രാജു സേതുറാം, അജിത്
തൃശ്ശൂര്‍: ഒരേ ഫ്‌ളാറ്റിന്റെ വ്യാജരേഖകളുണ്ടാക്കി ഒന്നിലധികം ആളുകളുടെ പേരില്‍ വായ്പയെടുത്ത് കോടികള്‍ തട്ടിയ കേസില്‍ രണ്ടുപേര്‍ അറസ്റ്റില്‍. തൃശ്ശൂര്‍ മൂകാംബിക ഹോംസ് ആന്‍ഡ് അപ്പാര്‍ട്ട്‌മെന്റ്‌സ് മാനേജിങ് ഡയറക്ടര്‍മാരായ പൂത്തോള്‍ അടിയാട്ട് ലെയ്ന്‍ രാജ്ഭവനില്‍ രാജു സേതുറാം (48), പൂങ്കുന്നം ചക്കുംപുറത്ത് അജിത് (46) എന്നിവരാണ് അറസ്റ്റിലായത്. ഒരേ ഫ്‌ളാറ്റിന്റെ ഉടമസ്ഥാവകാശം സംബന്ധിച്ച രേഖകള്‍ മറ്റു പലരുടെയും പേരില്‍ വ്യാജമായി തയ്യാറാക്കിയാണ് ഇവര്‍ വായ്പത്തട്ടിപ്പ് നടത്തിയത്. കേസില്‍ 17 പ്രതികളുണ്ടെന്നറിയുന്നു.
2015-ല്‍ പൂങ്കുന്നത്ത് നിര്‍മാണം തുടങ്ങിയ ബാംബൂ വേവ്‌സ് ഫ്‌ളാറ്റിന്റെ പേരിലാണ് തട്ടിപ്പ് നടന്നത്. ഫ്‌ളാറ്റ് മുന്‍കൂട്ടി ബുക്ക് ചെയ്തവര്‍ക്ക് വായ്പ ശരിയാക്കി നല്‍കിയത് കേസില്‍ പ്രതിയാക്കപ്പെട്ടവരാണ്. കൊച്ചിയിലുള്ള ഇന്ത്യ ബുള്‍സ് ഹൗസിങ് ഫിനാന്‍സ് ലിമിറ്റഡ് എന്ന സ്ഥാപനത്തില്‍ നിന്നാണ് വായ്പയെടുത്തു നല്‍കിയത്. ഫ്‌ളാറ്റിന്റെ ഉടമസ്ഥാവകാശരേഖകള്‍ ഈടായി വാങ്ങിയാണ് ഈ കമ്പനി വായ്പ അനുവദിച്ചത്. ഈ രേഖകളുടെ വ്യാജ പതിപ്പെടുത്ത് രാജുവും സംഘവും മറ്റ് പലരുടെയും പേരില്‍ വായ്പയെടുക്കുകയായിരുന്നു. തിരിച്ചടവില്ലാതായപ്പോള്‍ കമ്പനി അന്വേഷണം നടത്തി. അപ്പോഴാണ് തട്ടിപ്പ് ബോധ്യമായത്. ഇതുമൂലം സ്ഥാപനത്തിന് മൂന്ന് കോടിയുടെ ബാധ്യതയുണ്ടായി.
തുടര്‍ന്ന് കമ്പനിയുടെ അസിസ്റ്റന്റ് ലീഗല്‍ മാനേജര്‍ അനുഷ് എ. രവീന്ദ്രന്‍ പോലീസില്‍ പരാതി നല്‍കി. രാജു സേതുറാമിനെതിരേ ഈസ്റ്റ്, വെസ്റ്റ് സ്റ്റേഷനുകളിലായി ഒമ്പത് കേസും അജിത് ചക്കുംപുറത്തിനെതിരേ വെസ്റ്റ് സ്റ്റേഷനില്‍ അഞ്ച് കേസുമുണ്ട്.
Also Watch
RELATED STORIES
.jpg?$p=b7a63db&f=1x1&w=100&q=0.8)
IN CASE YOU MISSED IT
.jpg?$p=2922c1a&f=1x1&w=100&q=0.8)
.jpg?$p=6e22375&f=1x1&w=100&q=0.8)
.jpg?$p=2dd1c87&f=1x1&w=100&q=0.8)
.jpg?$p=fc07f96&q=0.8&f=16x11&w=104)
.jpg?$p=48405e6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..