പോപ്പുലര്‍ തട്ടിപ്പ്: റിയ പിടിയിലായത് ഭര്‍ത്താവിന്റെ നിലമ്പൂരിലെ വീട്ടില്‍നിന്ന്; കുടുംബം ഒന്നാകെ ജയിലില്‍


പോപ്പുലർ ഫിനാൻസ് തട്ടിപ്പ് കേസിലെ പ്രതികളെ തെളിവെടുപ്പിന് എത്തിച്ചപ്പോൾ(ഫയൽചിത്രം) | Screengrab: Mathrubhumi News

കോന്നി /പത്തനംതിട്ട: 2000 കോടി രൂപയുടെ നിക്ഷേപത്തട്ടിപ്പ് നടത്തിയ കേസിൽ പോപ്പുലർ ഫിനാൻസ് ഉടമകളായ അഞ്ചുപേരും ജയിലിലായി. കഴിഞ്ഞ ദിവസം അറസ്റ്റിലായ കേസിലെ അഞ്ചാം പ്രതി ഡോ.റിയ ആൻ തോമസിനെ പത്തനംതിട്ട കോടതി ഒക്ടോബർ ഒന്നുവരെ റിമാൻഡ് ചെയ്തു. ഇവരെ അട്ടക്കുളങ്ങര വനിതാ ജയിലിലേക്ക് മാറ്റി.

ഭർത്താവിന്റെ നിലമ്പൂരിലെ വീട്ടിൽനിന്ന് കോന്നി ഇൻസ്പെക്ടർ പി.എസ്.രാജേഷും സംഘവുമാണ് വ്യാഴാഴ്ച രാത്രി ഇവരെ അറസ്റ്റ് ചെയ്തത്. ഒരു വാഹനവും പോലീസ് പിടിച്ചെടുത്തിട്ടുണ്ട്. ആദ്യം രജിസ്റ്റർ ചെയ്ത കേസിൽ, ഇവർ നൽകിയ മുൻകൂർ ജാമ്യ ഹർജി തള്ളിയ ഹൈക്കോടതി അറസ്റ്റ് മൂന്ന് ആഴ്ചത്തേക്ക് തടഞ്ഞിരുന്നു. ഇതിനിടെയാണ്, പോലീസ് മറ്റൊരു കേസിൽ പ്രതിചേർത്ത് പിടികൂടിയത്.

ലിമിറ്റഡ് ലയബിലിറ്റി പാർട്ണർഷിപ്പ് ആയി രൂപവത്‌കരിച്ച മൂന്ന് കമ്പനികളുടെയും സാൻ പോപ്പുലർ ഫിനാൻസിന്റെയും ഡയറക്ടറാണ് പിടിയിലായ ഡോ. റിയ ആൻ തോമസ്. ആറുവർഷമായി തുടർന്നുവന്ന സാമ്പത്തികത്തട്ടിപ്പ് ഗൂഢാലോചനയിൽ ഇവർക്ക് തുല്യപങ്കാണുള്ളതെന്ന് ജില്ലാപോലീസ് മേധാവി കെ.ജി. സൈമൺ പറഞ്ഞു.

ജുഡീഷ്യൽ കസ്റ്റഡിയിൽ കഴിയുന്ന ഫിനാൻസ് ഉടമ തോമസ് ദാനിയേൽ, ഭാര്യ പ്രഭ, മറ്റ് മക്കളായ റിനു, റീബ എന്നിവരെ മറ്റൊരു വഞ്ചനാക്കേസിൽ ചൊവ്വാഴ്ച വീണ്ടും പോലീസ് കസ്റ്റഡിയിൽ കിട്ടും. ഇതിനുള്ള കോടതി അനുമതി കിട്ടിയിട്ടുണ്ട്. വിവിധ പോലീസ് സ്റ്റേഷനുകളിലായി കൂടുതൽ കേസുകളും രജിസ്റ്റർ ചെയ്തു. പത്തനംതിട്ട കൺസ്യൂമർ കമ്മിഷനിലും തോമസ് ദാനിയേലിനെതിരേ കേസെടുത്തു. വാഴമുട്ടം സ്വദേശിനിയുടെ പരാതിയിന്മേലാണ് നടപടി.

Content Highlights:popular finance fraud case all family members in jail



Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
chintha jerome

1 min

ഒന്നേമുക്കാൽ വർഷം റിസോർട്ടിൽ താമസം, 38 ലക്ഷം രൂപ വാടക; ചിന്തയ്ക്കെതിരേ പരാതിയുമായി യൂത്ത് കോൺഗ്രസ്

Feb 7, 2023


Transcouples

06:33

സിയക്ക് വേണ്ടി സഹദ് ഗർഭം ധരിച്ചു; കുഞ്ഞിനെ വരവേൽക്കാൻ ഒരുങ്ങി ട്രാൻസ് ദമ്പതികൾ

Feb 4, 2023


Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023

Most Commented