കൊച്ചിയിലും തിരുവനന്തപുരത്തും ഗുണ്ടാ വിളയാട്ടം; തട്ടിക്കൊണ്ടുപോയി നഗ്നനാക്കി മര്‍ദിച്ചു


ആക്രമണങ്ങളിൽ പരിക്കേറ്റ ആന്റണി ജോണും അനസും

കൊച്ചി: തിരുവനന്തപുരത്തും കൊച്ചിയിലും ഗുണ്ടകളുടെ വിളയാട്ടം. തിരുവനന്തപുരം കണിയാപുരത്ത് യുവാവിന് മദ്യപ സംഘത്തിന്റെ ക്രൂരമര്‍ദനമേറ്റു. കൊച്ചിയില്‍ യുവാവിനെ തട്ടിക്കൊണ്ടുപോയി നഗ്നനാക്കി മര്‍ദിച്ചു. സംഭവങ്ങളുടെ ദൃശ്യങ്ങള്‍ പുറത്തുവന്നു.

ഗുണ്ടാ സംഘങ്ങള്‍ തമ്മിലുള്ള കുടിപ്പകയാണ് കൊച്ചിയില്‍ അക്രമത്തിലേക്ക് നയിച്ചത്. ഗുരുതരമായി പരിക്കേറ്റ ആന്റണി ജോണ്‍ എന്നയാളെ ആശുപത്രിയില്‍ പ്രവേശിപ്പിച്ചു. പതിനൊന്നാം തിയതിയാണ് സംഭവമുണ്ടായതെന്നാണ് പോലീസ് പറയുന്നത്.

കടവന്ത്രയിലെ ഒരു മരണ വീട്ടില്‍ നില്‍ക്കുകയായിരുന്നു മര്‍ദനമേറ്റ ആന്റണി ജോണ്‍. ഫെയ്‌സ്ബുക്ക് പോസ്റ്റുമായി ബന്ധപ്പെട്ട തര്‍ക്കത്തെ തുടര്‍ന്ന് ആന്റണി ജോണിനെ കാറിലേക്ക് വലിച്ചിഴച്ച് കൊണ്ടുപോകുകയായിരുന്നു. തുടര്‍ന്ന് ആലുവയിലും അങ്കമാലിയിലും എത്തിച്ച് ക്രൂരമായി മര്‍ദിച്ചു. ഇതിനിടയില്‍ വസ്ത്രങ്ങള്‍ ഊരിയെടുക്കുകയും കണ്ണിലും ജനനേന്ദ്രിയത്തിലും മുളകുപൊടി സ്‌പ്രേ ചെയ്‌തെന്നുമാണ് പരാതിയില്‍ പറയുന്നത്.

ഗുണ്ടാസംഘം തമ്മിലുള്ള കുടിപ്പകയാണ് ആക്രമണത്തിന് പിന്നിലെന്നാണ് പോലീസ് വിശദീകരിക്കുന്നത്. എന്നാല്‍ ഫെയ്‌സ്ബുക്ക് പോസ്റ്റിട്ടത് സംബന്ധിച്ചുള്ള വാക്കുതര്‍ക്കത്തെ തുടര്‍ന്നാണ് തന്നെ മര്‍ദിച്ചതെന്നാണ് ആന്റണി ജോണ്‍ പറയുന്നത്. ഫൈസല്‍ എന്നയാളുടെ നേതൃത്വത്തിലാണ് ആക്രമണം നടന്നതെന്നും ആന്റണി പറയുന്നു.

തിരുവനന്തപുരത്ത് കണിയാപുരത്ത് ബൈക്ക് തടഞ്ഞുനിര്‍ത്തിയാണ് യുവാവിനെ മര്‍ദ്ദിച്ചത്. കഴിഞ്ഞദിവസം മസ്താന്‍മുക്കില്‍ വെച്ച് അനസ് എന്ന യുവാവിനാണ് മര്‍ദനമേറ്റത്. സുഹൃത്തിനൊപ്പം രാത്രിയില്‍ ബൈക്കിവരികയായിരുന്ന അനസിന്റെ ബൈക്ക് മദ്യപ സംഘം തടഞ്ഞു. താക്കോല്‍ ഊരിമാറ്റാന്‍ ശ്രമിച്ചത് ചോദ്യം ചെയ്തതോടെയാണ് ക്രൂരമായി മര്‍ദിച്ചത്. സംഭവത്തിന്റെ സിസിടിവി ദൃശ്യങ്ങള്‍ പുറത്തുവന്നു. നിരവധി ഗുണ്ടാ ആക്രമണങ്ങളില്‍ പ്രതിയായ ഫൈസല്‍ എന്നയാളും കൂട്ടാളികളും ചേര്‍ന്നാണ് അനസിനെ മര്‍ദിച്ചത്.

സംഭവത്തിന്റെ ദൃശ്യങ്ങള്‍ പുറത്തുവന്നിട്ടും അനസ് ബൈക്കില്‍ നിന്ന് വീണ് പരിക്കേറ്റതാണെന്നാണ് പോലീസ് പറയുന്നത്. ഇതുവരെ അക്രമികള്‍ക്കെതിരെ കേസെടുക്കുകയും ചെയ്തിട്ടില്ല.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Thalassery Overbury's Foley

1 min

തലശ്ശേരി പാര്‍ക്കിലെ കമിതാക്കളുടെ ഒളിക്യാമറ ദൃശ്യം പോണ്‍ സൈറ്റുകളില്‍; അപ്‌ലോഡ് ചെയ്തവരെ തേടി പോലീസ്

Jul 4, 2022


nedumbassery airport

1 min

ബാഗില്‍ എന്താണെന്ന വിമാന ജീവനക്കാരിയുടെ ചോദ്യം ഇഷ്ടപ്പെട്ടില്ല, ബോംബെന്ന് മറുപടി; അറസ്റ്റിലായി

Jul 3, 2022


pinarayi vijayan

3 min

ജീവിതത്തില്‍ ശുദ്ധി പുലര്‍ത്തിയാല്‍ തലകുനിക്കേണ്ടി വരില്ല, ഒരു ഉള്‍ക്കിടിലവുമില്ല- മുഖ്യമന്ത്രി 

Jul 4, 2022

Most Commented