സഹോദരന്റെ ഭാര്യയോട് പക; കുഞ്ഞിനെ ശ്വാസംമുട്ടിച്ച് കൊന്ന് അലമാരയില്‍ ഒളിപ്പിച്ചത് പിതൃസഹോദരിമാര്‍


പ്രതീകാത്മക ചിത്രം | Photo: Christopher Furlong Getty Images

നോയിഡ: രണ്ട് വയസ്സുകാരനെ ശ്വാസംമുട്ടിച്ച് കൊലപ്പെടുത്തിയ കേസിൽ ബന്ധുക്കളായ സ്ത്രീകൾ അറസ്റ്റിൽ. കുട്ടിയുടെ പിതൃസഹോദരിമാരായ പിങ്കി, റിങ്കി എന്നിവരെയാണ് നോയിഡ സുരാജ്പുർ പോലീസ് തിങ്കളാഴ്ച അറസ്റ്റ് ചെയ്തത്. സെപ്റ്റംബർ 29-ാം തീയതിയാണ് പ്രതികളുടെ വീട്ടിൽ രണ്ട് വയസ്സുകാരനെ മരിച്ചനിലയിൽ കണ്ടെത്തിയത്.

വീട്ടിലെ അലമാരക്കുള്ളിൽ തുണിയിൽ പൊതിഞ്ഞ് ഒളിപ്പിച്ചനിലയിലായിരുന്നു മൃതദേഹം. സഹോദരന്റെ ഭാര്യയോടുള്ള അസൂയയും പകയും കാരണമാണ് പ്രതികൾ അവരുടെ കുഞ്ഞിനെ കൊലപ്പെടുത്തിയതെന്ന് പോലീസ് പറഞ്ഞു.

കുഞ്ഞിനെ കാണാനില്ലെന്ന് സെപ്റ്റംബർ 29-ന് പിതാവ് സുരാജ്പുർ പോലീസിൽ പരാതി നൽകിയിരുന്നു. അന്വേഷണം നടക്കുന്നതിനിടെയാണ് അന്നേദിവസം രാത്രി വീട്ടിലെ അലമാരക്കുള്ളിൽ കുഞ്ഞിനെ മരിച്ചനിലയിൽ കണ്ടെത്തിയത്. ശ്വാസംമുട്ടിയാണ് മരണം സംഭവിച്ചതെന്ന് ഡോക്ടർമാർ സ്ഥിരീകരിച്ചതോടെ വിശദമായ അന്വേഷണം നടത്തുകയായിരുന്നു.

സാഹചര്യത്തെളിവുകളുടെ അടിസ്ഥാനത്തിലാണ് രണ്ട് സഹോദരിമാരെയും പോലീസ് വിശദമായി ചോദ്യംചെയ്തത്. തുടർന്ന് കുഞ്ഞിനെ കൊലപ്പെടുത്തിയത് തങ്ങളാണെന്ന് ഇരുവരും സമ്മതിക്കുകയായിരുന്നു. സഹോദരന്റെ ഭാര്യയ്ക്ക് തങ്ങളോടുള്ള സമീപനത്തിൽ ഇരുവരും അസ്വസ്ഥരായിരുന്നു. പലവിഷയങ്ങളിലും സഹോദരൻ ഭാര്യയുടെ പക്ഷം പിടിക്കുന്നതും തങ്ങളെ ശകാരിക്കുന്നതും ഇവരെ പ്രകോപിപ്പിച്ചു. സഹോദരന്റെ ഭാര്യയോട് അസൂയയും പകയും വർധിച്ചു. ഇതോടെയാണ് കുഞ്ഞിനെ കൊലപ്പെടുത്തി പ്രതികാരം ചെയ്യാൻ തീരുമാനിച്ചതെന്നും ശ്വാസംമുട്ടിച്ച് കൊലപ്പെടുത്തിയ ശേഷം അലമാരക്കുള്ളിൽ ഒളിപ്പിക്കുകയായിരുന്നുവെന്നും ഇവർ പോലീസിനോട് പറഞ്ഞു. സംഭവത്തിൽ രണ്ട് പേർക്കുമെതിരേ എഫ്.ഐ.ആർ. രജിസ്റ്റർ ചെയ്തതായി സുരാജ്പുർ പോലീസ് അറിയിച്ചു.

Content Highlights:child killed by his aunts in noida



Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

1 min

താലികെട്ടിനു തൊട്ടുമുമ്പ് വിവാഹത്തില്‍നിന്ന് പിന്മാറി വധു; പിറ്റേന്ന് പഴയ സുഹൃത്തുമായി വിവാഹം

Jan 28, 2023


john brittas mp

1 min

മോദിയുടേയും അദാനിയുടേയും വളർച്ച സമാന്തര രേഖ പോലെ,രാജ്യത്തെ പദ്ധതികൾ എല്ലാംപോയത് അദാനിക്ക്-ബ്രിട്ടാസ്

Jan 28, 2023


Mentalist Aadhi
Premium

15:03

അതീന്ദ്രിയ ശക്തികളോ മനസ്സ് വായിക്കാനോ ഉള്ള കഴിവോ മെന്റലിസത്തിന് ഇല്ല

Jan 25, 2023

Most Commented