ക്ഷേത്രദര്‍ശനത്തിനിടെ തിക്കുംതിരക്കുമുണ്ടാക്കി മാല മോഷണം; നാല് സ്ത്രീകള്‍ അറസ്റ്റില്‍


അറസ്റ്റിലായ സ്ത്രീകൾ

അമ്പലപ്പുഴ: ക്ഷേത്രത്തില്‍ പൊങ്കാലയര്‍പ്പിക്കാനെത്തിയവരുടെ മാലമോഷ്ടിച്ച നാടോടിസ്ത്രീകളെ പോലീസ് അറസ്റ്റുചെയ്തു. പുറക്കാട് പുന്തല ഭഗവതിക്ഷേത്രത്തിന്റെ നാലമ്പലത്തിനുള്ളില്‍ വെള്ളിയാഴ്ച രാവിലെ ഒന്‍പതോടെയായിരുന്നു മോഷണം.

മാലനഷ്ടപ്പെട്ടവര്‍ ഒച്ചവെച്ചതോടെ മറ്റുഭക്തര്‍ ചേര്‍ന്ന് ഇവരെ തടഞ്ഞുവെച്ച് പോലീസിനു കൈമാറി. തമിഴ്നാട് മധുരജില്ലയില്‍ തിരുമംഗലം മാവട്ടം ദേശത്ത് സാദന(24), കുട്ടമ്മ(30), പ്രിയ(40), മധു(37) എന്നിവരാണ് അറസ്റ്റിലായത്. പുറക്കാട് ഗ്രാമപ്പഞ്ചായത്ത് പതിനഞ്ചാം വാര്‍ഡില്‍ കൈപ്പള്ളില്‍വീട്ടില്‍ ശോഭനയുടെ മൂന്നേകാല്‍പവന്റെയും പുന്തല പുത്തന്‍നട പുത്തന്‍പറമ്പുവീട്ടില്‍ അനീഷിന്റെ മകന്‍ ആയുഷിന്റെ ഒരുപവന്റെയും സ്വര്‍ണമാലകളാണു പ്രതികള്‍ പൊട്ടിച്ചത്. പൊങ്കാലയര്‍പ്പിക്കാനെത്തിയ ഇവര്‍ നാലമ്പലത്തില്‍ ദര്‍ശനംനടത്തുമ്പോഴാണു സംഭവം.

നാടോടിസ്ത്രീകള്‍ നാലമ്പലത്തിനുള്ളില്‍ക്കയറി തിക്കുംതിരക്കുമുണ്ടാക്കി മാലപൊട്ടിച്ചെടുക്കുകയായിരുന്നു. മാലനഷ്ടപ്പെട്ടവര്‍ അപ്പോള്‍ത്തന്നെ ബഹളംവെച്ചതോടെയാണു ഇവര്‍ കുടുങ്ങിയത്.

രണ്ടുവയസ്സുള്ള ആയുഷ്, അമ്മ സീനയ്‌ക്കൊപ്പമായിരുന്നു ദര്‍ശനം നടത്തിയത്. കേരളത്തിലെ വിവിധ പോലീസ് സ്റ്റേഷനുകളില്‍ സമാനസ്വഭാവമുള്ള കുറ്റകൃത്യങ്ങളില്‍ ഉള്‍പ്പെട്ടവരാണ് പ്രതികളെന്നു പോലീസ് പറഞ്ഞു. അമ്പലപ്പുഴ ഇന്‍സ്പെക്ടര്‍ എസ്. ദ്വിജേഷിന്റെ നേതൃത്വത്തില്‍ എസ്.ഐ. ചിത്തരഞ്ജന്‍, സിവില്‍ പോലീസ് ഓഫീസര്‍മാരായ വിനുകൃഷ്ണന്‍, സുരാജ് എന്നിവര്‍ ചേര്‍ന്നാണു പ്രതികളെ അറസ്റ്റുചെയ്തത്. കോടതിയില്‍ ഹാജരാക്കിയ ഇവരെ റിമാന്‍ഡ് ചെയ്തു.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


pinarayi karnival

1 min

മുഖ്യമന്ത്രിയുടെ വാഹന വ്യൂഹത്തിലേക്ക് പുതിയ കാര്‍ വാങ്ങുന്നു; കിയ കാര്‍ണിവല്‍, വില 33.31 ലക്ഷം

Jun 25, 2022


Gautam adani

1 min

60,000 കോടി രൂപ ജീവകാരുണ്യ പ്രവർത്തനങ്ങൾക്ക്; ഗൗതം അദാനിയുടെ അറുപതാം പിറന്നാള്‍ സമ്മാനം

Jun 24, 2022

Most Commented