-
കൊച്ചി: മദ്യലഹരിയിൽ സുഹൃത്തുക്കൾ തമ്മിലുള്ള തർക്കം കത്തിക്കുത്തിൽ കലാശിച്ചു. പാലാരിവട്ടത്ത് വാടകയ്ക്ക് താമസിക്കുന്ന അടൂർ സ്വദേശി മനുവിനെയാണ് ഒപ്പംതാമസിക്കുന്ന സുഹൃത്ത് ബിജു കുത്തിപരിക്കേൽപ്പിച്ചത്. ഞായറാഴ്ച വൈകിട്ടോടെയായിരുന്നു സംഭവം. ഗുരുതരമായി പരിക്കേറ്റ മനുവിനെ ആശുപത്രിയിൽ പ്രവേശിപ്പിച്ചു. പ്രതി ബിജുവിനെ പോലീസ് കസ്റ്റഡിയിലെടുത്തു.
മുറിയിലെ ഫാൻ ഓണാക്കുന്നതിനെച്ചൊല്ലി മദ്യലഹരിയിൽ ഇരുവരും തമ്മിൽ തർക്കമുണ്ടായെന്നാണ് വിവരം. ഇതിനിടെ ബിജു മനുവിനെ കത്തി കൊണ്ട് കുത്തി പരിക്കേൽപ്പിക്കുകയായിരുന്നു. പന്തളം സ്വദേശിയായ ബിജു നേരത്തെയും സമാന കേസുകളിൽ ഉൾപ്പെട്ടയാളാണെന്നാണ് പോലീസ് നൽകുന്ന വിവരം.
കൊച്ചിയിൽ പ്ലംബിങ് ജോലിക്കായി എത്തിയ ഇരുവരും കഴിഞ്ഞ ഒരുമാസമായി പാലാരിവട്ടത്ത് ഒരുമിച്ചാണ് താമസം. ഇടയ്ക്കിടെ ബിജുവും മനുവും തമ്മിൽ വഴക്കിടാറുണ്ടെന്നും ബിജു ഉച്ചത്തിൽ ബഹളംവെയ്ക്കാറുണ്ടെന്നും പരിസരവാസികളും പറഞ്ഞു. പോലീസ് സംഭവസ്ഥലത്തെത്തി വിശദമായ പരിശോധന നടത്തി.
Content Highlights:youth stabbed by friend in kochi
Also Watch
RELATED STORIES
.jpg?$p=aa62323&f=1x1&w=100&q=0.8)
.jpg?$p=298ab5c&f=1x1&w=100&q=0.8)
.jpg?$p=430c1f1&f=1x1&w=100&q=0.8)
IN CASE YOU MISSED IT
.jpg?$p=cf32acb&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..