തിരുവനന്തപുരത്തെ ഡോക്ടര്‍ ഓണ്‍ലൈന്‍ തട്ടിപ്പിനിരയായി; നിമിഷങ്ങള്‍ക്കകം പണം വീണ്ടെടുത്ത് സൈബര്‍ സെല്‍


പ്രതീകാത്മക ചിത്രം | മാതൃഭൂമി

തിരുവനന്തപുരം: നഗരത്തിൽ ഓൺലൈൻ തട്ടിപ്പിലൂടെ കാർഡുടമയ്ക്ക് നഷ്ടപ്പെട്ട 51,889 രൂപ സൈബർസെല്ലിന്റെ ഇടപെടലിലൂടെ വീണ്ടെടുത്തതായി സിറ്റി പോലീസ് കമ്മിഷണർ ബൽറാംകുമാർ ഉപാദ്ധ്യായ അറിയിച്ചു.

ഇതുൾപ്പെടെ കഴിഞ്ഞ രണ്ടുമാസത്തിനിടെ വിവിധ ഓൺലൈൻ തട്ടിപ്പുകളിലൂടെ നഷ്ടപ്പെട്ട 2,93,231 രൂപയാണ് സിറ്റി സൈബർസെൽ തിരിച്ചുപിടിച്ച് ഉടമകൾക്ക് നൽകിയത്.

മണക്കാട് സ്വദേശിയായ തിരുവനന്തപുരം മെഡിക്കൽകോളേജിലെ ഡോക്ടറാണ് തട്ടിപ്പിനിരയായത്. തട്ടിപ്പുസംഘം എസ്.ബി.ഐ. ക്രെഡിറ്റ് കാർഡിൽനിന്നാണെന്ന് പറഞ്ഞാണ് ഡോക്ടറെ ഫോണിൽ ബന്ധപ്പെട്ടത്.

ക്രെഡിറ്റ് കാർഡ് അപ്ഡേറ്റ് ചെയ്ത് പ്ലാറ്റിനം കാർഡാക്കി കൊടുക്കാമെന്നും അതിനായി കാർഡ് നമ്പർ നൽകണമെന്നും ആവശ്യപ്പെട്ടു. നമ്പർ നൽകി അല്പസമയത്തിനു ശേഷം, അദ്ദേഹത്തിന്റെ ഫോണിൽ വന്ന ഒ.ടി.പി. നമ്പറും തന്ത്രപൂർവം കൈക്കലാക്കിയ സംഘം അക്കൗണ്ടിൽ നിന്നും 51889 രൂപ തട്ടിയെടുക്കുകയായിരുന്നു.

പണം നഷ്ടപ്പെട്ടയുടനെ തന്നെ ഡോക്ടർ സിറ്റി സൈബർ സെല്ലിൽ ബന്ധപ്പെട്ട് വിവരം അറിയിച്ചു.

ഉടൻതന്നെ സൈബർ സെൽ ഇടപെട്ട്, വാണിജ്യ സൈറ്റിലേക്ക് മാറ്റപ്പെട്ട തുക വീണ്ടെടുത്തു നൽകി.

ഒ.എൽ.എക്സ്. വഴി ആർമി, ബി.എസ്.എഫ്., സി.ആർ.പി.എഫ്., സി.ഐ.എസ്.എഫ്. എന്നിവയിലെ ഓഫീസർമാർ സ്ഥലം മാറിപ്പോകുന്നവെന്ന വ്യാജേന സാധനങ്ങൾ വിൽക്കുന്നതുമായി ബന്ധപ്പെട്ടും തട്ടിപ്പുകൾ നടക്കുന്നുണ്ട്. പകുതിവിലയിൽ പഴയ സാധനങ്ങൾ ഓഫർ ചെയ്ത് അഡ്വാൻസായി പണം വാങ്ങി തട്ടിപ്പുകാർ മുങ്ങുകയും ചെയ്യും. യാതൊരു കാരണവശാലും ഒ.എൽ.എക്സ്. പോലുളള ഓൺലൈൻ വ്യാപാര സൈറ്റുകളിൽ സാധനം വാങ്ങാൻ മുൻകൂർ പണം നൽകരുതെന്നും പോലീസ് അറിയിച്ചു.

Content Highlights:kerala police cyber cell recovered money from online fraud


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
chintha jerome

1 min

ഒന്നേമുക്കാൽ വർഷം റിസോർട്ടിൽ താമസം, 38 ലക്ഷം രൂപ വാടക; ചിന്തയ്ക്കെതിരേ പരാതിയുമായി യൂത്ത് കോൺഗ്രസ്

Feb 7, 2023


Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023


Transcouples

06:33

സിയക്ക് വേണ്ടി സഹദ് ഗർഭം ധരിച്ചു; കുഞ്ഞിനെ വരവേൽക്കാൻ ഒരുങ്ങി ട്രാൻസ് ദമ്പതികൾ

Feb 4, 2023

Most Commented