അറസ്റ്റിലായ ദിൻരാജ്, മരിച്ച സുനിത
മംഗളൂരു: കുടുംബവഴക്കിനിടെ ഭര്‍ത്താവിന്റെ അടിയേറ്റ് തലയ്ക്ക് സാരമായി പരിക്കേറ്റ യുവതി മരിച്ചു. മൂഡബിദ്രി ദേരേഗുഡ്ഡയിലെ സുനിത (30) ആണ് ചൊവ്വാഴ്ച അര്‍ധരാത്രിയോടെ മംഗളൂരു സര്‍ക്കാര്‍ വെന്‍ലോക് ആസ്പത്രിയില്‍ മരിച്ചത്. ഭര്‍ത്താവ് ദിന്‍രാജിനെ മൂഡബിദ്രി പോലീസ് അറസ്റ്റുചെയ്തു.
സംഭവത്തെക്കുറിച്ച് പോലീസ് പറയുന്നതിങ്ങനെ: ചൊവ്വാഴ്ച വൈകുന്നേരം വീട്ടില്‍ ആരുമില്ലാത്ത സമയം ദിന്‍രാജ് സുനിതയുമായി വഴക്കിട്ടു. വഴക്കിനിടെ ഇയാള്‍ തടിക്കഷണമുപയോഗിച്ച് സുനിതയുടെ തലയ്ക്കടിച്ചു. സാരമായി മുറിവേറ്റ സുനിത രക്തംവാര്‍ന്ന് ഏറെനേരം കിടന്നു. സംഭവം ദിനരാജ് സുനിതയുടെ ബന്ധുക്കളെ ഫോണില്‍ വിളിച്ചറിയിച്ചതോടെ ഉടനെ ആസ്പത്രിയിലെത്തിക്കാന്‍ അവര്‍ പറഞ്ഞു.
സുനിതയുമായി ദിന്‍രാജ് തൊട്ടടുത്ത സ്വകാര്യ ആസ്പത്രിയിലെത്തിയെങ്കിലും സാങ്കേതികപ്രശ്നങ്ങള്‍ പറഞ്ഞ് അവിടെ പ്രവേശിപ്പിച്ചില്ല.
തുടര്‍ന്നാണ് കിലോമീറ്ററുകള്‍ അപ്പുറമുള്ള മംഗളൂരു നഗരത്തിലെ വെന്‍ലോക്ക് ആസ്പത്രിയിലെത്തിയത്. ഏറെനേരം രക്തംവാര്‍ന്ന് അവശനിലയിലായ സുനിത ചികിത്സയ്ക്കിടെ അര്‍ധരാത്രിയോടെ മരിച്ചു. ബുധനാഴ്ച രാവിലെയാണ് ദിന്‍രാജിനെ പോലീസ് അറസ്റ്റുചെയ്തത്.
RELATED STORIES
IN CASE YOU MISSED IT
.jpg?$p=246738b&f=1x1&w=100&q=0.8)
.jpg?$p=6a12f4a&f=1x1&w=100&q=0.8)
.jpg?$p=86eb8fa&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..