പത്തു കോടിയുടെ തട്ടിപ്പ്: മലയാളി യുവാവ് കോയമ്പത്തൂരില്‍ അറസ്റ്റില്‍


ഷെറിൻ

കോയമ്പത്തൂർ: പണമിരട്ടിപ്പ് വാഗ്ദാനംചെയ്ത് നിരവധി ആളുകളെ ചൂഷണംചെയ്ത കേസിൽ മലയാളി യുവാവിനെ അറസ്റ്റുചെയ്തു. തൃശ്ശൂർ താരാമംഗലം സ്വദേശി ഷെറിൻ ഷണ്മുഖമാണ് (38) കോയമ്പത്തൂർ സാമ്പത്തിക കുറ്റാന്വേഷണ വിഭാഗം പോലീസിന്റെ പിടിയിലായത്.

കോയമ്പത്തൂർ ശരവണംപട്ടി പ്രോസോൺ മാളിൽ 'വിൻ വെൽത്ത് ഇന്റർനാഷണൽ' എന്നപേരിൽ ഓൺലൈൻ ട്രേഡിങ് സെന്റർ നടത്തിപ്പുകാരനായിരുന്നു ഷെറിൻ. 20,000 രൂപ നിക്ഷേപിച്ചാൽ മാസം 1,600 രൂപയും 25 ആഴ്ച കഴിഞ്ഞാൽ 40,000 രൂപയും തിരിച്ചുനൽകുമെന്നാണ് വാഗ്ദാനം നൽകി വഞ്ചിച്ചതെന്ന് പോലീസ് അറിയിച്ചു.

ഒന്നര ലക്ഷം രൂപ നൽകിയതിന് 11,000 രൂപയാണ് തിരിച്ചുനൽകിയതെന്ന ഗാന്ധിപുരം സ്വദേശി എം.എം. സേവ്യറിന്റെ പരാതിയിലാണ് കേസന്വേഷണം ആരംഭിച്ചത്.

ഷെറിനെതിരേ പരാതി ലഭിച്ചശേഷം നിരവധിപേരാണ് പരാതിയുമായി പോലീസിനെ സമീപിച്ചത്. കേരളത്തിൽ നിന്നടക്കം ആയിരത്തോളം പേരിൽനിന്നായി പത്തുകോടിയോളം രൂപ തട്ടിയെടുത്ത് മുങ്ങിയതായാണ് പോലീസ് പറയുന്നത്. മുമ്പ്, മുംബൈയിൽ ആഭരണക്കച്ചവടമായിരുന്നു.

പിന്നീട് 2018-19 സമയങ്ങളിലാണ് സ്വന്തം നിലയ്ക്ക് ബിസിനസ് ആരംഭിച്ചത്. ഓൺലൈൻ ട്രേഡിങ് ആരംഭിച്ചപ്പോൾ പലർക്കും കൃത്യമായി പണം നൽകിയതിനെത്തുടർന്ന് വൻതോതിൽ നിക്ഷേപം ലഭിച്ചതോടെയാണ് ഷെറിൻ മുങ്ങിയത്.

ഈസമയം, തൃശ്ശൂരിൽ ഇയാളുടെ പേരിൽ മാളുകളും കാറും വാങ്ങിയിട്ടുണ്ടെന്ന് പോലീസ് അറിയിച്ചു. വിവിധ സംസ്ഥാനങ്ങളിലായി ഒളിവിൽ കഴിഞ്ഞ ഇയാളെ വാളയാറിൽവെച്ചാണ് പോലീസ് പിടികൂടിയത്.

ഷെറിന്റെ ഭാര്യ രമ്യ, ഓഫീസിലെ സഹായികളായ സൈനേഷ്, റോയ്, ബിജുമേനോൻ എന്നിവർക്കുനേരെയും വിവിധ വകുപ്പുകളിലായി പോലീസ് കേസെടുത്തു.

Content Highlights:fraud case malayali youth arrested in coimbatore


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
chintha jerome

1 min

ഒന്നേമുക്കാൽ വർഷം റിസോർട്ടിൽ താമസം, 38 ലക്ഷം രൂപ വാടക; ചിന്തയ്ക്കെതിരേ പരാതിയുമായി യൂത്ത് കോൺഗ്രസ്

Feb 7, 2023


Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023


Transcouples

06:33

സിയക്ക് വേണ്ടി സഹദ് ഗർഭം ധരിച്ചു; കുഞ്ഞിനെ വരവേൽക്കാൻ ഒരുങ്ങി ട്രാൻസ് ദമ്പതികൾ

Feb 4, 2023

Most Commented