കുട്ടികളെ കടത്തി; നവോദയ സ്‌കൂള്‍ പ്രിന്‍സിപ്പലും അധ്യാപികയും ഉള്‍പ്പെടെ എട്ടുപേര്‍ അറസ്റ്റില്‍


By സ്വന്തം ലേഖകന്‍

1 min read
Read later
Print
Share

പ്രതീകാത്മക ചിത്രം | മാതൃഭൂമി

കൊൽക്കത്ത: പശ്ചിമബംഗാളിലെ ബാങ്കുറ ജില്ലയിൽ കുട്ടിക്കടത്ത് നടത്തിയതിന് ജവഹർ നവോദയ സ്കൂൾ പ്രിൻസിപ്പലടക്കം എട്ട് പേർ അറസ്റ്റിലായി. ഇവരിൽ സ്കൂൾ അധ്യാപികയുമുണ്ട്. പ്രിൻസിപ്പലിന്റെയും അധ്യാപികയുടെയും വീട്ടിൽ നടത്തിയ തിരച്ചിലിൽ അഞ്ച് കുട്ടികളെ കണ്ടെത്തി.

രാജസ്ഥാൻ സ്വദേശിയായ പ്രിൻസിപ്പൽ കമൽ കുമാർ രജോറിയ, അധ്യാപിക സുഷമാ ശർമ എന്നിവരാണ് മുഖ്യപ്രതികൾ. ഇടനില നിന്ന ഒരു ചായക്കടക്കാരൻ, കടത്തിന് സഹായിച്ച രണ്ട് സ്ത്രീകൾ തുടങ്ങിയവരാണ് മറ്റ് പ്രതികൾ. കമൽ കുമാറിനെയും സുഷമയെയും പോലീസ് കസ്റ്റഡിയിലും മറ്റുള്ളവരെ ജുഡീഷ്യൽ കസ്റ്റഡിയിലും വിട്ടു.

സ്കൂളിന് സമീപം ദേശീയപാതയോരത്ത് നിർത്തിയിട്ടിരുന്ന വാനിലേക്ക് രണ്ട് കുട്ടികളെ കമൽ കുമാർ ധൃതി പിടിച്ച് കയറ്റുന്നത് കണ്ട് സംശയം തോന്നിയ പഞ്ചായത്ത് പ്രസിഡന്റ് ആളെക്കൂട്ടിയപ്പോഴാണ് സംഭവം പുറത്തായത്.

ബഹളമായതോടെ കമൽ കുമാർ ഓടി രക്ഷപ്പെട്ടു. തുടർന്ന് നാട്ടുകാർ നടത്തിയ പരിശോധനയിൽ വാനിൽ രണ്ട് സ്ത്രീകളെയും മറ്റ് രണ്ട് കുട്ടികളെയും കണ്ടെത്തി. പരസ്പരവിരുദ്ധമായി ഇവർ സംസാരിച്ചതിനെത്തുടർന്ന് പോലീസിനെ വിളിച്ചുവരുത്തി. പ്രിൻസിപ്പലിനെയും കൂട്ടാളികളെയും ഉടൻ അറസ്റ്റ് ചെയ്യണമെന്നാവശ്യപ്പെട്ട് നാട്ടുകാർ ദേശീയപാത ഉപരോധിച്ചു. തുടർന്ന് പോലീസ് പ്രതികളെക്കൂട്ടി വീടുകൾ പരിശോധിക്കുകയും അറസ്റ്റ് രേഖപ്പെടുത്തുകയുമായിരുന്നു.

ദുർഗാപുർ സ്റ്റീൽ പ്ളാന്റിന് സമീപമുള്ള നിഷിദ്ധപ്പള്ളി ഗ്രാമത്തിൽ നിന്ന് കുട്ടികളെ വിലയ്ക്കുവാങ്ങി കടത്തുകയായിരുന്നു സംഘമെന്നാണ് പോലീസിന്റെ പ്രാഥമിക നിഗമനം. രക്ഷപ്പെടുത്തിയവരെല്ലാം പെൺകുട്ടികളാണ്.


 


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
amboori rakhi murder case

4 min

മിസ്ഡ്‌കോള്‍ പ്രണയം, രഹസ്യമായി താലിചാര്‍ത്തി; മൃതദേഹം നഗ്നമായ നിലയില്‍, ഉപ്പ് വിതറി കുഴിച്ചിട്ടു

Jun 7, 2023


sessy xavier

2 min

പിടികിട്ടാപ്പുള്ളി, പോലീസിനെ വെട്ടിച്ച് 21 മാസം; വ്യാജ അഭിഭാഷക ഒളിവില്‍ കഴിഞ്ഞത് നേപ്പാളില്‍?

Apr 25, 2023


ripper jayanandan

2 min

'കൊലപാതകങ്ങളില്‍ ഹരംപിടിച്ച കൊടുംകുറ്റവാളി, സ്ത്രീകളെകൊന്ന് ലൈംഗികമായി ഉപയോഗിക്കുക പതിവ്'

Dec 28, 2021

Most Commented