കാസര്‍കോട്ട് യുവതിയെ തട്ടിക്കൊണ്ടുപോയെന്ന് പരാതി, അന്വേഷിച്ചപ്പോള്‍ യുവാവ്; ട്വിസ്‌റ്റോട് ട്വിസ്റ്റ്


1 min read
Read later
Print
Share

കാസര്‍കോട്: ഇതരസംസ്ഥാനക്കാരിയായ യുവതിയെ കാസര്‍കോട് പുതിയ ബസ്സ്റ്റാന്‍ഡ് പരിസരത്തുവെച്ച് ഒരുസംഘം തട്ടിക്കൊണ്ടുപോയെന്ന പരാതിയില്‍ പോലീസ് നടത്തിയ അന്വേഷണത്തില്‍ വഴിത്തിരിവ്. യുവതിയെ അല്ല, ഇവര്‍ക്കൊപ്പമുണ്ടായിരുന്ന കാഞ്ഞങ്ങാട് സ്വദേശിയായ യുവാവിനെയാണ് സംഘം തട്ടിക്കൊണ്ടുപോയതെന്ന് പോലീസ് അന്വേഷണത്തില്‍ വ്യക്തമായി. ഇദ്ദേഹത്തെ ബെംഗളൂരുവില്‍വെച്ച് പോലീസ് കണ്ടെത്തി. ഇയാള്‍ ഒട്ടേറെ സാമ്പത്തികതട്ടിപ്പ് കേസുകളില്‍ ഉള്‍പ്പെട്ടയാളാണെന്ന് ബെംഗളൂരു പോലീസ് അറിയിച്ചതായും കാസര്‍കോട് പോലീസ് പറഞ്ഞു.

ചൊവ്വാഴ്ചയാണ് സംഭവം. കാഞ്ഞങ്ങാട് സ്വദേശികളായ അബ്ദുള്‍ ലത്തീഫ്, ഷൗക്കത്തലി എന്നിവര്‍ ഇതര സംസ്ഥാനക്കാരിയായ സുഹൃത്തിനൊപ്പം കാസര്‍കോട് പുതിയ ബസ്സ്റ്റാന്‍ഡിന് സമീപത്തെ ലോഡ്ജിന് സമീപം നില്‍ക്കവേ കാറിലെത്തിയ ഒരുസംഘം യുവതിയെ തട്ടിക്കൊണ്ടുപോയെന്നാണ് കാസര്‍കോട് ടൗണ്‍ പോലീസിന് ലഭിച്ച പരാതി.

അബ്ദുള്‍ ലത്തീഫാണ് പരാതി നല്‍കിയത്. തുടര്‍ന്ന് അന്വേഷണത്തിന്റെ ഭാഗമായി പോലീസ് സമീപത്തെ സി.സി.ടി.വി. ദൃശ്യം പരിശോധിച്ചപ്പോള്‍ യുവതി സാധരണനിലയില്‍ നടന്ന് കാറിലേക്ക് കയറുന്നതായും യുവാവിനെ ബലം പ്രയോഗിച്ച് പിടിച്ചുകയറ്റുന്നതും വ്യക്തമായി. തുടര്‍ന്ന് സൈബര്‍ സെല്ലിന്റെ സഹായത്തോടെ നടത്തിയ അന്വേഷണത്തിലാണ് യുവാവിനെ ബെംഗളൂരുവില്‍വെച്ച് പോലീസ് കണ്ടെത്തിയത്. ഇദ്ദേഹം ബെംഗളൂരു കേന്ദ്രീകരിച്ച് ഓണ്‍ലൈന്‍ മാര്‍ക്കറ്റിങ്, മണിചെയിന്‍ ഉള്‍പ്പടെയുള്ള സാമ്പത്തിക തട്ടിപ്പുകള്‍ നടത്തി നിരവധിപേരെ വഞ്ചിച്ചിട്ടുണ്ടെന്നാണ് ബെംഗളൂരു പോലീസ് നല്‍കുന്ന വിവരം.

വഞ്ചിക്കപ്പെട്ടവര്‍ സംഘം ചേര്‍ന്ന് ഇദ്ദേഹത്തെ തട്ടിക്കൊണ്ടുപോകാന്‍ പദ്ധതിയിട്ടതാവാമെന്നാണ് പോലീസിന്റെ സംശയം. ഇതിന് ഈ സ്ത്രീയെ ഉപയോഗിച്ചതാണോ എന്നും സംശയമുണ്ട്.

ഇദ്ദേഹം കാസര്‍കോട് പോലീസിന്റെ കസ്റ്റഡിയിലാണുള്ളത്. ബെംഗളൂരു പോലീസിന്റെ റിപ്പോര്‍ട്ട് ലഭിച്ചതിനുശേഷം അവിടെയുള്ള കേസുകളുടെ ഗൗരവം പരിശോധിച്ചശേഷം നടപടി സ്വീകരിക്കുമെന്ന് പോലീസ് അറിയിച്ചു.

അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ

അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Jonathan Joseph James a teenge boy who hacked nasa life story death suicide hacker
Premium

7 min

കംപ്യൂട്ടർ ജീനിയസ്, 16-ാംവയസ്സിൽ നാസയും പെന്റഗണും ഹാക്ക് ചെയ്തു; 25-ൽ ആത്മഹത്യ | Sins & Sorrow

Sep 28, 2023


Thankamani
Premium

6 min

വില്ലനായ എലൈറ്റ്;തര്‍ക്കവും പോലീസ് നരനായാട്ടും, തങ്കമണിക്കാര്‍ മറക്കാത്ത ആ രാത്രി,സിനിമയുമായി ദിലീപ്

Sep 19, 2023


tuvvur murder

3 min

അച്ഛൻ എല്ലാം അറിഞ്ഞു; കഴുത്തിൽ കയറിട്ട് ജനലിലൂടെ വലിച്ചു, അര്‍ധരാത്രി വരെ മൃതദേഹം കട്ടിലിനടിയിൽ

Aug 22, 2023


Most Commented