അബ്ദുൽ റഷീദ്
മലപ്പുറം: കാല്‍നൂറ്റാണ്ട് ഒളിവില്‍ കഴിഞ്ഞ പിടികിട്ടാപ്പുള്ളി പിടിയില്‍. മോഷണകേസുകളിലും സാമ്പത്തിക തട്ടിപ്പ് കേസുകളിലും പ്രതിയായ അരീക്കോട് മൂര്‍ക്കനാട് സ്വദേശി മോളയില്‍ അബ്ദുല്‍ റഷീദ് (55) ആണ് അറസ്റ്റിലായത്.
തമിഴ്നാട്ടിലെ ഉക്കടയില്‍നിന്ന് മലപ്പുറം പോലീസാണ് പിടികൂടിയത്. വ്യത്യസ്ത പേരുകളിലായി തമിഴ്നാട്, കര്‍ണാടക സംസ്ഥാനങ്ങളിലെ വിവിധ സ്ഥലങ്ങളിലാണ് 25 വര്‍ഷമായി ഒളിവില്‍ കഴിഞ്ഞത്. ഇയാള്‍ക്കെതിരേ ജില്ലയിലെ മഞ്ചേരി, അരീക്കോട്, കൊണ്ടോട്ടി, എടവണ്ണ, തിരൂരങ്ങാടി, വാഴക്കാട് പോലീസ് സ്റ്റേഷനുകളിലും എറണാകുളം, തൃശ്ശൂര്‍ ജില്ലകളിലുമായി പതിനഞ്ച് കേസുകളുണ്ട്.
പിടികിട്ടാപ്പുള്ളികളെ പിടികൂടാന്‍ ജില്ലാ പോലീസ് മേധാവി സുജിത്ത് ദാസ് പ്രത്യേക അന്വേഷണസംഘം രൂപവത്കരിച്ചിരുന്നു. മലപ്പുറം ഡിവൈ.എസ്.പി. പി.എം. പ്രദീപിന്റെ നിര്‍ദേശപ്രകാരം മലപ്പുറം പോലീസ് ഇന്‍സ്പെക്ടര്‍ ജോബി തോമസും പ്രത്യേക അന്വേഷണസംഘം അംഗങ്ങളായ എസ്.ഐ. എം. ഗിരീഷ്, പി. സഞ്ജീവ്, ഐ.കെ. ദിനേഷ്, പി. മുഹമ്മദ് സലീം, കെ.പി. ഹമീദലി, ജസീര്‍ എന്നിവര്‍ ചേര്‍ന്നാണ് പ്രതിയെ പിടികൂടിയത്.
Also Watch
RELATED STORIES
.jpg?$p=f45ebce&f=1x1&w=100&q=0.8)
IN CASE YOU MISSED IT
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..