ചിറയിന്‍കീഴ്(തിരുവനന്തപുരം): കുടുംബവഴക്കിനെത്തുടര്‍ന്ന് യുവാവ് ഭാര്യയെയും ഭാര്യയുടെ അച്ഛനെയും അമ്മയെയും വെട്ടിപ്പരിക്കേല്‍പ്പിച്ചു. ചിറയിന്‍കീഴ് കുറക്കട പുകയിലത്തോപ്പില്‍ വെള്ളിയാഴ്ച വൈകീട്ട് 6.30-നായിരുന്നു സംഭവം. സംഭവത്തെത്തുടര്‍ന്ന് രാജേഷ് എന്ന രാജേന്ദ്രപ്രസാദി(30)നെ ചിറയിന്‍കീഴ് പോലീസ് കസ്റ്റഡിയിലെടുത്തു. കുറക്കട, പുകയിലത്തോപ്പ്, ആക്കോട്ടുവിള, ചരുവിളവീട്ടില്‍ രാജേഷിന്റെ ഭാര്യ വിദ്യ, ഭാര്യയുടെ അച്ഛന്‍ മണികണ്ഠന്‍, മണികണ്ഠന്റെ ഭാര്യ പ്രസന്ന എന്നിവര്‍ക്കാണ് വെട്ടേറ്റത്. മൂവരും മെഡിക്കല്‍ കോളേജ് ആശുപത്രിയിലാണ്. വെട്ടേറ്റ് വിദ്യയുടെ വിരല്‍ മുറിഞ്ഞു തൂങ്ങിയ നിലയിലാണ്.
2014-ല്‍ ഭാര്യയെ ആക്രമിച്ച കേസില്‍ രാജേഷിനെ ചിറയിന്‍കീഴ് പോലീസ് താക്കീത് ചെയ്തിരുന്നു. കോടതിയില്‍ കേസായതിനെത്തുടര്‍ന്ന് ഇരുവരും ഒത്തുതീര്‍പ്പിലെത്തുകയും ഒരുമിച്ചു ജീവിക്കാന്‍ സമ്മതിക്കുകയുമായിരുന്നു. തുടര്‍ന്ന് രണ്ടുദിവസം മുമ്പ് വീണ്ടും ഇരുവരും വഴക്കിടുകയും വിദ്യ ചിറയിന്‍കീഴ് പോലീസില്‍ പരാതി നല്‍കുകയുമായിരുന്നു. വീട് വച്ചതിനെതുടര്‍ന്നുള്ള സാമ്പത്തിക ഇടപാടിനെച്ചൊല്ലിയായിരുന്നു വഴക്ക്. പോലീസ് രാജേഷിനെ കൂടുതല്‍ പ്രശ്‌നമുണ്ടാക്കരുതെന്ന് താക്കീത് നല്‍കി വിട്ടു. എന്നാല്‍, വീട്ടില്‍നിന്ന് തന്റെ സാധനങ്ങളെടുക്കാനെത്തിയപ്പോള്‍ ഭാര്യയും മറ്റുള്ളവരും ചേര്‍ന്ന് തടയുകയും ഇതില്‍ പ്രകോപിതനായി ഇയാള്‍ മൂവരെയും വെട്ടുകയുമായിരുന്നു.
നാട്ടുകാര്‍ വിവരമറിയിച്ചതിനെത്തുടര്‍ന്ന് ചിറയിന്‍കീഴ് പോലീസ് സ്ഥലത്തെത്തി രാജേഷിനെ കസ്റ്റഡിയിലെടുത്തു. വെട്ടേറ്റവരുടെ മൊഴി മെഡിക്കല്‍ കോളേജ് ആശുപത്രിയിലെത്തി പോലീസ് രേഖപ്പെടുത്തി.
Content Highlights: man attacked wife and her parents in chirayinkeezh trivandrum
RELATED STORIES
.jpg?$p=c03fbb4&f=1x1&w=100&q=0.8)
IN CASE YOU MISSED IT
.jpg?$p=246738b&f=1x1&w=100&q=0.8)
.jpg?$p=6a12f4a&f=1x1&w=100&q=0.8)
.jpg?$p=86eb8fa&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..