മോറിസ് കോയിന്‍ മണിചെയിന്‍: എം.ഡി.യുടെ വീട്ടില്‍ പരിശോധന, കാര്‍ കസ്റ്റഡിയിലെടുത്തു, നിഷാദ് ഒളിവില്‍


മോറിസ് കോയിൻ ഇൻവെസ്റ്റ്മെന്റ് പ്ലാൻ 300 എന്ന മണിചെയിൻ പണമിടപാടുമായി ബന്ധപ്പെട്ട് കമ്പനി എം.ഡി നിഷാദ് കിളിയിടുക്കിലിന്റെ വീട്ടിൽനിന്ന് പോലീസ് കസ്റ്റഡിയിലെടുത്ത കാർ | ഫോട്ടോ: മാതൃഭൂമി

പൂക്കോട്ടുംപാടം(മലപ്പുറം): സ്റ്റഡി മോജോ മോറിസ് കോയിൻ ഇൻവെസ്റ്റ്മെന്റ് പ്ലാൻ 300 എന്ന മണിചെയിൻ പണമിടപാടുമായി ബന്ധപ്പെട്ട് ബെംഗളൂരു ആസ്ഥാനമായി പ്രവർത്തിക്കുന്ന ലോങ് റിച്ച് ഗ്ലോബൽ പ്രൈവറ്റ് ലിമിറ്റഡ് മൾട്ടിനാഷണൽ കമ്പനി എം.ഡിയുടെ വീട്ടിൽ പോലീസ് പരിശോധന നടത്തി.

പൂക്കോട്ടുംപാടം സ്വദേശി നിഷാദ് കിളിയിടുക്കിലിന്റെ വീട്ടിലാണ് ഇൻസ്പെക്ടർ പി. വിഷ്ണുവിന്റെ നേതൃത്വത്തിൽ പരിശോധന നടത്തിയത്. നിഷാദിന്റെ ഉടമസ്ഥതയിലുള്ള കാർ കസ്റ്റഡിയിലെടുത്തു. ഇയാളുടെ സ്വത്തുക്കൾ കണ്ടെത്തി നടപടി സ്വീകരിക്കുന്നതിന്റെ ഭാഗമായാണ് കാർ കസ്റ്റഡിയിലെടുത്തതെന്ന് പോലീസ് പറഞ്ഞു. സമൂഹമാധ്യമങ്ങളിലൂടെയും മറ്റും പരസ്യംചെയ്ത് നിയമാനുസൃതരേഖയോ ആധികാരികതയോ ഇല്ലാതെ ഗൾഫിലും മുംബൈയിലും തമിഴ്നാട്ടിലും ബെംഗളൂരുവിലും കമ്പനികളുണ്ടെന്നുപറഞ്ഞ് വിശ്വസിപ്പിച്ച് കോടിക്കണക്കിന് രൂപ നിക്ഷേപം സ്വീകരിക്കുകയാണിവർ ചെയ്യുന്നതെന്നും പോലീസ് പറയുന്നു.

ഇന്ത്യയിൽ ഇത്തരത്തിൽ ബിസിനസ് നടത്തണമെങ്കിൽ ഏതെങ്കിലും ഉത്‌പന്നങ്ങളുടെ പേരിലേ സാധിക്കൂ. അതിനാൽ കമ്പനി സ്റ്റഡി മോജോ ഇ ലേണിങ് ആപ്ലിക്കേഷൻ എന്ന ഉത്‌പന്നമാണ് പരിചയപ്പെടുത്തുന്നത്. 2020 ഫെബ്രുവരി 18-ന് സ്റ്റഡി മോജോ ഉത്‌പന്നം വിപണിയിലിറങ്ങുമെന്ന് പറഞ്ഞിരുന്നെങ്കിലും ഇതുവരെ ഉത്‌പന്നം ആർക്കും ലഭിച്ചതായി വിവരമില്ലെന്നും പോലീസ് പറയുന്നു. പുതിയതായി മോറിസ് കോയിൻ എന്ന പദ്ധതി തുടങ്ങിയതായുള്ള പരസ്യവും കമ്പനി ഇറക്കിയിട്ടുണ്ട്. നിലവിൽ പണം നിക്ഷേപിച്ചവർക്കുമുഴുവൻ ലാഭവിഹിതമായി നല്ലൊരു തുക ലഭിക്കുന്നതുകൊണ്ട് ഈ ആളുകളെ ഉപയോഗിച്ച് പ്രചാരണം നടത്തുകവഴി കമ്പനിയുടെ ബിസിനസിൽ ജില്ലയുടെ അകത്തും പുറത്തും ധാരാളം ആളുകൾ പണം നിക്ഷേപിച്ചുകൊണ്ടിരിക്കയാണന്നും ഇൻസ്പെക്ടർ പി. വിഷ്ണു പറഞ്ഞു.

ഒളിവിൽക്കഴിയുന്ന നിഷാദ് ഹൈക്കോടതിയിൽ മുൻകൂർ ജാമ്യത്തിനും ശ്രമംനടത്തുന്നുണ്ട്. പൂക്കോട്ടുംപാടം എസ്.ഐ രാജേഷ് ആയോടൻ, എ.എസ്.ഐ വി.കെ. പ്രദീപ്, എസ്.സി.പി.ഒ എ. ജാഫർ, സി.പി.ഒമാരായ എം.എസ്. അനീഷ്, ടി. നിബിൻദാസ്, ഇ.ജി. പ്രദീപ് എന്നിവരും അന്വേഷണസംഘത്തിലുണ്ട്.

Content Highlights:long rich global study mojo moris coin money chain fraud case


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
chintha jerome

1 min

ഒന്നേമുക്കാൽ വർഷം റിസോർട്ടിൽ താമസം, 38 ലക്ഷം രൂപ വാടക; ചിന്തയ്ക്കെതിരേ പരാതിയുമായി യൂത്ത് കോൺഗ്രസ്

Feb 7, 2023


Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023


Transcouples

06:33

സിയക്ക് വേണ്ടി സഹദ് ഗർഭം ധരിച്ചു; കുഞ്ഞിനെ വരവേൽക്കാൻ ഒരുങ്ങി ട്രാൻസ് ദമ്പതികൾ

Feb 4, 2023

Most Commented