അശ്ലീലവീഡിയോ കണ്ട് പെണ്‍കുട്ടിയെ പീഡിപ്പിക്കാന്‍ ശ്രമം; എതിര്‍ത്തപ്പോള്‍ ശ്വാസംമുട്ടിച്ച് കൊന്നു


പ്രതീകാത്മക ചിത്രം | PTI

അലിഗഢ്: ഉത്തര്‍പ്രദേശില്‍നിന്ന് വീണ്ടും ദാരുണവാര്‍ത്ത. അലിഗഢ് ജില്ലയിലെ കിവാല്‍ഷ് ഗ്രാമത്തില്‍ പീഡനശ്രമത്തെ എതിര്‍ത്ത ദളിത് പെണ്‍കുട്ടിയെ 17-കാരന്‍ ശ്വാസംമുട്ടിച്ച് കൊന്നു. സംസാരിക്കാന്‍ കഴിയാത്ത മാനസിക വെല്ലുവിളി നേരിടുന്ന 17 വയസ്സുകാരിയാണ് കൊല്ലപ്പെട്ടത്. സംഭവത്തില്‍ പ്രതിയായ 17-കാരനെ പോലീസ് അറസ്റ്റ് ചെയ്തു.

ഞായറാഴ്ച നടന്ന സംഭവം കഴിഞ്ഞദിവസങ്ങളിലാണ് മാധ്യമങ്ങളില്‍ വാര്‍ത്തയായത്. വയലിലെ ജോലിക്കാരനായ 17-കാരന്‍ ഫോണില്‍ അശ്ലീല വീഡിയോ കാണുന്നതിനിടെയാണ് പെണ്‍കുട്ടിയെ കണ്ടത്. തുടര്‍ന്ന് പെണ്‍കുട്ടിയുടെ അടുത്തെത്തി ലൈംഗികാതിക്രമത്തിന് മുതിരുകയായിരുന്നു. സംസാരിക്കാന്‍ കഴിയാത്തതിനാല്‍ പെണ്‍കുട്ടി ബഹളമുണ്ടാക്കില്ലെന്ന് പ്രതിക്കറിയാമായിരുന്നു. അതിക്രമം പെണ്‍കുട്ടി ചെറുത്തതോടെ ഇരുവരും തമ്മില്‍ പിടിവലിയായി. ഇതിനിടെയാണ് ഷാള്‍ കഴുത്തില്‍ മുറുക്കി പെണ്‍കുട്ടിയെ ശ്വാസംമുട്ടിച്ച് കൊലപ്പെടുത്തിയത്. മരിച്ചെന്ന് ഉറപ്പിച്ചതോടെ മൃതദേഹം വയലില്‍ ഉപേക്ഷിച്ച് പ്രതി രക്ഷപ്പെടുകയും ചെയ്തു.

പെണ്‍കുട്ടിയെ കാണാതായതോടെ വീട്ടുകാര്‍ തിരച്ചില്‍ ആരംഭിച്ചിരുന്നു. ഇതിനിടെയാണ് വയലില്‍ മൃതദേഹം കണ്ടെത്തിയത്. വിവരമറിഞ്ഞ് പോലീസ് സ്ഥലത്ത് എത്തിയെങ്കിലും നാട്ടുകാര്‍ പോലീസിന് നേരേ കല്ലെറിഞ്ഞു. മുതിര്‍ന്ന പോലീസ് ഉദ്യോഗസ്ഥരടക്കം സ്ഥലത്തെത്തിയാണ് നാട്ടുകാരെ ശാന്തരാക്കിയത്.

സംഭവത്തില്‍ പ്രതിയായ 17-കാരനെ മണിക്കൂറുകള്‍ക്കുള്ളില്‍തന്നെ പോലീസ് പിടികൂടി. പ്രതി കുറ്റംസമ്മതിച്ചതായും കോടതിയില്‍ ഹാജരാക്കിയ പ്രതിയെ ജുവനൈല്‍ ഹോമിലേക്ക് മാറ്റിയതായും പോലീസ് പറഞ്ഞു. എട്ടാം ക്ലാസില്‍ പഠനം നിര്‍ത്തിയ 17-കാരന്‍ ഏറെക്കാലമായി വയലില്‍ ജോലിചെയ്തുവരികയായിരുന്നു. പ്രതിയുടെ മൊബൈല്‍ ഫോണില്‍ നൂറിലേറെ അശ്ലീലവീഡിയോകളും പോലീസ് കണ്ടെടുത്തിട്ടുണ്ട്.

Content Highlights: uttar pradesh crime after watching porn boy tries to rape dalit girl later killed her

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Sreejith Ravi

1 min

ആദ്യകേസ് കെട്ടിച്ചമച്ചതാണെന്ന് ശ്രീജിത്ത് രവി, വീണ്ടും സമാനകേസില്‍ പിടിയില്‍

Jul 7, 2022


Sreejith Ravi

1 min

കുട്ടികള്‍ക്ക് മുന്നില്‍ നഗ്നതാ പ്രദര്‍ശനം; നടന്‍ ശ്രീജിത്ത് രവി പോക്‌സോ കേസില്‍ അറസ്റ്റില്‍

Jul 7, 2022


Swapna Suresh

1 min

സ്വപ്‌ന സുരേഷിനെ എച്ച്ആര്‍ഡിഎസ് പിരിച്ചുവിട്ടു

Jul 6, 2022

Most Commented