Image for Representation | Mathrubhumi
പരിയാരം: ലോറിയില്‍നിന്ന് ക്ലീനര്‍ തെറിച്ചുവീണ് മരിച്ച കേസിലെ പിടികിട്ടാപ്പുള്ളിയായ ലോറിഡ്രൈവര്‍ 30 വര്‍ഷത്തിനുശേഷം പിടിയില്‍. കര്‍ണാടക മംഗളൂരുവിലെ ബണ്ട്വാള്‍ താലൂക്കിലെ വിഠല്‍ ഷെട്ടി (70) യെയാണ് തളിപ്പറമ്പ് ഡിവൈ.എസ്.പി. ടി.കെ.രത്‌നകുമാറിന്റെ നേതൃത്വത്തിലുള്ള സ്‌പെഷ്യല്‍ സ്‌ക്വാഡ് പിടികൂടിയത്.
മംഗളൂരു ഭാഗത്തുനിന്ന് കോഴിക്കോട് ഭാഗത്തേക്ക് ചരക്കുമായി പോകുകയായിരുന്ന ലോറിയുടെ ഡ്രൈവറായിരുന്നു വിഠല്‍ ഷെട്ടി. ഇതേ ലോറിയിലെ ക്ലീനര്‍ മംഗളൂരുവിലെ റോക്കി ലോറിയില്‍നിന്ന് തെറിച്ചുവീണ് മരിച്ചിരുന്നു. 1992 മാര്‍ച്ച് 15-ന് രാത്രി 9.30-ന് പരിയാരം ചുടലയിലായിരുന്നു സംഭവം. ഈ മരണം സംശയാസ്പദമായിരുന്നു. ഈ കേസില്‍ പ്രതിയായ ഷെട്ടി ഒളിവിലായതിനാല്‍ 1995-ല്‍ കോടതി ഷെട്ടിയെ പിടികിട്ടാപ്പുള്ളിയായി പ്രഖ്യാപിച്ചിരുന്നു.
സ്‌ക്വാഡ് അംഗങ്ങളായ എസ്.ഐ. ദിലീപ്കുമാര്‍, എ.എസ്.ഐ. പ്രേമരാജന്‍, സീനിയര്‍ സിവില്‍ പോലീസ് ഓഫീസര്‍ അബ്ദുള്‍ ജബ്ബാര്‍ എന്നിവര്‍ ചേര്‍ന്നാണ് തലപ്പാടിയില്‍വെച്ച് വിഠല്‍ ഷെട്ടിയെ പിടികൂടിയത്. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.
Also Watch
RELATED STORIES
.jpg?$p=3ca10ba&f=1x1&w=100&q=0.8)
.jpg?$p=31e08d7&f=1x1&w=100&q=0.8)
.jpg?$p=e3bab8c&f=1x1&w=100&q=0.8)
IN CASE YOU MISSED IT
.jpg?$p=2dd1c87&f=1x1&w=100&q=0.8)
.jpg?$p=fc07f96&q=0.8&f=16x11&w=104)
.jpg?$p=48405e6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..