കുട്ടികളുടെ അശ്ലീലചിത്രങ്ങള്‍ ശേഖരിച്ച് വില്‍പന, ചൂഷണത്തിനിരയായത് ആയിരത്തിലേറെ കുട്ടികള്‍; സീരിയല്‍ നടന്‍ കുടുങ്ങി


പ്രതീകാത്മക ചിത്രം | Getty Images

ന്യൂഡൽഹി: കുട്ടികളുടെ അശ്ലീലചിത്രങ്ങൾ ശേഖരിച്ച് ഓൺലൈൻ വഴി വിൽപന നടത്തുന്ന ടി.വി-സീരിയൽ നടനെതിരേ സി.ബി.ഐ. കേസെടുത്തു. ഹരിദ്വാർ സ്വദേശിയും ടി.വി. സീരിയലുകളിലെ ജൂനിയർ ആർട്ടിസ്റ്റുമായ യുവാവിനെതിരേയാണ് പോക്സോ, ഐ.ടി. നിയമപ്രകാരം സി.ബി.ഐ. കേസ് രജിസ്റ്റർ ചെയ്തത്. ഇയാളുടെ വീട്ടിൽ നടത്തിയ റെയ്‌ഡിൽ മൊബൈൽ ഫോണും ലാപ്ടോപ്പും പിടിച്ചെടുത്തു.

ഇൻസ്റ്റഗ്രാം വഴി പരിചയപ്പെടുന്ന കുട്ടികളെ ലൈംഗിക ചൂഷണത്തിനിരയാക്കി അവരുടെ അശ്ലീലചിത്രങ്ങൾ ശേഖരിച്ചാണ് ഇയാൾ മറ്റുള്ളവർക്ക് വിൽപന നടത്തിയിരുന്നത്. കുട്ടികളുടെ അശ്ലീലചിത്രങ്ങൾക്ക് പുറമേ വീഡിയോകളും വീഡിയോകോൾ റെക്കോർഡിങ്ങുകളും രാജ്യത്തിനകത്തും പുറത്തുമുള്ളവർക്കാണ് കൈമാറിയിരുന്നത്. സാമൂഹികമാധ്യമങ്ങൾ വഴി വിൽപന നടത്തിയിരുന്ന കുട്ടികളുടെ അശ്ലീലചിത്രങ്ങൾക്ക് ഉയർന്ന തുകയും ഈടാക്കിയിരുന്നു.

ദക്ഷിണേഷ്യൻ രാജ്യങ്ങളിലെയും യു.എസ്, യൂറോപ്പ് എന്നിവിടങ്ങളിലെയും ആയിരത്തിലേറെ കുട്ടികളുമായി യുവാവിന് ബന്ധമുണ്ടായിരുന്നു. ഇവരിൽ മിക്കവരും. 10 മുതൽ 16 വയസ് വരെ പ്രായമുള്ളവരാണ്. വലിയ സിനിമ നടനാണെന്ന വ്യാജേനയാണ് ഇൻസ്റ്റഗ്രാമിലൂടെ കുട്ടികളുമായി പരിചയം സ്ഥാപിക്കുന്നത്. പിന്നീട് അടുപ്പം മുതലാക്കി അശ്ലീല ചിത്രങ്ങൾ ആവശ്യപ്പെടും. ഇതോടൊപ്പം വാട്സ് ആപ്പ് നമ്പറുകൾ വാങ്ങി അശ്ലീല വീഡിയോ കോളുകളും നടത്തും. ഈ ദൃശ്യങ്ങളാണ് പിന്നീട് സാമൂഹികമാധ്യമങ്ങളിലെ മറ്റു ഗ്രൂപ്പുകളിലൂടെ വിൽപന നടത്തുന്നത്. നിരവധിപേർ ഇയാളിൽനിന്ന് പണം കൊടുത്ത് കുട്ടികളുടെ അശ്ലീല ചിത്രങ്ങൾ വാങ്ങിയിട്ടുണ്ടെന്നാണ് സി.ബി.ഐ.യുടെ കണ്ടെത്തൽ.

കുട്ടികൾ ആരെങ്കിലും ഇയാളുമായുള്ള ആശയവിനിമയം നിർത്താൻ തീരുമാനിച്ചാൽ ഭീഷണിപ്പെടുത്തുന്നതും പതിവാണ്. നേരത്തെ സ്വന്തമാക്കിയ അശ്ലീലചിത്രങ്ങൾ കുടുംബാംഗങ്ങൾക്കും സുഹൃത്തുക്കൾക്കും അയച്ചുനൽകുമെന്നാകും ഭീഷണി. ഇതോടെ ചതിയിൽപ്പെട്ട കുട്ടികൾ വീണ്ടും ചിത്രങ്ങൾ അയച്ചുനൽകാൻ നിർബന്ധിതരാവുകയായിരുന്നു.

ഓൺലൈനിൽ കുട്ടികൾക്കെതിരേ നടക്കുന്ന ലൈംഗികാതിക്രമങ്ങൾ തടയാനും അന്വേഷിക്കാനും സി.ബി.ഐയ്ക്ക് പ്രത്യേക സംഘമുണ്ട്. നേരത്തെ ടെലഗ്രാം ആപ്പ് വഴി 250 രൂപയ്ക്ക് കുട്ടികളുടെ അശ്ലീലചിത്രങ്ങൾ വിൽപന നടത്തിയ ആളെയും സി.ബി.ഐ. പിടികൂടിയിരുന്നു.

Content Highlights:junior serial artist booked by cbi for selling child sexual content on online



Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Transcouples

06:33

സിയക്ക് വേണ്ടി സഹദ് ഗർഭം ധരിച്ചു; കുഞ്ഞിനെ വരവേൽക്കാൻ ഒരുങ്ങി ട്രാൻസ് ദമ്പതികൾ

Feb 4, 2023


chintha jerome

1 min

ഒന്നേമുക്കാൽ വർഷം റിസോർട്ടിൽ താമസം, 38 ലക്ഷം രൂപ വാടക; ചിന്തയ്ക്കെതിരേ പരാതിയുമായി യൂത്ത് കോൺഗ്രസ്

Feb 7, 2023


Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023

Most Commented