Representative Image Mathrubhumi
ബെംഗളൂരു: സഹോദരിയുമായി ഒളിച്ചോടാന്‍ ശ്രമിച്ചതിന്റെ പേരില്‍ 24-കാരനെ നാലുപേര്‍ അടിച്ചുകൊന്ന് മൃതദേഹവുമായി പോലീസ് സ്റ്റേഷനിലെത്തി നാലംഗ സംഘം കീഴടങ്ങി. ബെംഗളൂരുവില്‍ ഞായറാഴ്ച രാവിലെയാണ് സംഭവം.
ബെംഗളൂരു നിവാസിയായ ഭാസ്‌കറാണ് കൊല്ലപ്പെട്ടത്. ഓട്ടോറിക്ഷാ ഡ്രൈവറായ മുനിരാജു (28), മാരുതി (22), നാഗേഷ് (22), പ്രശാന്ത് (20) എന്നിവരാണ് പ്രതികള്‍. മുഖ്യപ്രതിയായ മുനിരാജുവിന്റെ വിവാഹിതയായ സഹോദരിയുമായി ഒളിച്ചോടാന്‍ ശ്രമിച്ചതിനാണ് ഭാസ്‌കറെ കൊലപ്പെടുത്തിയത്. ഒളിച്ചോട്ടത്തെക്കുറിച്ച് അറിഞ്ഞ മുനിരാജു ഭാസ്‌കറിനെയും സഹോദരിയെയും അവരുടെ കുട്ടിയെയും നാഗര്‍ഭാവി സര്‍ക്കിളില്‍വെച്ച് പിടികൂടി. തുടര്‍ന്ന് മറ്റു പ്രതികളുടെ സഹായത്തോടെ വീട്ടിലെത്തിച്ചു.
ഇതിനുശേഷം ഭാസ്‌കറിനെ കെബ്ബെഹള്ളയിലെ ആളൊഴിഞ്ഞ സ്ഥലത്തെത്തിച്ച് മൂര്‍ച്ചയേറിയ വസ്തുക്കളുപയോഗിച്ച് മര്‍ദിച്ചു. ഇതിനിടെ തലയ്ക്ക് ഇടിയേറ്റ ഭാസ്‌കര്‍ ബോധരഹിതനാവുകയും മരിക്കുകയും ചെയ്യുകയായിരുന്നുവെന്ന് വെസ്റ്റ് ഡി.സി.പി. സഞ്ജീവ് എം. പാട്ടീല്‍ പറഞ്ഞു. മരിച്ചെന്ന് ഉറപ്പായതോടെ പ്രതികള്‍ മൃതദേഹവുമായി സ്റ്റേഷനിലെത്തി കീഴടങ്ങുകയായിരുന്നു.
Also Watch
RELATED STORIES
IN CASE YOU MISSED IT
Premium
.jpg?$p=8a7b7b1&f=1x1&w=100&q=0.8)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..