കോവിഡ് പരിശോധനയ്‌ക്കെന്ന പേരില്‍ യുവാവ് നല്‍കിയ വിഷഗുളിക കഴിച്ച മൂന്നുപേര്‍ മരിച്ചു; പ്രതി കസ്റ്റഡിയില്‍


മല്ലിക, ദീപ

ഈറോഡ് (തമിഴ്നാട്): കോവിഡ് പരിശോധനയ്ക്കെന്ന പേരിൽ യുവാവ് നൽകിയ വിഷഗുളിക കഴിച്ച ഒരു കുടുംബത്തിലെ രണ്ടുപേർ മരിച്ചു. ഇവരുടെ വീട്ടിൽ കൃഷിപ്പണി ചെയ്തിരുന്ന സ്ത്രീയും മരിച്ചു. ഒരാൾ ഗുരുതരാവസ്ഥയിൽ ആശുപത്രിയിലാണ്.

ഈറോഡ് ജില്ലയിലെ ചെന്നിമല പെരുമാൾമലയിൽ താമസിക്കുന്ന കറുപ്പണ്ണകൗണ്ടറുടെ ഭാര്യ മല്ലിക (58), മകൾ ദീപ (35), കുപ്പമ്മാൾ (65) എന്നിവരാണ് മരിച്ചത്. കറുപ്പണ്ണകൗണ്ടർ ഗുരുതരാവസ്ഥയിൽ കോയമ്പത്തൂരിലെ സ്വകാര്യ ആശുപത്രിയിലാണ്.

25 വയസ്സു തോന്നിക്കുന്ന അപരിചിതനായ ഒരു യുവാവ് ശനിയാഴ്ച രാവിലെ ഇവരുടെ വീട്ടിലെത്തി കോവിഡ് പരിശോധനയ്ക്കു വന്നതാണെന്ന് ധരിപ്പിച്ചു.

പരിശോധനയ്ക്കുമുമ്പ് ഗുളിക കഴിക്കണമെന്നു പറഞ്ഞ് കറുപ്പുനിറത്തിലുള്ള ഗുളികകൾ നൽകി. നാലുപേരും ഗുളിക കഴിച്ചു. യുവാവ് പോയ ഉടനെ നാലുപേരും മയങ്ങിവീണു. ഇതിനിടെ ദീപ വിളിച്ചതനുസരിച്ച് വീട്ടിലെത്തിയ ഭർത്താവ് പ്രഭു ഇവരെ ഈറോഡ് സർക്കാർ ആശുപത്രിയിലേക്കു കൊണ്ടുപോയെങ്കിലും വഴിക്ക് മല്ലിക മരണമടഞ്ഞു.

ഈറോഡ് ആശുപത്രിയിൽനിന്ന് ഡോക്ടർമാരുടെ നിർദേശപ്രകാരം കുപ്പമ്മാളെ സേലം സർക്കാർ ആശുപത്രിയിലേക്കും കറുപ്പണ്ണകൗണ്ടർ, മകൾ ദീപ എന്നിവരെ കോയമ്പത്തൂരിലെ സ്വകാര്യ ആശുപത്രിയിലേക്കും മാറ്റി. കുപ്പമ്മാൾ ഞായറാഴ്ച രാവിലെയും ദീപ ഉച്ചകഴിഞ്ഞും മരിച്ചു.

ഗുളിക നൽകി കബളിപ്പിച്ച യുവാവിനെ ജില്ലാ പോലീസ് സൂപ്രണ്ട് ശശിമോഹന്റെ നേതൃത്വത്തിൽ ചെന്നിമലയിൽനിന്ന് കസ്റ്റഡിയിലെടുത്തു. കറുപ്പണ്ണകൗണ്ടരുടെയും മല്ലികയുടെയും ഏകമകളാണ് ദീപ. ദീപയ്ക്ക് നാലും ഒന്നും വയസ്സുള്ള മക്കളുണ്ട്.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
nedumbassery airport

1 min

ബാഗില്‍ എന്താണെന്ന വിമാന ജീവനക്കാരിയുടെ ചോദ്യം ഇഷ്ടപ്പെട്ടില്ല, ബോംബെന്ന് മറുപടി; അറസ്റ്റിലായി

Jul 3, 2022


Thalassery Overbury's Foley

1 min

തലശ്ശേരി പാര്‍ക്കിലെ കമിതാക്കളുടെ ഒളിക്യാമറ ദൃശ്യം പോണ്‍ സൈറ്റുകളില്‍; അപ്‌ലോഡ് ചെയ്തവരെ തേടി പോലീസ്

Jul 4, 2022


pinarayi vijayan

3 min

ജീവിതത്തില്‍ ശുദ്ധി പുലര്‍ത്തിയാല്‍ തലകുനിക്കേണ്ടി വരില്ല, ഒരു ഉള്‍ക്കിടിലവുമില്ല- മുഖ്യമന്ത്രി 

Jul 4, 2022

Most Commented