കുഞ്ഞിനെ തട്ടിയെടുത്ത് കടന്ന കിരൺ പോലീസ് പിടിയിലായപ്പോൾ
നെയ്യാറ്റിന്‍കര: വീട്ടമ്മയെ വെട്ടിപ്പരിക്കേല്‍പ്പിച്ചശേഷം കുഞ്ഞിനെ എടുത്തുകൊണ്ടുപോയ അയല്‍വാസിയായ യുവാവിനെ പോലീസ് പിടികൂടി. വഴുതൂര്‍ രവി മന്ദിരത്തില്‍ നീന(65)യ്ക്കാണ് വെട്ടേറ്റത്. സംഭവവുമായി ബന്ധപ്പെട്ട് വഴുതൂര്‍ കല്പിതത്തില്‍ കിരണ്‍(26) ആണ് പോലീസിന്റെ പിടിയിലായത്. ഇയാള്‍ ലഹരിക്ക് അടിമയാണെന്ന് പോലീസ് പറഞ്ഞു.
ചൊവ്വാഴ്ചയായിരുന്നു സംഭവം. മകന്‍ വൈശാഖിന്റെ രണ്ടരവയസ്സുള്ള മകനുമായി ഗേറ്റിനടുത്ത് നില്‍ക്കുകയായിരുന്നു നീന. പെട്ടെന്ന് വെട്ടുകത്തിയുമായി എത്തിയ കിരണ്‍ നീനയെ ആക്രമിക്കുകയായിരുന്നു. നീനയുടെ കഴുത്തിനും ചെവിക്കുമാണ് പരിക്കേറ്റത്.
കുഞ്ഞിനെ എടുത്തുകൊണ്ട് സ്വന്തം മുറിയിലേക്കാണ് കിരണ്‍ പോയത്. നീന നാട്ടുകാരെ വിളിച്ച് അറിയിച്ചതിനെത്തുടര്‍ന്ന് പോലീസും അഗ്‌നിരക്ഷാസേനയുമെത്തി. വീടിന്റെ പുറംവാതില്‍ തുറന്ന് അകത്തുകടന്നാണ് പ്രതിയെ കീഴ്പ്പെടുത്തി കുഞ്ഞിനെ രക്ഷിച്ചത്. പ്രതി വീട്ടിലും ബഹളമുണ്ടാക്കാറുണ്ടെന്നും പോലീസ് പറഞ്ഞു. പ്രതിയെ റിമാന്‍ഡുചെയ്തു.
Also Watch
RELATED STORIES
.jpg?$p=a3c1fa2&f=1x1&w=100&q=0.8)
.jpg?$p=430c1f1&f=1x1&w=100&q=0.8)
.jpg?$p=d8cbf09&f=1x1&w=100&q=0.8)
IN CASE YOU MISSED IT
.jpg?$p=0040ee1&f=1x1&w=100&q=0.8)
.jpg?$p=fc07f96&q=0.8&f=16x11&w=104)
.jpg?$p=48405e6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..