ആര്‍.എസ്.എസ് പ്രവര്‍ത്തകന്റെ കൊല: കാര്‍ പൊളിച്ചു; പൊള്ളാച്ചിയില്‍ പോലീസിന് കിട്ടിയത് അവശിഷ്ടങ്ങൾ


1 min read
Read later
Print
Share

Screengrab: Mathrubhumi News

പൊള്ളാച്ചി: പാലക്കാട്ട് ആര്‍.എസ്.എസ്. പ്രവര്‍ത്തകനെ കൊലപ്പെടുത്തിയ സംഘം സഞ്ചരിച്ച കാര്‍ തമിഴ്‌നാട്ടിലേക്ക് കടത്തിയതായി പോലീസ് കണ്ടെത്തി. പൊള്ളാച്ചിയിലെ വര്‍ക്ക്‌ഷോപ്പില്‍ എത്തിച്ച കാര്‍ കഴിഞ്ഞദിവസം പൊളിച്ചുമാറ്റിയിരുന്നു. ഇതിന്റെ അവശിഷ്ടങ്ങള്‍ പോലീസ് ബുധനാഴ്ച കണ്ടെത്തി. കാറിന്റെ ഡോറുകളും ടയറുകളും എന്‍ജിനുമെല്ലാം വേര്‍പെടുത്തിയ നിലയിലായിരുന്നു.

കഴിഞ്ഞ ബുധനാഴ്ചയാണ് രണ്ടുപേര്‍ വെളളനിറത്തിലുള്ള മാരുതി 800 കാര്‍ പൊളിക്കാനായി കൊണ്ടുവന്നതെന്ന് വര്‍ക്ക്‌ഷോപ്പ് ഉടമ പറഞ്ഞു. ആര്‍.സി. ബുക്കും മറ്റുരേഖകളും കാണിച്ചിരുന്നു. ഇവര്‍ക്ക് 15000 രൂപ നല്‍കിയാണ് കാര്‍ വാങ്ങിയത്. രണ്ടുദിവസം മുമ്പാണ് കാര്‍ പൊളിച്ചതെന്നും വര്‍ക്ക്‌ഷോപ്പ് ഉടമ പ്രതികരിച്ചു.

കാര്‍ പൊളിച്ചുമാറ്റിയെങ്കിലും ഇതിന്റെ പാര്‍ട്‌സുകള്‍ നിലവില്‍ പോലീസ് സംരക്ഷണയിലാണ്. സയന്റിഫിക് വിദഗ്ധരെത്തി ഇവ വിശദമായി പരിശോധിക്കും.

അതിനിടെ, കഴിഞ്ഞ ബുധനാഴ്ച രാവിലെ കാര്‍ പൊള്ളാച്ചിയില്‍ എത്തിക്കുന്നതിന്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്. വര്‍ക്ക്‌ഷോപ്പിന് സമീപത്തെ കടയിലെ സിസിടിവി ക്യാമറയില്‍നിന്നാണ് കാറിന്റെ ദൃശ്യങ്ങള്‍ ലഭിച്ചത്. ഈ ദൃശ്യങ്ങളും അന്വേഷണസംഘം ശേഖരിച്ചിട്ടുണ്ട്.

നവംബര്‍ 15-നാണ് പാലക്കാട് എലപ്പുള്ളി മമ്പറത്തുവെച്ച് ആര്‍.എസ്.എസ്. പ്രവര്‍ത്തകനായ സഞ്ജിത്തിനെ കാറിലെത്തിയ സംഘം വെട്ടിക്കൊന്നത്. സംഭവത്തില്‍ പോപ്പുലര്‍ ഫ്രണ്ട് ഭാരവാഹികളായ രണ്ടുപേരെ പോലീസ് കഴിഞ്ഞദിവസം അറസ്റ്റ് ചെയ്തിരുന്നു. കേസിലെ കൂടുതല്‍പ്രതികള്‍ വൈകാതെ പിടിയിലാകുമെന്നാണ് പോലീസ് നല്‍കുന്ന സൂചന.

Content Highlights: rss worker murder case palakkad car scraped in pollachi

 


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
amboori rakhi murder case

4 min

മിസ്ഡ്‌കോള്‍ പ്രണയം, രഹസ്യമായി താലിചാര്‍ത്തി; മൃതദേഹം നഗ്നമായ നിലയില്‍, ഉപ്പ് വിതറി കുഴിച്ചിട്ടു

Jun 7, 2023


tamilnadu police

1 min

ഗോഡ്‌സെയുടെ ചരമവാര്‍ഷികം ആചരിച്ചു; തമിഴ്‌നാട്ടില്‍ ശിവസേനാ നേതാവിനെതിരേ കേസ്

Nov 21, 2021


edathala theft case

1 min

വാഹനം മോഷ്ടിച്ച് തമിഴ്‌നാട്ടിലെത്തിക്കും, രൂപമാറ്റം വരുത്തി വില്‍ക്കും; രണ്ടുപേര്‍ കൂടി പിടിയില്‍

Feb 21, 2021

Most Commented