പിക്കപ്പ് ജീപ്പില്‍ നായാട്ടിനിറങ്ങി, റോഡില്‍ തടഞ്ഞ് വനംവകുപ്പ്; പിടിച്ചത് 9 നാടന്‍ തോക്കുകള്‍


പിടിച്ചെടുത്ത നാടൻ തോക്കുകൾ, ഇൻസെറ്റിൽ പിടിയിലായ വിജയൻ

കാഞ്ഞങ്ങാട്: നായാട്ടിനിറങ്ങിയ ആളെ ഒന്‍പത് നാടന്‍ തോക്ക് സഹിതം വനംവകുപ്പുദ്യോഗസ്ഥര്‍ പിടികൂടി. ചീമേനി പെട്ടിക്കുണ്ടിലെ കെ.വി.വിജയന്‍ (59) ആണ് അറസ്റ്റിലായത്. പിക്കപ്പ് ജീപ്പില്‍ പോകവെ, വെള്ളിയാഴ്ച വൈകീട്ട് കുന്നുംകൈ ഏച്ചിലാംകയത്തുവെച്ചാണ് വനംവകുപ്പിന്റെ ഫ്‌ളയിങ് സ്‌ക്വാഡ് പിടികൂടിയത്.

മൗക്കോടും ഏച്ചിലാംകയത്തുമായി രണ്ട് വാഹനത്തിലായാണ് ഉദ്യോഗസ്ഥര്‍ നായാട്ടുസംഘത്തെ പിടികൂടാന്‍ നിലയുറപ്പിച്ചിരുന്നത്. മൗക്കോട് എത്തിയപ്പോള്‍ ഉദ്യോഗസ്ഥരെ കണ്ട് പിക്കപ്പ് ജീപ്പിലുണ്ടായവര്‍ വാഹനം തിരിച്ചുവിട്ടു. മൗക്കോട്ട് നിലയുറപ്പിച്ച ഉദ്യോഗസ്ഥസംഘം ഉടന്‍ ഏച്ചിലാകയത്തുള്ളവരെ വിവരമറിയിക്കുകയും അവര്‍ വാഹനം റോഡിനു കുറികെയിടുകയും ചെയ്തു. അമിതവേഗത്തിലെത്തിയ പിക്കപ്പ് ജീപ്പ് റോഡിനു കുറുകെയിട്ട വനംവകുപ്പിന്റെ ജീപ്പിനിടിച്ചു നില്‍ക്കുകയായിരുന്നു.

പിക്കപ്പ് ജീപ്പിന്റെ പിറകില്‍ തോക്കും തിരകളും ചാക്കില്‍ പൊതിഞ്ഞനിലയിലായിരുന്നു. ഡ്രൈവര്‍ ഇറങ്ങിയോടി. പിടിയിലായ പ്രതിയെയും കസ്റ്റഡിയിലെടുത്ത ജീപ്പും കാഞ്ഞങ്ങാട് റേഞ്ച് ഫോറസ്റ്റ് ഓഫീസിലെത്തിച്ചു. ശനിയാഴ്ച കോടതിയില്‍ ഹാജരാക്കും. കാസര്‍കോട് ഫ്‌ളയിങ് സ്‌ക്വാഡ് റേഞ്ച് ഫോറസ്റ്റ് ഓഫീസര്‍ പി.രതീശന്റെ നേതൃത്വത്തിലായിരുന്നു ഉദ്യോഗസ്ഥ സംഘമെത്തിയത്. ഫോറസ്റ്റ് ഉദ്യോഗസ്ഥരായ ഒ.സുരേന്ദ്രന്‍, കെ.സി.മോഹന്‍കുമാര്‍, കെ.രാജു, പി.ശ്രീധരന്‍, എം.ഹരി, പ്രകാശന്‍, ഫോറസ്റ്റ് വാച്ചര്‍ സുരേന്ദ്രന്‍, ഡ്രൈവര്‍ പ്രദീപന്‍ എന്നിവരും സംഘത്തിലുണ്ടായിരുന്നു.


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
chintha jerome jayarajan

2 min

തെറ്റുപറ്റാത്തവരായി ആരെങ്കിലും ഉണ്ടോ? യുവനേതാവിനെ തളർത്തിക്കളയാമെന്ന് ആരും വ്യാമോഹിക്കണ്ട- ഇ.പി

Jan 30, 2023


kt jaleel, madani

3 min

മഅദനിയെക്കണ്ടു, കണ്ണുനിറഞ്ഞു; ഈ കൊല്ലാക്കൊല കൊടിയ അനീതിയെന്ന് കെ.ടി. ജലീല്‍ 

Jan 28, 2023


john brittas mp

1 min

മോദിയുടേയും അദാനിയുടേയും വളർച്ച സമാന്തര രേഖ പോലെ,രാജ്യത്തെ പദ്ധതികൾ എല്ലാംപോയത് അദാനിക്ക്-ബ്രിട്ടാസ്

Jan 28, 2023

Most Commented