മാട്രിമോണിയല്‍ വെബ്‌സൈറ്റുകളില്‍ ഭര്‍ത്താവ് തന്റെ ചിത്രം പ്രചരിപ്പിച്ചെന്ന് ഐ.ടി. ജീവനക്കാരിയുടെ പരാതി


പ്രതീകാത്മക ചിത്രം | Getty Images

വഡോദര: ഭർത്താവും ഭർതൃവീട്ടുകാരും വിവിധ വെബ്സൈറ്റുകളിൽ തന്റെ ചിത്രം പ്രചരിപ്പിച്ചെന്ന് ആരോപിച്ച് യുവതിയുടെ പരാതി. വഡോദര വഗോഡിയ റോഡ് സ്വദേശിയും ഐ.ടി. ജീവനക്കാരിയുമായ പ്രിയ സിങ്ങാണ് ഭർത്താവായ പ്രകാശിനും മാതാപിതാക്കൾക്കും എതിരേ മകർപുര പോലീസ് സ്റ്റേഷനിൽ പരാതി നൽകിയത്.

ഭർത്താവും ഭർത്താവിന്റെ മാതാപിതാക്കളും ചേർന്ന് വിവിധ മാട്രിമോണിയൽ വെബ്സൈറ്റുകളിലും എസ്കോർട്ട് സർവീസ് പോർട്ടലുകളിലും തന്റെ ചിത്രം പ്രചരിപ്പിച്ചെന്നാണ് യുവതിയുടെ ആരോപണം. ദാമ്പത്യപ്രശ്നങ്ങളെ തുടർന്ന് ഫെബ്രുവരി മുതൽ ഇരുവരും വേർപിരിഞ്ഞായിരുന്നു താമസം. ഇതിനുപിന്നാലെയാണ് നാല് മാട്രിമോണിയൽ വെബ്സൈറ്റുകളിൽ വിവിധ പ്രൊഫൈലുകൾ നിർമിച്ച് യുവതിയുടെ ചിത്രം പ്രചരിപ്പിച്ചത്. ഇക്കാര്യത്തിൽ പ്രതികരിച്ചതോടെ പ്രകാശ് ചിത്രങ്ങൾ നീക്കംചെയ്തു. എന്നാൽ ഇതിനുശേഷം വിവിധ എസ്കോർട്ട് സർവീസ് പോർട്ടലുകളിലും ചിത്രം പ്രചരിപ്പിച്ചതോടെയാണ് പോലീസിനെ സമീപിച്ചതെന്നും യുവതിയുടെ പരാതിയിൽ പറയുന്നു.

വിവാഹം കഴിഞ്ഞത് മുതൽ ഭർത്താവും ഭർതൃവീട്ടുകാരും ഉപദ്രവിക്കുന്നത് പതിവായിരുന്നുവെന്നും തന്റെ സുഹൃത്തുക്കൾക്കിടയിലും സഹപ്രവർത്തകർക്കിടയിലും ഇവർ അപവാദം പ്രചരിപ്പിച്ചെന്നും യുവതി ആരോപിക്കുന്നുണ്ട്. 2017-ലാണ് പ്രകാശും പ്രിയ സിങ്ങും വിവാഹിതരായത്. ദാമ്പത്യപ്രശ്നങ്ങളെ തുടർന്ന് യുവതി നിലവിൽ മാതാപിതാക്കൾക്കൊപ്പമാണ് താമസം.

Content Highlights:woman alleges husband uploaded her photos in matrimonial websites filed complaint


Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
poornima indrajith

'ഓക്കേ അല്ലേ..ഇതു പെര്‍ഫെക്റ്റ് ആണ്'; വീട് നിര്‍മാണത്തിനിടെ ഭിത്തി തേച്ച് പൂര്‍ണിമ

May 16, 2022


Ukraine

1 min

യുക്രൈനില്‍നിന്നെത്തിയ മെഡിക്കല്‍ വിദ്യാര്‍ഥികള്‍ക്ക് രാജ്യത്ത് തുടര്‍പഠനം നടത്താനാകില്ല- കേന്ദ്രം

May 17, 2022


hotel

1 min

ഹോട്ടലിലെ ഭക്ഷണസാധനങ്ങള്‍ ശൗചാലയത്തില്‍; ഫോട്ടോയെടുത്ത ഡോക്ടര്‍ക്ക് മര്‍ദനം, മൂന്നുപേര്‍ അറസ്റ്റില്‍

May 16, 2022

More from this section




Most Commented