അബ്ദുള്ള
പെരിന്തല്‍മണ്ണ: മാതാവിനെ ഉപദ്രവിക്കുന്നത് ചോദ്യംചെയ്തതിലുള്ള വിരോധംവെച്ച് മകനെ വെട്ടിക്കൊലപ്പെടുത്താന്‍ ശ്രമിച്ച കേസില്‍ പിതാവ് അറസ്റ്റില്‍. അങ്ങാടിപ്പുറം പരിയാപുരം പട്ടിക്കുന്ന് കല്ലടിവീട്ടില്‍ അബ്ദുള്ള(51)യെയാണ് പോലീസ് അറസ്റ്റുചെയ്തത്.
സംഭവത്തെക്കുറിച്ച് പോലീസ് പറയുന്നത്: ഒക്ടോബര്‍ 28-ന് രാത്രി എട്ടുമണിയോടെ പട്ടിക്കുന്നിലെ വീട്ടിലേക്കുവന്ന പ്രതി ബാഗില്‍ സൂക്ഷിച്ചിരുന്ന മടവാള്‍കൊണ്ട് മകന്‍ അയൂബി(19)നെ വെട്ടി. അയൂബിന്റെ ഇടതുചെവിക്കു സമീപം കഴുത്തിലാണ് വെട്ടിയത്. ഗുരുതരമായി പരിക്കേറ്റ അയൂബിനെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു. പ്രതി പെരിന്തല്‍മണ്ണയിലെ ബാര്‍ പരിസരത്തുണ്ടെന്ന വിവരത്തെത്തുടര്‍ന്ന് പോലീസ് അറസ്റ്റുചെയ്യുകയായിരുന്നു.
വെട്ടാനുപയോഗിച്ച മടവാള്‍ പെരിന്തല്‍മണ്ണ പുതിയ ബസ്സ്റ്റാന്‍ഡിന്റെ അണ്ടര്‍ ഗ്രൗണ്ടിന്റെ കോണിക്കൂടിന്റെ ചുവട്ടില്‍നിന്ന് പിന്നീട് കണ്ടെടുത്തു.
പെരിന്തല്‍മണ്ണ പോലീസ് ഇന്‍സ്പെക്ടര്‍ സുനില്‍ പുളിക്കലിന്റെയും എസ്.ഐ. സി.കെ. നൗഷാദിന്റെയും നേതൃത്വത്തിലാണ് പ്രതിയെ പിടികൂടിയത്. പെരിന്തല്‍മണ്ണ കോടതിയില്‍ ഹാജരാക്കിയ പ്രതിയെ റിമാന്‍ഡ്‌ചെയ്തു.
Also Watch
RELATED STORIES
IN CASE YOU MISSED IT
Premium
.jpg?$p=8a7b7b1&f=1x1&w=100&q=0.8)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..