Photo: ANI
ബെംഗളൂരു: ദക്ഷിണാഫ്രിക്കയില്‍ പിടിയിലായ അധോലോക കുറ്റവാളി രവി പൂജാരിയെ ഇന്ത്യയിലെത്തിച്ചു. എയര്‍ഫ്രാന്‍സ് വിമാനത്തില്‍ പാരീസ് വഴിയാണ് തിങ്കളാഴ്ച രാവിലെയോടെ രവി പൂജാരിയെ ബെംഗളൂരുവില്‍ എത്തിച്ചത്. ഇയാളെ തിങ്കളാഴ്ച തന്നെ ബെംഗളൂരുവിലെ കോടതിയില്‍ ഹാജരാക്കുമെന്ന് കര്‍ണാടക ഡിജിപി അറിയിച്ചു.
സെനഗലില്‍നിന്ന് ജാമ്യം നേടി മുങ്ങിയ രവി പൂജാരിയെ കഴിഞ്ഞദിവസം ദക്ഷിണാഫ്രിക്കയില്‍നിന്നാണ് പിടികൂടിയത്. പിന്നീട് പൂജാരിയെ സെനഗലില്‍ എത്തിച്ചു. ഇവിടെനിന്നാണ് ഇന്ത്യന്‍ അന്വേഷണ ഉദ്യോഗസ്ഥര്‍ക്ക് പ്രതിയെ കൈമാറിയത്. കര്‍ണാടകയില്‍നിന്നുള്ള ഉന്നത പോലീസ് ഉദ്യോഗസ്ഥരാണ് പൂജാരിയെ ഇന്ത്യയിലെത്തിച്ചത്.
കൊലപാതകം ഉള്‍പ്പെടെ ഇരുന്നൂറോളം കേസുകളില്‍ പ്രതിയായ രവി പൂജാരി അന്തോണി ഫെര്‍ണാണ്ടസ് എന്ന പേരിലാണ് ആഫ്രിക്കയില്‍ കഴിഞ്ഞിരുന്നത്. ബുര്‍ക്കിനോഫാസോ പാസ്‌പോര്‍ട്ടും ഇയാള്‍ സ്വന്തമാക്കിയിരുന്നു. ഛോട്ടാരാജന്റെ അടുത്തയാളായ രവി പൂജാരിയുടെ പേരില്‍ കര്‍ണാടകയില്‍ മാത്രം 90-ലേറെ കേസുകളാണ് രജിസ്റ്റര്‍ ചെയ്തിരിക്കുന്നത്. അടുത്തിടെ കൊച്ചിയില്‍ രജിസ്റ്റര്‍ ചെയ്ത ബ്യൂട്ടിപാര്‍ലര്‍ വെടിവെപ്പ് കേസിലും രവി പൂജാരി പ്രതിയാണ്.
Content Highlights: gangster ravi pujari brought to india
RELATED STORIES
IN CASE YOU MISSED IT
.jpg?$p=71e446e&f=1x1&w=100&q=0.8)
.jpg?$p=f67c2a2&f=1x1&w=100&q=0.8)
.jpg?$p=8a7b7b1&q=0.8&f=16x11&w=104)
.jpg?$p=b103e4b&q=0.8&f=16x11&w=104)
.jpg?$p=f67c2a2&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..