പി.എ. ഹനീഫ,.മുഹമ്മദ് റാഫി
വിദ്യാനഗര്‍: ഉളിയത്തടുക്ക പെട്രോള്‍ പമ്പ് അക്രമത്തില്‍ രണ്ട് യുവാക്കള്‍ അറസ്റ്റില്‍. ഇസത്ത് നഗര്‍ സാബിത്ത് മാന്‍സിലില്‍ പി.എ. ഹനീഫ (24), ചെട്ടുംകുഴിയിലെ എ. മുഹമ്മദ് റാഫി (29) എന്നിവരെയാണ് വിദ്യാനഗര്‍ ഇന്‍സ്പെക്ടര്‍ വി.വി. മനോജിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. പി.എ. അബ്ദുള്‍ അസീസിന്റെ ഉടമസ്ഥതയിലുള്ള എ.കെ. സണ്‍സ് പെട്രോള്‍ പമ്പിനുനേരെയാണ് അക്രമം നടന്നത്. പമ്പ് ഉടമയുടെ സഹോദരനെ അക്രമിച്ച് തലയ്ക്ക് പരിക്കേല്പിച്ചതിന് വധശ്രമത്തിനും പമ്പ് അടിച്ച് തകര്‍ത്ത് നഷ്ടം വരുത്തിയതിന് മറ്റൊരു കേസുമാണുള്ളത്. ഇരു കേസുകളിലുമായി എട്ട് പ്രതികളാണുള്ളത്. മറ്റ് പ്രതികള്‍ ഒളിവിലാണ്.
നിരവധി കേസുകളില്‍ പ്രതിയായ ബര്‍മിനടുക്കയിലെ സാബിത്തിന് പെട്രോള്‍ കടം നല്‍കാത്തതിനെ ചൊല്ലിയുള്ള തര്‍ക്കമാണ് അക്രമത്തില്‍ കലാശിച്ചത്. സാമ്പിത്തിന്റെ സഹോദരനാണ് അറസ്റ്റിലായ ഹനീഫ. പമ്പുടമയുടെ സഹോദരനായ അബ്ദുള്‍ സലാമിനെ അക്രമിച്ചതിന് ഹനീഫ, മൊയ്തു, സുഹൈല്‍, മിര്‍ഷാദ് എന്നിവരുടെപേരില്‍ വധശ്രമത്തിനും പമ്പ് അടിച്ച് തകര്‍ത്ത് രണ്ടുലക്ഷത്തിലേറെ രൂപയുടെ നഷ്ടമുണ്ടാക്കിയതിന് അഷ്വാഖ്, റാഫി,അബ്ബാസ്, നവാസ് എന്നിവരുടെ പേരിലുമാണ് കേസെടുത്തിട്ടുള്ളത്. മറ്റ് പ്രതികളെ പിടികൂടുന്നതിന് പോലീസ് അന്വേഷണം ഊര്‍ജിതപ്പെടുത്തിയിട്ടുണ്ട്. സാമ്പിത്തിന്റെ മറ്റൊരു സഹോദരനാണ് ഒളിവിലുള്ള അഷ്വാഖ്. അഷ്വാഖിന്റെ നേത്വത്തിലാണ് പമ്പ് അടിച്ച് തകര്‍ത്തത്. എസ്.ഐ.മാരായ കെ. പ്രശാന്ത്, ഷാജിദ്, ഷേഖ് അബ്ദുള്‍ റസാഖ് തുടങ്ങിയവരും പ്രതികളെ പിടികൂടിയ പോലീസ് സംഘത്തിലുണ്ടായിരുന്നു. പെട്രോള്‍ പമ്പിന് നേരേ നടന്ന അക്രമത്തില്‍ പ്രതിഷേധിച്ച് തിങ്കളാഴ്ച ഉച്ചയ്ക്കുശേഷം രണ്ടുമുതല്‍ അഞ്ചുവരെ ജില്ലയിലെ മുഴുവന്‍ പെടോള്‍ പമ്പുകളും പെട്രോളിയം ഡീലേഴ്സ് അസോസിയേഷന്‍ ജില്ലാ കമ്മിറ്റിയുടെ നിര്‍ദേശത്തെ തുടര്‍ന്ന് അടച്ചിട്ടിരുന്നു.
Also Watch
RELATED STORIES
.jpg?$p=2922c1a&f=1x1&w=100&q=0.8)
IN CASE YOU MISSED IT
.jpg?$p=afe3202&f=1x1&w=100&q=0.8)
.jpg?$p=5d7e19c&f=1x1&w=100&q=0.8)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..