ഗോകുൽ, നിഷാന
കൊല്ലം : നഗരത്തിലെ പ്രമുഖ വ്യാപാരസ്ഥാപനത്തില്‍ കണക്കില്‍ തിരിമറി നടത്തി ഏഴരലക്ഷം കവര്‍ന്ന ജീവനക്കാര്‍ പിടിയില്‍.ചന്ദനത്തോപ്പ് വിളയില്‍ പടിഞ്ഞാറ്റതില്‍ ഗോകുല്‍ (31), നെട്ടയം ചെങ്കൂര്‍ മുണ്ടപ്പള്ളിക്കോണം ചരുവിള പുത്തന്‍വീട്ടില്‍ നിഷാന (28) എന്നിവരെയാണ് ഈസ്റ്റ് പോലീസ് അറസ്റ്റ് ചെയ്തത്.
സ്ഥാപനത്തിലെ കാഷ്യര്‍, അക്കൗണ്ടന്റ് തസ്തികകളില്‍ ജോലിനോക്കിവരുകയായിരുന്നു ഇവര്‍. കണക്കില്‍ തിരിമറി നടത്തി ഉത്പന്നങ്ങളുടെ വില കുറച്ചുകാണിച്ചാണ് ഇവര്‍ പണം തട്ടിയെടുത്തത്. സ്ഥാപനത്തില്‍നിന്ന് 7,58,922 രൂപയാണ് ഇവര്‍ പലഘട്ടങ്ങളിലായി തട്ടിയെടുത്തത്.
കണക്കിലെ വൈരുദ്ധ്യം ശ്രദ്ധയില്‍പ്പെട്ട മാനേജര്‍ നല്‍കിയ പരാതിയിലാണ് ഇവര്‍ പിടിക്കപ്പെട്ടത്. പതിവുപോലെ ജോലിക്കെത്തിയ ഇവരെ സ്ഥാപനത്തില്‍നിന്ന് പോലീസ് പിടികൂടുകയായിരുന്നു.
കൊല്ലം ഈസ്റ്റ് ഇന്‍സ്‌പെക്ടര്‍ ആര്‍.രതീഷിന്റെ നേതൃത്വത്തില്‍ സബ് ഇന്‍സ്‌പെക്ടര്‍മാരായ രതീഷ്‌കുമാര്‍ ആര്‍., എസ്.സി.പി.ഒ. സജീവ്, സി.പി.ഒ. ശുഭ എന്നിവരടങ്ങിയ സംഘമാണ് പ്രതികളെ പിടികൂടിയത്. ഇവരെ റിമാന്‍ഡ് ചെയ്തു.
RELATED STORIES
.jpg?$p=4460334&f=1x1&w=100&q=0.8)
IN CASE YOU MISSED IT
.jpg?$p=8a7b7b1&f=1x1&w=100&q=0.8)
%20(1).jpg?$p=bb281d8&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..