കോഴിക്കോട്: കൂടത്തായി കൂട്ടക്കൊലക്കേസില്‍ നാലുപേരുടെ മൃതദേഹാവശിഷ്ടങ്ങള്‍ വിശദമായ ഫൊറന്‍സിക് പരിശോധനയ്ക്കയക്കണമെന്ന് പ്രോസിക്യൂഷന്‍. പൊന്നാമറ്റത്തില്‍ ടോം തോമസ്, അന്നമ്മ, ആല്‍ഫൈന്‍, മഞ്ചാടിയില്‍ മാത്യു എന്നിവരുടെ മൃതദേഹാവശിഷ്ടങ്ങളാണ് കൂടുതല്‍ പരിശോധനയ്ക്കായി ഹൈദരാബാദിലെ കേന്ദ്ര ഫൊറന്‍സിക് ലാബിലേക്കയക്കണമെന്ന് പ്രോസിക്യൂഷന്‍ പ്രിന്‍സിപ്പല്‍ ജില്ലാ സെഷന്‍സ് കോടതിയില്‍ അപേക്ഷനല്‍കിയത്. പ്രതിഭാഗം എതിര്‍ത്തതിനാല്‍ കൂടുതല്‍ വാദംകേള്‍ക്കാന്‍ കേസ് 25-ലേക്കുമാറ്റി.
മുഖ്യപ്രതി ജോളിയുടെ ആദ്യഭര്‍ത്താവ് റോയ് തോമസ്, രണ്ടാം ഭര്‍ത്താവിന്റെ ആദ്യഭാര്യ സിലി എന്നിവരുടെ മരണം സയനൈഡ് അകത്തുചെന്നാണെന്ന് പോലീസ് കണ്ടെത്തിയിരുന്നു. റോയിയുടെ ശരീരത്തില്‍ സയനൈഡിന്റെ അംശമുണ്ടെന്ന് പോസ്റ്റ്മോര്‍ട്ടം റിപ്പോര്‍ട്ടില്‍ പറയുന്നുണ്ട്. കൊലപാതകപരമ്പരയുടെ വിവരങ്ങള്‍ പുറത്തുവന്നശേഷം മൃതദേഹം പുറത്തെടുത്ത് രാസപരിശോധന നടത്തിയതിലാണ് സിലിയുടെ മരണകാരണവും സയനൈഡ് ഉള്ളില്‍ച്ചെന്നാണെന്നു കണ്ടെത്തിയത്. എന്നാല്‍, മറ്റുനാലുപേരുടെയും മൃതദേഹത്തില്‍ സയനൈഡിന്റെ അംശം കണ്ടെത്താനായില്ല.
കോഴിക്കോട്ടുള്ളതിനേക്കാള്‍ ആധുനിക സൗകര്യങ്ങള്‍ ഹൈദരാബാദിലെ ലാബിലുണ്ടെന്നും കൂടുതല്‍ വിശ്വാസയോഗ്യമായ ഫലംകിട്ടാന്‍ അവിടത്തെ പരിശോധന സഹായിക്കുമെന്നും പ്രോസിക്യൂഷനുവേണ്ടി ഹാജരായ സ്‌പെഷ്യല്‍ പ്രോസിക്യൂട്ടര്‍ എന്‍.കെ. ഉണ്ണിക്കൃഷ്ണന്‍ വാദിച്ചു.
Also Watch
RELATED STORIES
IN CASE YOU MISSED IT
Premium
.jpg?$p=41d01bf&q=0.8&f=16x11&w=104)
.jpg?$p=69d463a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..