ചേര്‍ത്തലയില്‍ കാണാതായ വിദ്യാര്‍ഥിനികളെ കണ്ടെത്തി; കുട്ടികളുടെ കുറുമ്പില്‍ നാട് മുള്‍മുനയിലായി


സ്വന്തം ലേഖകന്‍

തിങ്കളാഴ്ച വൈകീട്ട് നാലുമണിയോടെയാണ് നഗരത്തിലെ സര്‍ക്കാര്‍ ഹയര്‍സെക്കണ്ടറി സ്‌കൂളിലെ രണ്ട് വിദ്യാര്‍ഥിനികളെ കാണാതായത്.

ചേര്‍ത്തല: നഗരത്തില്‍നിന്ന് കാണാതായ രണ്ട് സ്‌കൂള്‍ വിദ്യാര്‍ഥിനികളെ മണിക്കൂറുകള്‍ക്കുള്ളില്‍ കണ്ടെത്തി. ചേര്‍ത്തലയ്ക്ക് സമീപം കുറുപ്പന്‍കുളങ്ങരയില്‍നിന്നാണ് പെണ്‍കുട്ടികളെ കണ്ടെത്തിയത്. പെണ്‍കുട്ടികളെ തിരിച്ചറിഞ്ഞ ഒരു വീട്ടമ്മ വിവരം പോലീസില്‍ അറിയിച്ചതോടെയാണ് രണ്ടരമണിക്കൂര്‍ നീണ്ട ആശങ്കകള്‍ക്ക് വിരാമമായത്.

തിങ്കളാഴ്ച വൈകീട്ട് നാലുമണിയോടെയാണ് നഗരത്തിലെ സര്‍ക്കാര്‍ ഹയര്‍സെക്കണ്ടറി സ്‌കൂളിലെ രണ്ട് വിദ്യാര്‍ഥിനികളെ കാണാതായത്.

ക്ലാസില്‍ കുട്ടികള്‍ തമ്മിലുള്ള ചെറിയവഴക്കിന്റെ പേരിലാണ് സ്‌കൂള്‍ വിട്ടപ്പോള്‍ ഇരുവരും കുറുമ്പുകാട്ടി കടന്നത്.സഹപാഠികളോടു വിട പറഞ്ഞു പോയപ്പോഴാണ് ഇവരുടെ നീക്കങ്ങളില്‍ സംശയിച്ച കുട്ടികള്‍ അധ്യാപകരെ അറിയിച്ചത്. തുടര്‍ന്നു പരിശോധിച്ചപ്പോള്‍ ഒരാളുടെ സൈക്കിള്‍ സ്‌കൂളില്‍ തന്നെ നിര്‍ത്തിയിട്ടതായി കണ്ടു. മറ്റൊരാള്‍ കയറേണ്ട ഓട്ടോയിലും എത്തിയില്ല.

ഇതോടെ കുട്ടികളെ കാണാതായെന്ന വാര്‍ത്ത പരന്നു. കഴിഞ്ഞ ദിവസം നൊമ്പരമായ ദേവനന്ദയുടെ മുഖമായിരുന്നു എല്ലാവരിലും. വിഷയം പോലീസിലെത്തുമ്പോഴേക്കും പഴുതുകളടച്ച് തിരച്ചില്‍. പോലീസും സ്‌കൂള്‍ അധികൃതരും നാട്ടുകാരും സംശയമുള്ള സ്ഥലങ്ങളിലെല്ലാം പെണ്‍കുട്ടികളെ തിരഞ്ഞു.റെയില്‍വേ സ്റ്റേഷനും ബസ് സ്റ്റാന്‍ഡും നഗരത്തിലെ മറ്റിടങ്ങളുമെല്ലാം പൂര്‍ണ നിരീക്ഷണത്തിലായി. ഒടുവില്‍ രണ്ടര മണിക്കൂറിനു ശേഷം നാലു കിലോമീറ്റര്‍ അകലെ കുറുപ്പന്‍കുളങ്ങരയിലാണ് ഇരുവരെയും കണ്ടെത്തിയത്.

ഇവരുടെ ഫോട്ടോ പോലീസ് സമൂഹമാധ്യമങ്ങളില്‍ പ്രദര്‍ശിപ്പിച്ചിരുന്നു. ഇവരെ കണ്ട വീട്ടമ്മയാണ് തടഞ്ഞുവെച്ച് പോലീസിനെ അറിയിച്ചത്. പോലീസും സ്‌കൂള്‍ അധികൃതരും രക്ഷിതാക്കളുമെത്തി ഇരുവരെയും കൂട്ടി മടങ്ങിയപ്പോഴാണ് നാടിനാശ്വാസമായത്. കുട്ടികളെ കൗണ്‍സിലിങ്ങിന് വിധേയമാക്കുമെന്ന് പോലീസും സ്‌കൂള്‍ അധികൃതരും അറിയിച്ചു.

Content Highlights: two school students went missing from cherthala on monday evening later police found them

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

08:25

'ദർശന' പാടിയും മലയാളം പറഞ്ഞും പഠിച്ചും വിജയ് ദേവരകൊണ്ടയും അനന്യയും

Aug 19, 2022


PMA Salam

ജെന്‍ഡര്‍ ന്യൂട്രാലിറ്റി ഫ്രീ സെക്‌സിന് വഴി തെളിക്കും, തടയുമെന്ന്‌  ലീഗ്

Aug 19, 2022


sex

1 min

ഒന്നിലധികം ലൈംഗിക പങ്കാളികള്‍ പുരുഷന്മാരെക്കാള്‍ കൂടുതല്‍ സ്ത്രീകള്‍ക്ക്; സര്‍വേയില്‍ കേരളവും

Aug 19, 2022

Most Commented