍ത്തിയാക്കിയവര്‍ക്കാണ് അവസരം ലഭിക്കുക.
അവര്‍ക്ക് രണ്ടാംഘട്ടമായ അപേക്ഷ പൂരിപ്പിക്കല്‍, മൂന്നാംഘട്ടമായ സ്‌കാന്‍ ചെയ്ത ഇമേജുകളുടെ അപ്‌ലോഡിങ്, നാലാം ഘട്ടമായ ഫീസടയ്ക്കല്‍ അപേക്ഷയുടെ നില പരിശോധിക്കല്‍ എന്നിവ പൂര്‍ത്തിയാക്കാം. ഫെബ്രുവരി മൂന്ന് മുതല്‍ ഒന്‍പതിന് രാത്രി 11.50 വരെയാണ് ഈ സൗകര്യം ലഭിക്കുക. വിവരങ്ങള്‍ക്ക്: https://ntaneet.nic.in/
Content Highlights: NEET UG 2020: Another chance to complete application
