പ്രതീകാത്മക ചിത്രം | മാതൃഭൂമി
വെള്ളറട: വീട്ടില്‍നിന്നു താമസം മാറണമെന്ന് പറഞ്ഞതിനെത്തുടര്‍ന്നുള്ള വിരോധത്തില്‍ ജ്യേഷ്ഠനെ അനുജന്‍ മണ്ണെണ്ണ ഒഴിച്ച് തീകൊളുത്തി കൊലപ്പെടുത്താന്‍ ശ്രമിച്ചെന്നു പരാതി. ഗുരുതരമായി പൊള്ളലേറ്റ ജ്യേഷ്ഠനെ തിരുവനന്തപുരം മെഡിക്കല്‍ കോളേജ് ആശുപത്രിയിലെ തീവ്രപരിചരണവിഭാഗത്തില്‍ പ്രവേശിപ്പിച്ചു. അനുജന്‍ ഒളിവിലാണ്.
വാഴിച്ചല്‍ പേരെയ്ക്കോണം കൈതക്കുഴി കോളനിയില്‍ ചന്ദ്ര(63)നെ സഹോദരന്‍ മോഹനാണ് (55) മണ്ണെണ്ണയൊഴിച്ച് കത്തിച്ചത്. വെള്ളിയാഴ്ച പുലര്‍ച്ചെ രണ്ടുമണിയോടെയാണ് സംഭവം. ചന്ദ്രന്റെ വീട്ടിലാണ് മോഹനന്‍ താമസിക്കുന്നത്. പതിവായി മദ്യപിച്ച് വീട്ടിലെത്തി ബഹളംവയ്ക്കുന്നതിനാല്‍ വീട്ടില്‍നിന്നു മാറണമെന്ന് മോഹനനോട് ചന്ദ്രന്‍ ആവശ്യപ്പെട്ടത് തര്‍ക്കങ്ങള്‍ക്കിടയാക്കിയിരുന്നു. തുടര്‍ന്നുള്ള പരാതിയില്‍ ആര്യങ്കോട് പോലീസിന്റെ ഇടപെടലില്‍ മാറിത്താമസിക്കാമെന്ന് മോഹനന്‍ സമ്മതിച്ചു. ഇതിനിടയിലാണ് വെള്ളിയാഴ്ച പുലര്‍ച്ചെ മുറിയില്‍ക്കിടന്ന് ഉറങ്ങുകയായിരുന്ന ചന്ദ്രന്റെ ശരീരത്തില്‍ ജനാലയിലൂടെ മണ്ണെണ്ണ ഒഴിച്ച് തീകൊളുത്തി കൊലപ്പെടുത്താന്‍ മോഹനന്‍ ശ്രമിച്ചതെന്ന് ആര്യങ്കോട് പോലീസ് പറഞ്ഞു. ഗുരുതരമായി പൊള്ളലേറ്റ ചന്ദ്രന്‍ നിലവിളിച്ചുകൊണ്ട് കതക് തുറക്കാന്‍ ശ്രമിച്ചെങ്കിലും പുറത്തുനിന്നു പൂട്ടിയിരുന്നതിനാല്‍ സാധിച്ചില്ല. പിന്നീട് നാട്ടുകാരെത്തി കതക് തുറന്നാണ് ചന്ദ്രനെ ആശുപത്രിയിലെത്തിച്ചത്.
ഒളിവിലായ പ്രതിക്കായി തിരച്ചില്‍ ആരംഭിച്ചതായി പോലീസ് പറഞ്ഞു. ആര്യങ്കോട് സി.ഐ. ശ്രീകുമാരന്‍നായര്‍ എസ്.ഐ. സജി എന്നിവരുടെ നേതൃത്വത്തിലാണ് അന്വേഷണം.
RELATED STORIES
.jpg?$p=f1b1304&f=1x1&w=100&q=0.8)
IN CASE YOU MISSED IT
.jpg?$p=8a7b7b1&f=1x1&w=100&q=0.8)
%20(1).jpg?$p=bb281d8&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..