2500 കോടിയുടെ തട്ടിപ്പ്, കേരളത്തിലും നിരവധി കേസുകള്‍; യു.ടി.എസ്. ഉടമയും സുഹൃത്തും സേലത്ത് റിമാന്‍ഡില്‍


റിമാൻഡിലായ യു.ടി.എസ്. കമ്പനി ഉടമ ഗൗതംരമേഷ്, സുഹൃത്ത് പ്രവീൺ | ഫോട്ടോ: മാതൃഭൂമി

സേലം/പാലക്കാട്: ഒരു വർഷത്തിനകം പണം ഇരട്ടിയാക്കിനൽകാമെന്ന് വാഗ്ദാനംചെയ്ത് നിക്ഷേപകരെ വഞ്ചിച്ച കേസിൽ യു.ടി.എസ്. കമ്പനി മാനേജിങ് ഡയറക്ടർ ഗൗതംരമേഷിനെയും സുഹൃത്ത് പ്രവീണിനെയും സേലം കോടതി റിമാൻഡ്ചെയ്തു. കേസന്വേഷണത്തിനായി ഇവരെ കസ്റ്റഡിയിൽ വിട്ടുകിട്ടാനുള്ള ശ്രമത്തിന്റെ ഭാഗമായി കേരള പോലീസ് ഉദ്യോഗസ്ഥർ സേലത്തെത്തി.

കോയമ്പത്തൂർ ആസ്ഥാനമായി പ്രവർത്തിക്കുന്ന യൂണിവേഴ്സൽ ട്രേഡിങ് സൊലൂഷൻസ് (യു.ടി.എസ്.) കമ്പനി 2,500 കോടിയിലേറെ രൂപയുടെ തട്ടിപ്പ് നടത്തിയെന്നാണ് പ്രാഥമികനിഗമനം. കമ്പനി എം.ഡി. കോയമ്പത്തൂർ വെള്ളലൂർ അടയാർ പാളയം പൊന്നങ്കാണിയിലെ ഗൗതംരമേഷ് (32), സുഹൃത്ത് മേഹന്ദർ അലി തെരുവിലെ പ്രവീൺ (26) എന്നിവരെ തമിഴ്നാട് സെൻട്രൽ ക്രൈംബ്രാഞ്ച് അധികൃതർ കഴിഞ്ഞ ദിവസമാണ് അറസ്റ്റ് ചെയ്തത്. ഇവർ സേലത്ത് ഒളിവിൽക്കഴിയുകയായിരുന്നു

ഗൗതം രമേഷിനെ കോടതിയിൽ ഹാജരാക്കി റിമാൻഡിനയയ്ക്കുംമുമ്പ് മലപ്പുറം കോട്ടയ്ക്കൽ എസ്.െഎ.യുടെ നേതൃത്വത്തിലുള്ള പോലീസ് സംഘം പ്രാഥമികമായി ചോദ്യം ചെയ്തതായി സൂചനയുണ്ട്. സേലത്തു മാത്രം ഇയാളുടെപേരിൽ എഴുപതോളം കേസുണ്ട്. ഗൗതംരമേഷിനെ കസ്റ്റഡിയിൽ വിട്ടുകിട്ടാനുള്ള നടപടി സ്വീകരിക്കുമെന്ന് കേസന്വേഷണച്ചുമതലയുള്ള മലപ്പുറം നർക്കോട്ടിക് സെൽ ഡിവൈ.എസ്.പി. പി. ഷംസ് പറഞ്ഞു. ഇദ്ദേഹത്തിന്റെ നേതൃത്വത്തിൽമാത്രം 11 കേസുകളിൽ അന്വേഷണം നടക്കുന്നുണ്ട്. ഇതുകൂടാതെ പാലക്കാട്, മലപ്പുറം ജില്ലകളിൽമാത്രം മുപ്പതിലേറെ കേസുണ്ടെന്നാണ് സൂചന.

ഗൗതംരമേഷ് പിടിയിലായതോടെ കൂടുതൽപേർ പരാതിയുമായെത്തുമെന്നാണ് പ്രതീക്ഷ. നേരത്തേ കേരള പോലീസ് സംഘം കോയമ്പത്തൂരിലെ ഗൗതംരമേഷിന്റെ ഓഫീസിലെത്തി ഹാജരാവാൻ നോട്ടീസ് നൽകിയിരുന്നെങ്കിലും ഇയാൾ പ്രതികരിച്ചിരുന്നില്ല.

പ്രതിക്ക് കോവിഡ്; സേലത്ത് രണ്ട് പോലീസ് സ്റ്റേഷൻ അടച്ചു

യു.ടി.എസ്. തട്ടിപ്പുകേസിൽ അറസ്റ്റിലായ പ്രവീണിന് കോവിഡ് സ്ഥിരീകരിച്ചു. ഇയാളെ സേലം ഗവ. ആശുപത്രിയിൽ പ്രവേശിപ്പിച്ചു. പ്രവീണിനെ ചോദ്യം ചെയ്ത സേലം ടൗൺ ക്രൈം പോലീസ് സ്റ്റേഷൻ, ടൗൺ പോലീസ് സ്റ്റേഷൻ എന്നിവ പൂട്ടി. സ്റ്റേഷനുകൾ അണുവിമുക്തമാക്കിയ ശേഷം രണ്ടുദിവസം കഴിഞ്ഞ് തുറക്കും.

ശനിയാഴ്ചയാണ് പ്രവീണിനെയും ഗൗതംരമേഷിനെയും കോവിഡ് പരിശോധനയ്ക്ക് വിധേയരാക്കിയത്. ഇതിൽ ഗൗതംരമേഷിന്റെ പരിശോധനാഫലം നെഗറ്റീവാണ്.

Content Highlights:universal trading solutions uts money fraud case


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
chintha jerome

1 min

ഒന്നേമുക്കാൽ വർഷം റിസോർട്ടിൽ താമസം, 38 ലക്ഷം രൂപ വാടക; ചിന്തയ്ക്കെതിരേ പരാതിയുമായി യൂത്ത് കോൺഗ്രസ്

Feb 7, 2023


Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023


Transcouples

06:33

സിയക്ക് വേണ്ടി സഹദ് ഗർഭം ധരിച്ചു; കുഞ്ഞിനെ വരവേൽക്കാൻ ഒരുങ്ങി ട്രാൻസ് ദമ്പതികൾ

Feb 4, 2023

Most Commented