ന്റര്‍ ഡിസിപ്ലിനറി പഠനം; കോര്‍ കോഴ്സുകള്‍ പഠിക്കുന്നതിനൊപ്പം മറ്റൊരു വിഷയത്തില്‍നിന്നുള്ള ഇലക്ടീവ് പേപ്പറുകള്‍ പഠിക്കാം. പ്രോഗ്രാം പൂര്‍ത്തിയാക്കുന്നതിന് ഇഷ്ടമുള്ള മറ്റുവിഷയങ്ങളില്‍നിന്ന് പ്രോജക്ട്/തീസിസ് ചെയ്യാം. താത്പര്യത്തിനനുസരിച്ച് അറിവിന്റെ വിശാലമായ ലോകത്തേക്ക് വിദ്യാര്‍ഥികളെ കൊണ്ടുപോവുകയാണ് ഐ.ഐ.ടി. ഗാന്ധിനഗറിലെ .എം.എസ്.സി.  ഇന്‍ കൊഗ്‌നിറ്റീവ് സയന്‍സ്, എം.എ. ഇന്‍ സൊസൈറ്റി ആന്‍ഡ് കള്‍ച്ചര്‍ പ്രോഗ്രാമുകള്‍. ബിരുദപഠനം ഏതുവിഷയവും പഠിച്ച് വിജയിച്ചവര്‍ക്ക് ഈ പ്രോഗ്രാമിന്റെ ഭാഗമാകാം. 

എം.എസ്.സി കൊഗ്‌നിറ്റീവ് സയന്‍സ്

കൊഗ്‌നിറ്റീവ് സയന്‍സിന്റെ വിശാലമേഖലകള്‍ അറിയാനും ഗവേഷണരീതികള്‍ മനസ്സിലാക്കാനും കോഴ്സ് ലക്ഷ്യമിടുന്നു. മെഡിക്കല്‍ ന്യൂറോസയന്‍സ്, ന്യൂറല്‍ പ്രോസ്തെറ്റിക്‌സ്, ഡെവലപ്പ്മെന്റ് ഓഫ് ആര്‍ട്ടിഫിഷ്യല്‍ ഇന്റലിജന്റ് സിസ്റ്റംസ്, മെഷീന്‍ ലേണിങ്, ബിഹേവിയറല്‍ ഇക്കണോമിക്‌സ് ആന്‍ഡ് ന്യൂറോമാര്‍ക്കറ്റിങ് തുടങ്ങിയവ പഠിക്കാം. 55 ശതമാനം മാര്‍ക്കോടെയുള്ള ബി.എ., ബി.എസ്.സി.  ബി.ടെക്., ബി.കോം.,എം.ബി.ബി.എസ്. ബിരുദമാണ് യോഗ്യത. ബിരുദം പൂര്‍ത്തിയാക്കുന്നവര്‍ക്കും അപേക്ഷിക്കാം. പഠനശേഷം യൂസര്‍ ഇന്റര്‍ഫെയ്സ് ഡിസൈന്‍, ക്രിയേറ്റീവ് റൈറ്റിങ്, മാര്‍ക്കറ്റിങ്, ഡിസൈന്‍ ഉള്‍പ്പെടെ വിവിധ മേഖലയില്‍ ജോലിചെയ്യുന്നവരുണ്ട്. ഗവേഷണം നടത്തുന്നവരുണ്ട്. 

എം.എ. സൊസൈറ്റി ആന്‍ഡ് കള്‍ച്ചര്‍ 

സാമൂഹികവും രാഷ്ട്രീയവുമായ കാര്യങ്ങളില്‍ പരിശീലനവും അറിവും നല്‍കുന്നു. സാഹിത്യം, വിവര്‍ത്തനപഠനം,  സോഷ്യോളജി, ആന്ത്രോപ്പോളജി, പൊളിറ്റിക്കല്‍ സയന്‍സ്, ഹിസ്റ്ററി എന്നീ മേഖലയില്‍ സംവാദാത്മകപഠനം പ്രോഗ്രാമില്‍ ലക്ഷ്യമിടുന്നു. പഠനശേഷം ജേണലിസം, ആര്‍ട്ടിസ്റ്റ്, അഡ്വര്‍ട്ടൈസിങ്/മീഡിയ, കമ്യൂണിക്കേഷന്‍, അധ്യാപനം, എന്‍.ജി.ഒ., പബ്ലിക് ഹെല്‍ത്ത് എന്നീ മേഖലയില്‍ ജോലിചെയ്യുന്നവരുണ്ട്. കൂടാതെ ഗവേഷണാവസരങ്ങളുണ്ട്. 55 ശതമാനം മാര്‍ക്കോടെയുള്ള ബിരുദമാണ് യോഗ്യത. ഫലം കാത്തിരിക്കുന്നവര്‍ക്കും അപേക്ഷിക്കാം.  
 
