ഓണ്‍ലൈന്‍ പെണ്‍കെണി: നാല് ദിവസത്തിനിടെ 17 പരാതി, ഉത്തരേന്ത്യന്‍ സംഘത്തിന് പിന്നാലെ പോലീസ്


പ്രതീകാത്മക ചിത്രം | Getty Images

കോട്ടയം: ഓൺലൈനിലൂടെ പെൺകെണിയിൽപെടുത്തി പണം തട്ടുന്ന ഉത്തരേന്ത്യൻ സംഘത്തിനെതിരായ പരാതിയിൽ അന്വേഷണവുമായി ജില്ലാ പോലീസ്. നിരവധി പേരിൽനിന്നായി ലക്ഷങ്ങളാണ് അടുത്തിടെ സംഘം തട്ടിയെടുത്തത്. ഫെയ്സ്ബുക്കിൽ അജ്ഞാതരായ സ്ത്രീകളുടെ ഫ്രണ്ട് റിക്വസ്റ്റിലൂടെയാണ് തട്ടിപ്പ് സംഘം ഇരകളെ വീഴ്ത്തുന്നത്.

കുട്ടികളും യുവാക്കളും പ്രായമായവരും ഒരുപോലെ തട്ടിപ്പുസംഘത്തിന്റെ വലയിൽവീണ് പണം നഷ്ടപ്പെടുന്നതായി പോലീസ് പറഞ്ഞു. നാലുദിവസങ്ങൾക്കുള്ളിൽ ജില്ലയിലെ വിവിധയിടങ്ങളിൽനിന്നുള്ള 17 പേരാണ് പരാതി നൽകിയത്. മാനക്കേടോർത്ത് പരാതി നൽകാൻ വിസമ്മതിച്ചവരും നിരവധിയാണ്. സംഭവത്തിൽ വിശദമായ അന്വേഷണത്തിന് ജില്ലാ പോലീസ് മേധാവി ഡി.ശില്പ കോട്ടയം ഡിവൈ.എസ്.പിക്ക് നിർദേശം നൽകി.

ഫെയ്സ്ബുക്കിലെ ഫ്രണ്ട് റിക്വസ്റ്റ് സ്വീകരിച്ചാൽ മെസഞ്ചർ വഴി ചാറ്റിങ് തുടങ്ങും. അടുപ്പം സ്ഥാപിച്ച് മൊബൈൽ നമ്പർ കൈക്കലാക്കും. ന്യൂഡ് ചാറ്റിന് ക്ഷണിച്ച് സ്ക്രീൻ ഷോട്ട് വഴിയോ സ്ക്രീൻ റെക്കോഡർ വഴിയോ പകർത്തും.

പിന്നീട് ചാറ്റ് ചെയ്ത പുരുഷന്റെ ഫോട്ടോ കാണിച്ച് ഫെയ്സ്ബുക്ക് പോസ്റ്റ് തയ്യാറാക്കി പണം നൽകിയില്ലെങ്കിൽ നഗ്നചിത്രം അപ്ലോഡ് ചെയ്യുമെന്ന് ഭീഷണിപ്പെടുത്തുകയാണ് രീതി.

നാണക്കേട് ഭയന്ന് സംഘം പറയുന്ന ബാങ്ക് അക്കൗണ്ട്, ഗൂഗിൾ പേ, മറ്റു ഇലക്ട്രോണിക് മണിട്രാൻസ്‌ഫർ തുടങ്ങിയ സംവിധാനങ്ങൾ വഴി പണമയയ്ക്കും. വീണ്ടും പണം ആവശ്യപ്പെട്ട് ഭീഷണിയെത്തും. ഓൺലൈൻ വായ്പ സംഘടിപ്പിച്ച് തട്ടിപ്പ് സംഘത്തിന് പണം നൽകിയവരുമുണ്ട്. ഫെയ്സ്ബുക്കിൽ അപരിചിതരിൽനിന്ന് ലഭിക്കുന്ന റിക്വസ്റ്റുകൾ സ്വീകരിക്കരുതെന്ന് പോലീസ് മുന്നറിയിപ്പ് നൽകി. പണം ആവശ്യപ്പെട്ട് ഭീഷണിപ്പെടുത്തിയാൽ ഉടൻ വിവരം അറിയിക്കണമെന്നും കോട്ടയം ഡിവൈ.എസ്.പി. എം.അനിൽകുമാർ പറഞ്ഞു.


Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
P.C George

1 min

പീഡന പരാതി: പി.സി ജോര്‍ജ് അറസ്റ്റില്‍

Jul 2, 2022


rape

2 min

പീഡനം, രണ്ടാം തവണയും ഗര്‍ഭിണിയായി; ഗര്‍ഭഛിദ്രത്തിനുള്ള മരുന്ന് കഴിച്ച പത്താം ക്ലാസുകാരി മരിച്ചു

Jul 2, 2022


pc george

2 min

പി.സിക്കെതിരായ കേസ്: പീഡനം ഫെബ്രുവരി പത്തിനെന്ന് FIR; ചുമത്തിയിട്ടുള്ളത് ജാമ്യമില്ലാ വകുപ്പുകള്‍

Jul 2, 2022

Most Commented