ഷൈജു
കഴക്കൂട്ടം: പ്രായപൂര്‍ത്തിയാകാത്ത പെണ്‍കുട്ടികളെ കാറില്‍ കയറ്റിക്കൊണ്ടുപോകാന്‍ ശ്രമിച്ച കേസില്‍ പോക്‌സോ കേസിലെ പ്രതിയെ അറസ്റ്റു ചെയ്തു. കിഴുവിലം മുടപുരം പൊയ്കവിള മേലാരുവിളവീട്ടില്‍ ഷൈജു (32)വാണ് കഴക്കൂട്ടം പോലീസിന്റെ പിടിയിലായത്.
ഞായറാഴ്ച ട്യൂഷന്‍ കഴിഞ്ഞുവരികയാരുന്ന ചെമ്പഴന്തി സ്വദേശികളായ, 13 വയസ്സുള്ള രണ്ടു പെണ്‍കുട്ടികളെ മൂന്നുമുക്കിനടുത്തുവെച്ച് ഇയാള്‍ തടഞ്ഞുനിര്‍ത്തി കാറില്‍ കയറ്റിക്കൊണ്ടുപോകാന്‍ ശ്രമിച്ചെന്നാണ് കേസ്. പെണ്‍കുട്ടികള്‍ അടുത്ത വീട്ടിലേക്ക് ഓടിരക്ഷപ്പെട്ടു.
ഇതിനുമുന്‍പ് പലപ്രാവശ്യവും അയാള്‍ പെണ്‍കുട്ടികളെ കാറില്‍ പിന്തുടര്‍ന്നതായും പോലീസ് പറഞ്ഞു. പരാതിയുടെ അടിസ്ഥാനത്തില്‍, പോക്‌സോ നിയമപ്രകാരം കേസെടുത്ത് നടത്തിയ അന്വേഷണത്തിലാണ് പ്രതി പിടിയിലായത്. ഇയാള്‍ക്കെതിരേ ആറ്റിങ്ങല്‍ പോലീസ് സ്റ്റേഷനിലും പോക്‌സോ കേസുണ്ട്.
കഴക്കൂട്ടം എസ്.എച്ച്.ഒ. ജെ.എസ്.പ്രവീണ്‍, എസ്.ഐ.മാരായ മിഥുന്‍, ജിനു, സി.പി.ഒ.മാരായ സജാദ്ഖാന്‍, ബിനു, നസിമുദ്ദീന്‍ എന്നിവരടങ്ങിയ പോലീസ് സംഘമാണ് പ്രതിയെ അറസ്റ്റു ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡു ചെയ്തു.
Also Watch
RELATED STORIES
IN CASE YOU MISSED IT
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..