കൊറോണ വൈറസ് വ്യാപനം തടയുന്നതിന്റെ ഭാഗമായി രാജ്യത്താകമാനം ലോക്ക്ഡൗൺ പ്രഖ്യാപിച്ചിരിക്കുന്ന സാഹചര്യത്തിൽ വിദ്യാർഥികൾക്കായി കേരള സർക്കാർ പുറത്തിറക്കിയ പുതിയ പദ്ധതിയെക്കുറിച്ചുള്ള വിവരങ്ങൾ പങ്കുവെച്ച് നടൻ മോഹൻലാൽ.

'അവധിക്കാല സന്തോഷങ്ങൾ' എന്ന പേരിൽ കേരള ഇൻഫ്രാസ്ട്രക്ച്ചർ ആൻഡ് ടെക്നോളജി ഫോർ എഡ്യുക്കേഷൻ (കൈറ്റ്) നടപ്പാക്കുന്ന പദ്ധതിയെക്കുറിച്ചുള്ള വിവരങ്ങൾ തന്റെ ഫെയ്സ്ബുക്ക് പേജിലൂടെയാണ് അദ്ദേഹം പങ്കുവെച്ചത്. വിനോദത്തിലൂടെ വിജ്ഞാനം പകരുകയെന്ന ലക്ഷ്യത്തോടെയുള്ള ഈ പദ്ധതി, കൈറ്റിന്റെ 'സമഗ്ര' ഡിജിറ്റൽ വിഭവ പോർട്ടലിലാണ് ഒരുക്കിയിട്ടുള്ളത്.

 


45 ലക്ഷത്തോളം കുട്ടികളെ ലക്ഷ്യമിട്ടാണ് ഈ പദ്ധതി രൂപീകരിച്ചിട്ടുള്ളതെന്ന് വിദ്യാഭ്യാസ മന്ത്രി സി.രവീന്ദ്രനാഥ് വ്യക്തമാക്കി. പരീക്ഷകൾക്ക് ശേഷം എന്തെല്ലാം കോഴ്സുകൾ തിരഞ്ഞെടുക്കണമെന്ന് ഹയർസെക്കന്ററി വിദ്യാർഥികൾക്ക് പറഞ്ഞു കൊടുക്കുന്ന ദിശയറിയാൻ, വോക്കേഷണൽ ഹയർ സെക്കന്ററി വിദ്യാർഥികൾക്കായി സമാന സ്വഭാവത്തിലുള്ള പദ്ധതി എന്നിവയും അദ്ദേഹം മാതൃഭൂമി ന്യൂസിനോട് പറഞ്ഞു.

Content Highlights: Kerala Government organise New Educational program for Students, Mohanlal Shares the video