പ്രവേശനപരീക്ഷ

ചോദ്യങ്ങള്‍ പൂര്‍ണമായും റീഡിങ് കോംപ്രിഹന്‍ഷന്‍, അനലറ്റിക്കല്‍ തിങ്കിങ്, ലോജിക്കല്‍ റീസണിങ് എന്നിവ അടിസ്ഥാനമാക്കിയാണ്. 25 ചോദ്യങ്ങളുണ്ടാകും. കോവിഡ് സാഹചര്യത്തില്‍ പ്രവേശനപരീക്ഷയും അഭിമുഖവും ഓണ്‍ലൈനായി നടത്തും.  

സാമ്പത്തികസഹായം
യോഗ്യരായ വിദ്യാര്‍ഥികള്‍ക്ക് ഓണ്‍കാമ്പസ് തൊഴിലവസര പ്രോഗ്രാമിലേക്ക് അപേക്ഷിക്കാം. തിരഞ്ഞെടുക്കപ്പെടുന്നവര്‍ക്ക് സെമസ്റ്ററില്‍ ആഴ്ചയില്‍ പരമാവധി 10 മണിക്കൂറും മിഡ് സെമസ്റ്റര്‍ ഇടവേളയില്‍ ആഴ്ചയില്‍ 40 മണിക്കൂറും ജോലി അവസരമുണ്ട്. ഒരു മണിക്കൂറിന് 150-200 രൂപ നിരക്കില്‍ വേതനം നല്‍കും. കഴിവിന്റെയും പ്രകടനത്തിന്റെയും അടിസ്ഥാനത്തില്‍ ശമ്പളവര്‍ധനയുണ്ടാകും. ദേശീയ, രാജ്യാന്തര സെമിനാറുകളില്‍ പേപ്പര്‍ അവതരിപ്പിക്കാന്‍ ട്രാവല്‍ സ്‌കോളര്‍ഷിപ്പായി 60,000 രൂപ നല്‍കും. ഹോസ്റ്റല്‍ സൗകര്യം ലഭിക്കും.

ഇന്റര്‍ഡിസിപ്ലിനറി സ്വഭാവം

Jaison manjalyവിവിധ വിഷയങ്ങള്‍ പഠിച്ചവര്‍ക്ക് കോഴ്സിന്റെ ഭാഗമാകാം. ഇന്റര്‍ഡിസിപ്ലിനറി സ്വഭാവമാണ് രണ്ടുകോഴ്സിനും. വിദ്യാര്‍ഥികള്‍ക്ക് പുതിയ ആശയങ്ങളും വീക്ഷണവും ഉണ്ടാക്കുകയാണ് ലക്ഷ്യം. ഹ്യുമാനിറ്റീസില്‍ പ്രവേശനം നേടിയ ഒരാള്‍ക്ക് എന്‍ജിനിയറിങ് മേഖലയില്‍ താത്പര്യമുണ്ടെങ്കില്‍ അതും പഠിക്കാം. ഇലക്ടീവ് കോഴ്സ് കൂടാതെ തീസിസ് ചെയ്യാം. കരിക്കുലം വളരെ ഫ്‌ളക്‌സിബിളായിട്ടാണ് ഡിസൈന്‍ ചെയ്തിരിക്കുന്നത്. ഉദാഹരണമായി ഹ്യുമാനിറ്റീസിലോ മെക്കാനിക്കല്‍ എന്‍ജിനിയറിങ്ങിലോ പ്രവേശനം നേടുന്ന വിദ്യാര്‍ഥിയുടെ സൂപ്പര്‍വൈസര്‍ കംപ്യൂട്ടര്‍ സയന്‍സിലാണ്. താത്പര്യത്തിന് അനുസരിച്ച് പഠിക്കാവുന്ന അവസരം. പ്രോഗ്രാമുകള്‍ അവര്‍ക്ക് തിരഞ്ഞെടുക്കാം. എം.എ., എം.എസ്സി. കോഴ്സില്‍ ചേര്‍ന്ന്് കംപ്യൂട്ടര്‍ സയന്‍സില്‍ മറ്റ് കോഴ്സുകള്‍ ചെയ്യുന്നവരുണ്ട്. ഗവേഷണമികവ് വിദ്യാര്‍ഥി നേടണം. തീസിസ് ഏതുമേഖലയില്‍നിന്ന് വേണമെന്ന് അവര്‍ക്ക് തീരുമാനിക്കാം. വിദ്യാര്‍ഥികളുടെ ആശയങ്ങള്‍ അവതരിപ്പിക്കാനും ഗവേഷണം നടത്താനുമുള്ള അവസരമൊരുക്കുന്നു. 

-ജെയ്സണ്‍ എ. മഞ്ഞളി
ജസുഭായ് മെമ്മോറിയല്‍ ചെയര്‍ പ്രൊഫസര്‍
ഹ്യുമാനിറ്റീസ് ആന്‍ഡ് സോഷ്യല്‍ സയന്‍സസ്
ഐ.ഐ.ടി. ഗാന്ധിനഗര്‍

...................................................................

