പാക് നിര്‍മിത വെടിയുണ്ടകള്‍: മിലിട്ടറി ഇന്റലിജന്‍സ് അന്വേഷണം തുടങ്ങി, എന്‍ഐഎ സംഘവും സ്ഥലത്ത്


കൊല്ലം കുളത്തൂപ്പുഴയിൽ ഉപേക്ഷിച്ചനിലയിൽ കണ്ടെത്തിയ വെടിയുണ്ടകൾ

കൊല്ലം/തിരുവനന്തപുരം: കൊല്ലം കുളത്തൂപ്പുഴയില്‍ പാക് നിര്‍മിതമെന്ന് കരുതുന്ന വെടിയുണ്ടകള്‍ കണ്ടെത്തിയ സംഭവത്തില്‍ മിലിട്ടറി ഇന്റലിജന്‍സ് അന്വേഷണം തുടങ്ങി. മിലിട്ടറി ഇന്റലിജന്‍സ് ഉദ്യോഗസ്ഥര്‍ പോലീസിനൊപ്പം കുളത്തൂപ്പുഴയില്‍ വെടിയുണ്ടകള്‍ കണ്ടെത്തിയ സ്ഥലത്ത് പരിശോധന നടത്തി.

അതിനിടെ, എന്‍.ഐ.എ. സംഘവും പ്രാഥമിക പരിശോധനകള്‍ക്കായി കുളത്തൂപ്പുഴയിലെത്തി. പ്രാഥമികമായ പരിശോധനകള്‍ക്ക് ശേഷം മാത്രമേ കേസ് ഏറ്റെടുക്കണമോ എന്നകാര്യത്തില്‍ എന്‍.ഐ.എ. തീരുമാനമെടുക്കുകയുള്ളൂ.

വെടിയുണ്ടകള്‍ കണ്ടെത്തിയ സംഭവത്തില്‍ എന്‍.ഐ.എയെ വിവരമറിയിച്ചതായി ഡിജിപി ലോക്‌നാഥ് ബെഹ്‌റ നേരത്തെ പറഞ്ഞിരുന്നു. സംഭവത്തില്‍ വിവിധ സംസ്ഥാനങ്ങളിലെ ഡിജിപിമാരുമായി ആശയവിനിമയം നടത്തിയെന്നും തീവ്രവാദ വിരുദ്ധ സ്‌ക്വാഡ് (എ.ടി.എസ്.) ഡിഐജിയാണ് കേസ് അന്വേഷിക്കുന്നതെന്നും അദ്ദേഹം മാധ്യമങ്ങളോട് പറഞ്ഞു.

തീവ്രവാദ വിരുദ്ധ സ്‌ക്വാഡ് ഡിഐജി അനൂപ് കുരുവിള ജോണിന്റെ നേതൃത്വത്തിലാണ് കേസ് അന്വേഷണം ആരംഭിച്ചത്.

അതിനിടെ, തിരുവനന്തപുരം റേഞ്ച് ഡിഐജി സഞ്ജയ് കുമാര്‍ ഗുരുഡിന്‍ കുളത്തൂപ്പുഴയില്‍ എത്തി വെടിയുണ്ടകള്‍ പരിശോധിച്ചു. വെടിയുണ്ടകള്‍ കണ്ടെത്തിയ മുപ്പതടി പാലത്തിന് സമീപവും അദ്ദേഹം പരിശോധന നടത്തി.

കഴിഞ്ഞദിവസം വൈകീട്ടാണ് കൊല്ലം കുളത്തൂപ്പുഴ മുപ്പതടി പാലത്തിന് സമീപം 14 വെടിയുണ്ടകള്‍ ഉപേക്ഷിച്ചനിലയില്‍ കണ്ടെത്തിയത്. ഈ വെടിയുണ്ടകളില്‍ പി.ഒ.എഫ്. എന്ന് രേഖപ്പെടുത്തിയതാണ് പാക് നിര്‍മിതമാണെന്ന സംശയം ഉയരാന്‍ കാരണം. പാകിസ്താന്‍ ഓര്‍ഡനന്‍സ് ഫാക്ടറിയുടെ ചുരുക്കപ്പേരാണ് ഇതെന്നാണ് സംശയം. വെടിയുണ്ടകള്‍ പോലീസ് സേന ഉപയോഗിക്കുന്നതല്ലെന്ന് നേരത്തെ തന്നെ സ്ഥിരീകരിച്ചിരുന്നു.

Content Highlights: kollam kulathupuzha bullets case; dgp informed to nia and state ats will inquire the case

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
penis plant

1 min

ലിംഗത്തിന്റെ രൂപമുള്ള ചെടി നശിപ്പിച്ച് ടൂറിസ്റ്റുകള്‍; പ്രതിഷേധിച്ച് കംബോഡിയന്‍ സര്‍ക്കാര്‍

May 21, 2022


SDPI

1 min

പോപ്പുലര്‍ ഫ്രണ്ട്‌ മാര്‍ച്ചില്‍ കുട്ടിയുടെ പ്രകോപനപരമായ മുദ്രാവാക്യം; പോലീസ് അന്വേഷണം തുടങ്ങി

May 23, 2022


vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022

More from this section




Most Commented