ബി.രാഹുൽ, ആർ.രാഹുൽ
കരുനാഗപ്പള്ളി: മാരകായുധങ്ങളുമായെത്തി യുവാക്കളെ തട്ടിക്കൊണ്ടുപോയി കായംകുളത്തുവെച്ച് ആക്രമിച്ച കേസില്‍ രണ്ടുപേര്‍ അറസ്റ്റില്‍.
കാര്‍ത്തികപ്പള്ളി ദേവികുളങ്ങര ഗോവിന്ദമുട്ടം തറയില്‍ ബി.രാഹുല്‍ (23), ദേവികുളങ്ങര പുതിയവീട്ടില്‍ തെക്കതില്‍ ആര്‍.രാഹുല്‍ (21) എന്നിവരാണ് അറസ്റ്റിലായത്. കഴിഞ്ഞ 28-ന് രാത്രി 12-ഓടെ കരുനാഗപ്പള്ളി കരോട്ടുമുക്കിനുസമീപത്തുനിന്നാണ് ചവറ കൊട്ടുകാട് സ്വദേശികളായ യുവാക്കളെ തട്ടിക്കൊണ്ടുപോയത്.
ജാക്കിലിവര്‍, ഇരുമ്പുപൈപ്പ് തുടങ്ങിയ ആയുധങ്ങളുമായെത്തിയാണ് യുവാക്കളെ കാറില്‍ തട്ടിക്കൊണ്ടുപോയത്. കായംകുളം താലൂക്കാശുപത്രി കേന്ദ്രീകരിച്ച് ആംബുലന്‍സ് ഓടിക്കുന്നവരാണ് പ്രതികളെന്ന് പോലീസ് പറഞ്ഞു. മദ്യലഹരിയില്‍ കരുനാഗപ്പള്ളിയിലെത്തിയ പ്രതികള്‍ അനാശ്യാസപ്രവര്‍ത്തനങ്ങളുമായി ബന്ധപ്പെട്ട് ചവറ സ്വദേശികളായ യുവാക്കളുമായുണ്ടായ തര്‍ക്കമാണ് തട്ടിക്കൊണ്ടുപോകലില്‍ കലാശിച്ചതെന്നും പോലീസ് പറഞ്ഞു.
കരുനാഗപ്പള്ളി പോലീസ് ഇന്‍സ്‌പെക്ടര്‍ ജി.ഗോപകുമാര്‍, എസ്.ഐ.മാരായ അലോഷ്യസ് അലക്‌സാണ്ടര്‍, ജയശങ്കര്‍, എസ്.സി.പി.ഒ. ഗോപകുമാര്‍ എന്നിവരടങ്ങിയ സംഘമാണ് പ്രതികളെ അറസ്റ്റുചെയ്തത്.
RELATED STORIES
.jpg?$p=3a4a11d&f=1x1&w=100&q=0.8)
IN CASE YOU MISSED IT
%20(1).jpg?$p=bb281d8&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..