ഗവേഷണാധിഷ്ഠിത കോഴ്സ്

Malavikaഒട്ടേറെ ഗവേഷണപ്രബന്ധങ്ങള്‍ വായിക്കാനും അത് വിമര്‍ശനാത്മകമായി വിലയിരുത്താനും പഠിക്കും. ഗവേഷണാധിഷ്ഠിത കോഴ്സാണ് എം.എസ്.സി. . കൊഗ്‌നിറ്റീവ് സയന്‍സ്. ആദ്യ സെമസ്റ്ററില്‍ ജനറല്‍ റിസര്‍ച്ച് സ്‌കില്‍ മനസ്സിലാക്കി. കൊഗ്‌നിറ്റീവ് സയന്‍സിനെ വിവിധ മേഖലയില്‍ ഉപയോഗിക്കുന്നുണ്ട്. പഠനം കഴിഞ്ഞ് ഗവേഷണ മേഖലയില്‍ പ്രവര്‍ത്തിക്കുന്നവരുണ്ട്. വായിക്കാനും വിശകലനം ചെയ്യാനുമുള്ള കഴിവ് എത്രത്തോളമുണ്ടെന്ന് പ്രവേശനപരീക്ഷയില്‍ പരിശോധിക്കും. മികച്ച ലാബ് സൗകര്യമുണ്ട്. വിദ്യാര്‍ഥികള്‍ക്ക് അക്കാദമിക് രംഗത്ത് എല്ലാ സ്വാതന്ത്ര്യവുമുണ്ട്. ഫോക്കസ് ഏരിയ നമുക്ക് തീരുമാനിക്കാം. ഫാക്കല്‍റ്റികള്‍ വിവിധ മേഖലയിലുള്ളവരാണ്.

-മാളവിക കൃഷ്ണകുമാര്‍
എം.എസ്സി. കൊഗ്‌നിറ്റീവ് സയന്‍സ്

 

ഇന്റേണ്‍ഷിപ്പ് അവസരങ്ങള്‍

aNGEL MARIA24 ക്രെഡിറ്റ് ആണ് കോര്‍ കോഴ്സ്. പിന്നെ ഇലക്ടീവ് കോഴ്സ് എടുക്കാം. സ്വതന്ത്രമായി പ്രോജക്ടുകള്‍ ചെയ്യാനുള്ള അവസരമുണ്ട്. 20-24 ക്രെഡിറ്റ് തീസിസ് ചെയ്യണം. രണ്ടുസെമസ്റ്ററിലായാണ് തീസിസ് ചെയ്യേണ്ടത്. അതിനാല്‍, ഗവേഷണവുമായി ബന്ധപ്പെട്ട് കൂടുതല്‍ കാര്യങ്ങള്‍ മനസ്സിലാക്കാം. കോഴ്‌സ് പൂര്‍ത്തിയാക്കാന്‍ 80 ക്രെഡിറ്റുകള്‍ വേണം. പ്രവേശനപരീക്ഷയില്‍ വിഷയ വിവരത്തെക്കാള്‍ കൂടുതല്‍ കോംപ്രിഹന്‍ഷന്‍, അനലറ്റിക്കല്‍ തിങ്കിങ്, ലോജിക്കല്‍ റീസണിങ് തുടങ്ങിയ കാര്യങ്ങളാണ് പരിശോധിക്കുന്നത്. അഭിമുഖത്തില്‍ ഗവേഷണതാത്പര്യം പരിശോധിക്കും. സമ്മര്‍ ഇന്റേണ്‍ഷിപ്പുണ്ട്. വിവിധ ഇന്റേണ്‍ഷിപ്പുകളെക്കുറിച്ചുള്ള വിവരങ്ങള്‍ ഐ.ഐ.ടി.യില്‍നിന്ന് ലഭിക്കും. ഇതുവഴി യു.എസിലെ ക്ലെംസണ്‍ സര്‍വകലാശാലയില്‍ റിസര്‍ച്ച് ഇന്റേണ്‍ഷിപ്പ് ചെയ്യാന്‍ സാധിച്ചു. സാഹിത്യപശ്ചാത്തലത്തില്‍നിന്നാണ് ഞാന്‍ വന്നത്. എന്നാല്‍, പൊളിറ്റിക്കല്‍ തോട്ട്, ഹിസ്റ്ററി, ആര്‍ക്കിയോളജി, ആന്ത്രോപ്പോളജി, സോഷ്യോളജി ഉള്‍പ്പെടെയുള്ള മേഖലയില്‍നിന്ന് കൂടുതല്‍ കാര്യങ്ങള്‍ പഠിച്ചു. 

-എയ്ഞ്ചല്‍ മരിയ വര്‍ഗീസ്
എം.എ. സൊസൈറ്റി ആന്‍ഡ് കള്‍ച്ചര്‍

ഓര്‍മിക്കാന്‍

അപേക്ഷ: admissions.iitgn.ac.in
അവസാനതീയതി: ജനുവരി 20
ഓണ്‍ലൈന്‍ പ്രവേശന പരീക്ഷ: ഫെബ്രുവരി ഏഴ്
സഹായങ്ങള്‍ക്ക്: inquiry.masc@iitgn.ac.in

 Content Highlights: IIT Gandhinagar, Admission 2022, Interdisciplinary Programs, Cognitive Science & Society and Culture