മാസ്‌ക് ധരിച്ചില്ലെങ്കില്‍ വലിയ വില കൊടുക്കേണ്ടിവരും; യു.പി.യില്‍ 10,000 രൂപ പിഴ ഈടാക്കിത്തുടങ്ങി


പ്രതീകാത്മക ചിത്രം | AFP

ലഖ്‌നൗ: ഉത്തര്‍പ്രദേശില്‍ പൊതുസ്ഥലത്ത് മാസ്‌ക് ധരിക്കാത്തതിന് വന്‍ തുക പിഴ ഈടാക്കിത്തുടങ്ങിയെന്ന് റിപ്പോര്‍ട്ട്. ദിയോറിയയിലെ ബരിയാര്‍പുര്‍ പോലീസ് സ്‌റ്റേഷന്‍ പരിധിയില്‍ താമസിക്കുന്ന അമര്‍ജിത് യാദവ് എന്നയാള്‍ക്ക് മാസ്‌ക് ധരിക്കാത്തതിന് 10,000 രൂപ പിഴ ചുമത്തിയെന്നാണ് ടൈംസ് നൗ റിപ്പോര്‍ട്ട് ചെയ്തിരിക്കുന്നത്. മാസ്‌ക് ധരിക്കാത്തതിന് രണ്ടാംതവണയും പിടിക്കപ്പെട്ടാല്‍ വന്‍ തുക പിഴ ഈടാക്കാന്‍ തീരുമാനിച്ചതിന് ശേഷമുള്ള ആദ്യ സംഭവമാണിതെന്നും റിപ്പോര്‍ട്ടില്‍ പറയുന്നു.

തിങ്കളാഴ്ചയാണ് മാസ്‌ക് ധരിക്കാത്തതിന് അമര്‍ജിത് യാദവിന് 10,000 രൂപ പിഴ ചുമത്തിയത്. ഞായറാഴ്ചയും ശനിയാഴ്ചയും ഇയാളെ മാസ്‌ക് ധരിക്കാത്തതിന് പിടികൂടിയതായും ഞായറാഴ്ച 1000 രൂപ പിഴ ചുമത്തിയിരുന്നതായും സ്റ്റേഷന്‍ ഹൗസ് ഓഫീസര്‍ ടി.ജെ. സിങ് പറഞ്ഞു. ഞായറാഴ്ച പിടികൂടിയപ്പോള്‍ ഇയാള്‍ക്ക് പോലീസ് മാസ്‌കും നല്‍കിയിരുന്നു. എന്നാല്‍ തിങ്കളാഴ്ച വീണ്ടും മാസ്‌ക് ധരിക്കാതെ കണ്ടതിനെ തുടര്‍ന്നാണ് 10,000 രൂപ പിഴ ഈടാക്കിയതെന്നാണ് പോലീസിന്റെ വിശദീകരണം.

കോവിഡ് വ്യാപനം രൂക്ഷമായ സാഹചര്യത്തില്‍ കഴിഞ്ഞ വെള്ളിയാഴ്ച മുതലാണ് ഉത്തര്‍പ്രദേശില്‍ നിയന്ത്രണങ്ങള്‍ കടുപ്പിച്ചത്. കോവിഡ് വ്യാപനം നിയന്ത്രിക്കാനായി സംസ്ഥാനത്ത് ഞായറാഴ്ചകളില്‍ ലോക്ക്ഡൗണും പ്രഖ്യാപിച്ചിരുന്നു. ഇതിനൊപ്പമാണ് മാസ്‌ക് ധരിക്കാത്തവര്‍ക്ക് 10,000 രൂപ വരെ പിഴ ഈടാക്കാനും ഉത്തരവിട്ടത്. മാസ്‌ക് ധരിക്കാത്തതിന് പിടിക്കപ്പെട്ടാല്‍ ആദ്യതവണ 1000 രൂപയും രണ്ടാംതവണ 10,000 രൂപയുമാണ് പിഴ ചുമത്തുക.

Content Highlights: up deoria man imposed rs 10000 fine for not wearing mask in public place


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
chintha jerome

1 min

ഒന്നേമുക്കാൽ വർഷം റിസോർട്ടിൽ താമസം, 38 ലക്ഷം രൂപ വാടക; ചിന്തയ്ക്കെതിരേ പരാതിയുമായി യൂത്ത് കോൺഗ്രസ്

Feb 7, 2023


Transcouples

06:33

സിയക്ക് വേണ്ടി സഹദ് ഗർഭം ധരിച്ചു; കുഞ്ഞിനെ വരവേൽക്കാൻ ഒരുങ്ങി ട്രാൻസ് ദമ്പതികൾ

Feb 4, 2023


Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023

Most Commented