കല്പറ്റ: കോവിഡ് 19 ഹോട്ട്സ്പോട്ടായ വയനാട് നെന്മേനി പഞ്ചായത്തില് വിലക്ക് ലംഘിച്ച് ഇഫ്താര് വിരുന്ന് സംഘടിപ്പിച്ചവര്ക്കെതിരെ കേസെടുത്തു. കഴിഞ്ഞ ദിവസം നെന്മേനി പഞ്ചായത്തിലെ അമ്മായിപാലത്ത് ഇഫ്താര് വിരുന്ന് സംഘടിപ്പിച്ച 20 പേര്ക്കെതിരെയാണ് പോലീസ് കേസെടുത്തത്.
ആറ് പേര്ക്ക് കോവിഡ് സ്ഥിരീകരിച്ചതിന് പിന്നാലെ ജില്ലയില് കര്ശന നിയന്ത്രണങ്ങള് ഏര്പ്പെടുത്തിയിരുന്നു. ഇതിനിടെയാണ് ഇരുപതോളം പേര് കൂട്ടം ചേര്ന്ന് ഇഫ്താര് വിരുന്ന് സംഘടിപ്പിച്ചത്. പകര്ച്ചവ്യാധി നിയമം അടക്കം ചുമത്തിയാണ് ഇവര്ക്കെതിരെ കേസെടുത്തതെന്ന് പോലീസ് അറിയിച്ചു.
നിലവില് ചികിത്സയിലുള്ള കോവിഡ് രോഗികള്ക്ക് സമ്പര്ക്കത്തിലൂടെയാണ് രോഗം പടര്ന്നതെന്നതിനാല് അതീവ ജാഗ്രത പുലര്ത്തണമെന്നാണ് അധികൃതരുടെ നിര്ദേശം. വയോധികര്, ഗര്ഭിണികള്, കുട്ടികള് തുടങ്ങിയവര് അനാവശ്യമായി പുറത്തിറങ്ങരുതെന്നും നിര്ദേശമുണ്ട്. കുട്ടികളുടെ കൂട്ടം ചേര്ന്നുള്ള കളികളും ഒഴിവാക്കണമെന്നും അധികൃതര് അഭ്യര്ഥിച്ചു. കുട്ടികള് കൂട്ടം ചേര്ന്ന് കളിക്കുന്നത് ശ്രദ്ധയില്പ്പെട്ടാല് രക്ഷിതാക്കള്ക്കെതിരെ കേസെടുക്കുമെന്നും അധികൃതര് അറിയിച്ചു.
Content Highlights: lockdown violation and ifthar party in hotspot; police booked case in wayanad
Share this Article
RELATED STORIES
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..