ബെംഗളൂരു: കോടികളുടെ കള്ളപ്പണം വെളുപ്പിക്കല്‍ കേസില്‍ മലയാളി വ്യവസായി അനസ് അഹമ്മദിനെ എന്‍ഫോഴ്സ്മെന്റ് ഡയറക്ടറേറ്റ് (ഇ.ഡി.) അറസ്റ്റുചെയ്തു. പവര്‍ബാങ്ക് ഉള്‍പ്പെടെയുള്ള വ്യാജമൊബൈല്‍ ഏണിങ് ആപ്പുകള്‍വഴി നിക്ഷേപത്തട്ടിപ്പ് നടത്തിയതുമായി ബന്ധപ്പെട്ട കേസിലാണ് കള്ളപ്പണംവെളുപ്പിക്കല്‍ നിരോധനനിയമപ്രകാരം അന്വേഷണം നടത്തി ഇ.ഡി. അറസ്റ്റുചെയ്തത്.
നിക്ഷേപത്തട്ടിപ്പ് കേസില്‍ കഴിഞ്ഞ ജൂണില്‍ ചെന്നൈ സി.ഐ.ഡി. അറസ്റ്റുചെയ്ത അനസ് അഹമ്മദ് ചെന്നൈ പുഴല്‍ സെന്‍ട്രല്‍ ജയിലില്‍ ജുഡീഷ്യല്‍ കസ്റ്റഡിയിലാണ്. ബെംഗളൂരുവിലെ പ്രത്യേക കോടതി അനസിനെ ആറുദിവസത്തേക്ക് ഇ.ഡി. കസ്റ്റഡിയില്‍വിട്ടു. 84 കോടി രൂപയുടെ കള്ളപ്പണം വെളുപ്പിച്ചതായാണ് കേസ്.
വ്യാജമൊബൈല്‍ ഏണിങ് ആപ്പുകള്‍വഴി നിക്ഷേപത്തട്ടിപ്പ് നടത്തിയ ഒമ്പതംഗസംഘത്തെ കഴിഞ്ഞ ജൂണില്‍ സി.ഐ.ഡി. അറസ്റ്റുചെയ്തിരുന്നു. ഉയര്‍ന്ന ലാഭവിഹിതവും പലിശയും വാഗ്ദാനംചെയ്ത് നിക്ഷേപകരെ ആകര്‍ഷിച്ച് പണം നിക്ഷേപിച്ചശേഷം ആപ്പുകള്‍ പ്ലേസ്റ്റോറില്‍നിന്നും വെബ്സൈറ്റില്‍നിന്നും നീക്കംചെയ്ത് മുങ്ങിയായിരുന്നു തട്ടിപ്പ് നടത്തിയിരുന്നത്. ചൈനയില്‍ നിന്നായിരുന്നു തട്ടിപ്പ് നിയന്ത്രിച്ചിരുന്നത്. ബുള്‍ ഫിഞ്ച് ടെക്നോളജീസ്, എച്ച്.ആന്‍ഡ് എസ്. വെഞ്ചേര്‍സ്, ക്ലിഫോര്‍ഡ് വെഞ്ചേര്‍സ് എന്നീ പേരുകളില്‍ കടലാസ് കമ്പനികള്‍ നടത്തിയായിരുന്നു തട്ടിപ്പ്. അനസ് അഹമ്മദിന്റെ നേതൃത്വത്തില്‍ ആരംഭിച്ച ഓണ്‍ലൈന്‍ റമ്മി ആപ്ലിക്കേഷനുകള്‍ പിന്നീട് നിക്ഷേപം സ്വീകരിക്കുന്നതിന് വേണ്ടി പവര്‍ബാങ്ക് ആപ്ലിക്കേഷന്‍, സണ്‍ ഫാക്ടറി ആപ്ലിക്കേഷന്‍ തുടങ്ങിയ വിവിധ ആപ്ലിക്കേഷനുകളായി മാറ്റുകയായിരുന്നു.
Also Watch
RELATED STORIES
.jpg?$p=b4643a5&f=1x1&w=100&q=0.8)
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=bdadd5b&f=1x1&w=100&q=0.8)
.jpg?$p=6df998d&q=0.8&f=16x11&w=104)
.jpg?$p=fc07f96&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..