റിസോര്‍ട്ടില്‍ വിദ്യാര്‍ഥിനിയുടെ മരണം: അസ്വാഭാവികതയില്ലെന്ന് നിഗമനം,സഹപാഠികളെ വിട്ടയച്ചു


ദഷ്രിത

വര്‍ക്കല: വര്‍ക്കലയിലെ റിസോര്‍ട്ടില്‍ മരിച്ച തമിഴ്നാട് സ്വദേശിനിയായ എന്‍ജിനീയറിങ് വിദ്യാര്‍ഥിനിയുടെ സഹപാഠികളെ രക്ഷിതാക്കള്‍ക്കൊപ്പം വിട്ടയച്ചു. അസ്വാഭാവികമായി ഒന്നുമില്ലെന്ന മൃതദേഹപരിശോധന നടത്തിയ ഡോക്ടര്‍മാരുടെ പ്രാഥമിക നിഗമനം കണക്കിലെടുത്താണ് ഒപ്പമുണ്ടായിരുന്നവരെ വിട്ടത്.

തൂത്തുക്കുടി ദിണ്ടിഗല്‍ സ്വദേശിനി ദഷ്രിത തിങ്കളാഴ്ച രാവിലെയാണ് മരിച്ചത്. ശാരീരിക അസ്വസ്ഥത അനുഭവപ്പെട്ടതിനെത്തുടര്‍ന്നായിരുന്നു മരണം. കോയമ്പത്തൂര്‍ നെഹ്റു എയ്റോനോട്ടിക് എന്‍ജിനീയറിങ് കോളേജിലെ വിദ്യാര്‍ഥിനിയായ ദഷ്രിത സഹപാഠികള്‍ക്കൊപ്പമാണ് റിസോര്‍ട്ടിലെത്തിയത്.

ദഷ്രിത ഉള്‍പ്പെടെ നാല് പെണ്‍കുട്ടികളും നാല് ആണ്‍കുട്ടികളുമാണ് മുറിയെടുത്ത് താമസിച്ചിരുന്നത്. ഇവരില്‍ ആറുപേര്‍ ഒന്നിച്ച് സ്‌കൂളില്‍ പഠിച്ചവരും രണ്ടുപേര്‍ പിന്നീട് കോളേജില്‍ വച്ച് പരിചയപ്പെട്ടവരുമാണ്. സംഘത്തിലുണ്ടായിരുന്ന വിദ്യാര്‍ഥിനിയുടെ ജന്മദിനം ആഘോഷിക്കാന്‍ എത്തിയെന്നാണ് ഇവര്‍ പോലീസിനോട് പറഞ്ഞത്. വീടുകളില്‍ അറിയിക്കാതെയാണ് എത്തിയത്. ദഷ്രിതയുടെ മരണത്തെത്തുടര്‍ന്ന് ഒപ്പമുണ്ടായിരുന്ന ഏഴുപേരെയും പോലീസ് സ്റ്റേഷനിലെത്തിക്കുകയും മൊഴിയെടുക്കുകയും ചെയ്തിരുന്നു.

ദഷ്രിതയും സഹപാഠികളും താമസിച്ച റിസോര്‍ട്ടിലെ മുറികള്‍ ഫൊറന്‍സിക്, വിരലടയാള വിദഗ്ധര്‍ പരിശോധന നടത്തിയിരുന്നു. ഇവരുടെ ബാഗുകളും മൊബൈല്‍ ഫോണുകളും പരിശോധനയ്ക്ക് വിധേയമാക്കി. ഇവരുടെയെല്ലാം രക്ഷിതാക്കളെയും സ്റ്റേഷനിലേക്ക് വിളിച്ചുവരുത്തിയിരുന്നു. അസ്വാഭാവിക മരണത്തിന് കേസെടുത്ത പോലീസ് ദഷ്രിതയുടെ ഒപ്പമുണ്ടായിരുന്നവരെ വിശദമായി ചോദ്യം ചെയ്തിരുന്നു.

ബലപ്രയോഗം നടന്നിട്ടില്ലെന്നായിരുന്നു മൃതദേഹപരിശോധനയിലെ പ്രാഥമിക നിഗമനം. മരണത്തിലെ ദുരൂഹത നീക്കാന്‍ ദഷ്രിതയുടെ ആന്തരികാവയവങ്ങള്‍ രാസപരിശോധനയ്ക്ക് അയച്ചിരിക്കുകയാണ്. അതിന്റെ ഫലവും മൃതദേഹപരിശോധനാ റിപ്പോര്‍ട്ടും ലഭിച്ചാല്‍ മാത്രമേ മരണകാരണം വ്യക്തമാകൂവെന്ന് പോലീസ് പറഞ്ഞു.

Content Highlights: college student died in a resort in varkala

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


pinarayi karnival

1 min

മുഖ്യമന്ത്രിയുടെ വാഹന വ്യൂഹത്തിലേക്ക് പുതിയ കാര്‍ വാങ്ങുന്നു; കിയ കാര്‍ണിവല്‍, വില 33.31 ലക്ഷം

Jun 25, 2022


Gautam adani

1 min

60,000 കോടി രൂപ ജീവകാരുണ്യ പ്രവർത്തനങ്ങൾക്ക്; ഗൗതം അദാനിയുടെ അറുപതാം പിറന്നാള്‍ സമ്മാനം

Jun 24, 2022

Most Commented