സമാന്തര ടെലിഫോണ്‍ എക്‌സ്‌ചേഞ്ച്: ബെംഗളൂരുവില്‍ രണ്ട് മലയാളികളടക്കം അഞ്ചുപേര്‍ കൂടി അറസ്റ്റില്‍


പിടിയിലായ പ്രതികൾ

ബെംഗളൂരു: സമാന്തര ടെലിഫോൺ എക്സ്ചേഞ്ച് നടത്തിവന്ന രണ്ട് മലയാളികളുൾപ്പെടെ അഞ്ചംഗ സംഘത്തെക്കൂടി ബെംഗളൂരു പോലീസിന്റെ തീവ്രവാദ വിരുദ്ധസെൽ പിടികൂടി. ഒരേസമയം 3,000 സിമ്മുകൾ ഇടാവുന്ന 109 സിം ബോക്സുകൾ ഇവരിൽനിന്ന് പിടിച്ചെടുത്തു. മിലിറ്ററി ഇന്റലിജൻസിന്റെ സഹായത്തോടെയാണ് പിടികൂടിയത്.

മലപ്പുറം സ്വദേശികളായ മുഹമ്മദ് ബഷീർ (51), അനീസ് അത്തിമണ്ണീൽ (30), തൂത്തുക്കുടി സ്വദേശികളായ ശാന്തൻ കുമാർ (29), സുരേഷ് തങ്കവേലു (32), ജയ് ഗണേഷ് (30) എന്നിവരാണ് അറസ്റ്റിലായത്. കേസിലെ മുഖ്യപ്രതി മലപ്പുറം സ്വദേശി ഇബ്രാഹിം പുല്ലാട്ടിലും തിരുപ്പൂർ സ്വദേശി ഗൗതവും കഴിഞ്ഞ ആഴ്ച പിടിയിലായിരുന്നു. ഇവരുടെ സംഘത്തിൽപ്പെട്ടവരാണ് ഇപ്പോൾ പിടിയിലായ അഞ്ചുപേരെന്ന് പോലീസ് പറഞ്ഞു. കേസിൽ ഭട്കൽ സ്വദേശിയായ നിസാറും പിടിയിലായിരുന്നു. രാജ്യസുരക്ഷയ്ക്ക് ഭീഷണിയാകുന്ന പ്രവർത്തനങ്ങളാണ് ഇവർ ചെയ്തിരുന്നതെന്ന് പോലീസ് പറഞ്ഞു.

വിദേശത്തുനിന്ന് വരുന്ന ടെലിഫോൺ കോളുകൾ ടെലികോം വകുപ്പ് അറിയാതെ ഉപഭോക്താക്കൾക്ക് എത്തിക്കുകയായിരുന്നു ഇവർ. ഇതിലൂടെ ഓരോ അന്താരാഷ്ട്ര കോളിനും സർക്കാരിന് ലഭിക്കേണ്ട നികുതിയും ടെലികോം കമ്പനികൾക്ക് ലഭിക്കേണ്ട പ്രതിഫലവും നഷ്ടമാകും. വിദേശത്തുനിന്ന് വരുന്ന കോളുകൾ ഇന്റർനെറ്റിന്റെ സഹായത്തോടെ ലോക്കൽ നമ്പരിൽനിന്ന് ലഭിക്കുന്ന തരത്തിലേക്കാണ് ഇവർ മാറ്റിയിരുന്നത്. സൈന്യത്തിന്റെ ഫോണുകളും പ്രതികൾ നിരീക്ഷിച്ചിരുന്നതായാണ് വിവരം. സംഘത്തിൽ കൂടുതൽ പേർ ഉൾപ്പെട്ടിട്ടുള്ളതായി പോലീസ് സംശയിക്കുന്നുണ്ട്.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Sreejith Ravi

1 min

കുട്ടികള്‍ക്ക് മുന്നില്‍ നഗ്നതാ പ്രദര്‍ശനം; നടന്‍ ശ്രീജിത്ത് രവി പോക്‌സോ കേസില്‍ അറസ്റ്റില്‍

Jul 7, 2022


Swapna Suresh

1 min

സ്വപ്‌ന സുരേഷിനെ എച്ച്ആര്‍ഡിഎസ് പിരിച്ചുവിട്ടു

Jul 6, 2022


Thalassery Overbury's Foley

1 min

തലശ്ശേരി പാര്‍ക്കിലെ കമിതാക്കളുടെ ഒളിക്യാമറ ദൃശ്യം പോണ്‍ സൈറ്റുകളില്‍; അപ്‌ലോഡ് ചെയ്തവരെ തേടി പോലീസ്

Jul 4, 2022

Most Commented