സംഭവം കാമ്പസിന് പുറത്തെന്ന് പ്രിന്‍സിപ്പല്‍; കുത്തിയത് യൂത്ത് കോണ്‍ഗ്രസ് പ്രവര്‍ത്തകന്‍, തിരച്ചില്‍


ഇടുക്കി ഗവ. എൻജിനീയറിങ് കോളേജ് | ഫയൽചിത്രം | Photo: www.gecidukki.ac.in

ഇടുക്കി: പൈനാവ് ഗവ. എന്‍ജിനീയറിങ് കോളേജ് വിദ്യാര്‍ഥിയും എസ്.എഫ്.ഐ. പ്രവര്‍ത്തകനുമായ ധീരജിന് കുത്തേറ്റത് കോളേജിന് പുറത്തുവെച്ചെന്ന് പ്രിന്‍സിപ്പല്‍. കാമ്പസിന് പുറത്തുവെച്ചാണ് അക്രമം നടന്നതെന്നും കോളേജിനകത്ത് സമാധാനപരമായാണ് തിരഞ്ഞെടുപ്പ് നടന്നതെന്നും പ്രിന്‍സിപ്പല്‍ ഡോ.ജലജ മാതൃഭൂമി ന്യൂസിനോട് പറഞ്ഞു.

തിരഞ്ഞെടുപ്പ് സമാധാനപരമായിരുന്നു. തിരഞ്ഞെടുപ്പ് നടക്കുന്നതിനാല്‍ പോലീസിന് നേരത്തെ കത്ത് നല്‍കുകയും കാമ്പസില്‍ പോലീസ് സുരക്ഷ ഉറപ്പുവരുത്തുകയും ചെയ്തിരുന്നു. സമീപകാലത്തൊന്നും കോളേജില്‍ സംഘര്‍ഷമുണ്ടായിട്ടില്ലെന്നും പ്രിന്‍സിപ്പല്‍ കൂട്ടിച്ചേര്‍ത്തു.

അതേസമയം, എസ്.എഫ്.ഐ. പ്രവര്‍ത്തകനെ അക്രമിച്ചത് മണിയാന്‍കുടി സ്വദേശിയായ യൂത്ത് കോണ്‍ഗ്രസ് പ്രവര്‍ത്തകനാണെന്നാണ് പ്രാഥമിക വിവരം. കൊല്ലപ്പെട്ട ധീരജും മറ്റുള്ളവരും കോളേജിന് പുറത്തേക്ക് വന്നപ്പോളായിരുന്നു അക്രമം. ജില്ലാ പഞ്ചായത്ത് ഓഫീസിന് സമീപത്തുവെച്ചാണ് സംഭവമുണ്ടായത്. അക്രമത്തില്‍ മറ്റ് രണ്ട് വിദ്യാര്‍ഥികള്‍ക്ക് കൂടി കുത്തേറ്റതായും ദൃക്‌സാക്ഷികള്‍ പറഞ്ഞു.

ധീരജിന്റെ നെഞ്ചിലാണ് ആഴത്തിലുള്ള കുത്തേറ്റത്. ഉടന്‍തന്നെ സമീപത്തുണ്ടായിരുന്നവര്‍ വിദ്യാര്‍ഥിയെ വാഹനത്തില്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കുത്തേറ്റ മറ്റ് വിദ്യാര്‍ഥികളില്‍ ഒരാളുടെ നില ഗുരുതരമാണെന്നും വിവരങ്ങളുണ്ട്.

അതിനിടെ, സംഭവത്തില്‍ പ്രതിയായ യൂത്ത് കോണ്‍ഗ്രസ് പ്രവര്‍ത്തകന് വേണ്ടി പോലീസ് തിരച്ചില്‍ ഊര്‍ജിതമാക്കിയിട്ടുണ്ട്. കൃത്യം നടത്തിയതിന് പിന്നാലെ ഇയാള്‍ അല്പസമയം കൂടി സ്ഥലത്തുണ്ടായിരുന്നു. പിന്നീടാണ് കാണാതായത്. അധികദൂരത്തേക്ക് പ്രതി രക്ഷപ്പെടാന്‍ സാധ്യതയില്ലെന്നാണ് പോലീസ് കരുതുന്നത്. സമീപപ്രദേശങ്ങളില്‍ ഒളിവില്‍കഴിയുകയായിരിക്കുമെന്നും പോലീസ് കേന്ദ്രങ്ങള്‍ പറയുന്നുണ്ട്.

എസ്.എഫ്.ഐ. പ്രവര്‍ത്തകനെ കെ.എസ്.യു- യൂത്ത് കോണ്‍ഗ്രസ് പ്രവര്‍ത്തകര്‍ കുത്തിക്കൊന്ന സംഭവം ആസൂത്രിതമായ അക്രമമാണെന്ന് സി.പി.എം. ഇടുക്കി ജില്ലാ സെക്രട്ടറി ആരോപിച്ചു. പൈനാവ് കോളേജില്‍ നടന്നത് കോണ്‍ഗ്രസിന്റെ അക്രമമാണെന്ന് എസ്.എഫ്.ഐ.യും ആരോപിച്ചു.

തിങ്കളാഴ്ച കോളേജ് യൂണിയന്‍ തിരഞ്ഞെടുപ്പിനിടെയാണ് എസ്.എഫ്.ഐ പ്രവര്‍ത്തകനായ ധീരജ് കാമ്പസിന് പുറത്തുവെച്ച് കൊല്ലപ്പെട്ടത്. സംഭവത്തെ തുടര്‍ന്ന് കോളേജിലും പ്രദേശത്തും കനത്ത പോലീസ് കാവല്‍ ഏര്‍പ്പെടുത്തിയിട്ടുണ്ട്.

Content Highlights: SFI Activist killed in government engineering college Idukki


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023


chintha jerome

1 min

ഒന്നേമുക്കാൽ വർഷം റിസോർട്ടിൽ താമസം, 38 ലക്ഷം രൂപ വാടക; ചിന്തയ്ക്കെതിരേ പരാതിയുമായി യൂത്ത് കോൺഗ്രസ്

Feb 7, 2023


nirmala sitharaman

1 min

പ്രത്യേക പരിഗണനയില്ല; അദാനിക്ക് കേരളത്തിലടക്കം പദ്ധതികള്‍ നല്‍കിയത് BJP ഇതര സര്‍ക്കാര്‍-ധനമന്ത്രി

Feb 6, 2023

Most Commented