അറസ്റ്റിലായ റൊണാൾഡോ റോയ്
കിടങ്ങൂര്‍: കിടങ്ങൂരിലും പരിസരപ്രദേശത്തും കഞ്ചാവുവില്പന നടത്തിയിരുന്ന യുവാവിനെ പോലീസ് പിടികൂടി. കിടങ്ങൂര്‍ മംഗളാരം മേലേറ്റുതറപ്പേല്‍ റൊണാള്‍ഡോ റോയിയെയാണ് (20) കിടങ്ങൂര്‍ സ്റ്റേഷന്‍ ഹൗസ് ഓഫീസര്‍ കെ.ആര്‍.ബിജുവിന്റെ നേതൃത്വത്തിലുള്ള സംഘം അറസ്റ്റുചെയ്തത്. തിങ്കളാഴ്ച രാവിലെ ഏഴരയോടെയായിരുന്നു കേസിനാസ്പദമായ സംഭവം. കിടങ്ങൂരിലും പരിസരത്തും ബൈക്കില്‍ കറങ്ങിനടന്ന് കഞ്ചാവുവില്പന നടത്തുന്ന സംഘത്തെക്കുറിച്ച് പോലീസിന് വിവരം ലഭിച്ചിരുന്നു. തുടര്‍ന്ന് പോലീസ്സംഘം പരിശോധന നടത്തുന്നതിനിടെ കിടങ്ങൂര്‍ മംഗളാരം ഭാഗത്ത് റൊണാള്‍ഡോയെ കണ്ടെത്തുകയായിരുന്നു. ഇയാളെ ചോദ്യംചെയ്യുകയും ദേഹപരിശോധന നടത്തുകയും ചെയ്തതോടെയാണ് കഞ്ചാവ് കണ്ടെത്തിയത്.
എസ്.എച്ച്.ഒ.യ്ക്ക് ലഭിച്ച രഹസ്യവിവരത്തിന്റെ അടിസ്ഥാനത്തില്‍ എസ്.ഐ. കുര്യന്‍ മാത്യു, എ.എസ്.ഐ. മഹേഷ് കൃഷ്ണന്‍, സിവില്‍ പോലീസ് ഓഫീസര്‍ ജിതീഷ്, ഗ്രിഗോറിയോസ് ജോസഫ് എന്നിവര്‍ ചേര്‍ന്നാണ് പ്രതിയെ പിടികൂടിയത്. പ്രതിയെ ഏറ്റുമാനൂര്‍ കോടതിയില്‍ ഹാജരാക്കി. കിടങ്ങൂര്‍ ഭാഗത്ത് കഞ്ചാവുവില്പന നടത്തുന്ന സംഘത്തിലെ പ്രധാന കണ്ണിയാണ് റൊണാള്‍ഡോ. സംഘാംഗങ്ങളെക്കുറിച്ച് കൂടുതല്‍ അന്വേഷണങ്ങള്‍ നടത്തിവരുന്നു. പ്രദേശത്ത് നിരീക്ഷണം വരുംദിവസങ്ങളിലും തുടരുമെന്ന് കിടങ്ങൂര്‍ പോലീസ് അറിയിച്ചു.
Also Watch
RELATED STORIES
IN CASE YOU MISSED IT
.jpg?$p=a80322e&f=1x1&w=100&q=0.8)
.jpg?$p=41d01bf&q=0.8&f=16x11&w=104)
.jpg?$p=69d463a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..