പിടിയിലായ അനീഷ, ഷംജാദ്, അഹമ്മദ് നിഹാൽ
കോഴിക്കോട്: കാറില്‍ കഞ്ചാവുകടത്തുന്നതിനിടെ ദമ്പതിമാരടക്കം മൂന്നുപേര്‍ പിടിയില്‍. നല്ലളം ഹസന്‍ബായ് വില്ലയില്‍ ഷംസുദ്ദീന്റെ മകന്‍ പി.എം. ഷംജാദ് (25), ഭാര്യ അനീഷ (23), നല്ലളം പുല്ലാനിപറമ്പ് ബൈത്തുല്‍ ഹലയില്‍ നൗഷാദിന്റെ മകന്‍ ബി.എം. അഹമ്മദ് നിഹാല്‍ (26) എന്നിവരെയാണ് മെഡിക്കല്‍ കോളേജ് പോലീസ് അറസ്റ്റുചെയ്തത്. ഇവരില്‍നിന്ന് രണ്ടുകിലോ കഞ്ചാവ് പിടിച്ചെടുത്തു.
പോലീസിനുകിട്ടിയ രഹസ്യവിവരത്തിന്റെ അടിസ്ഥാനത്തില്‍ ചേവരമ്പലം ബൈപ്പാസ് റോഡ് വഴി വരുകയായിരുന്ന സംഘത്തെ ട്രാഫിക് പോലീസ് പിന്തുടരുകയായിരുന്നു. കാളാണ്ടിത്താഴം കയറ്റംകയറി മെഡിക്കല്‍ കോളേജ് കാമ്പസിലെ റോഡ് വഴി രക്ഷപ്പെടാനായിരുന്നു സംഘത്തിന്റെ ശ്രമം. എന്നാല്‍, കാമ്പസിലെ ചുറ്റുമതില്‍ നിര്‍മാണവുമായി ബന്ധപ്പെട്ട് റോഡ് തടസ്സപ്പെട്ട നിലയിലായതിനാല്‍ വാഹനത്തിന് മുന്നോട്ടുപോകാന്‍ കഴിഞ്ഞില്ല. പിന്തുടര്‍ന്നെത്തിയ പോലീസ് ഇവിടെവെച്ച് സംഘത്തെ പിടികൂടുകയായിരുന്നു. വഴിയില്‍വെച്ച് അപകടത്തില്‍പ്പെട്ട വാഹനത്തിന്റെ പിന്നിലെ ബമ്പര്‍ തകര്‍ന്നനിലയിലാണ്.
ട്രാഫിക് നോര്‍ത്ത് എ.സി.പി. പി.കെ.രാജു മെഡി.കോളേജ് ഇന്‍സ്‌പെക്ടര്‍ ബെന്നി ലാലു,എസ്.ഐ.മാരായ രമേശ് കുമാര്‍,ജ്യോതി,രാംദാസ് എന്നിവരടങ്ങിയ സംഘമാണ് പ്രതികളെ പിടികൂടിയത്.
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
IN CASE YOU MISSED IT
.jpg?$p=fad68fb&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..